Mak 8:31 - RUAC KUƆTH IN RƐL RƆ

³¹ Cuɛ Yecu ɛ tok kɛ mi ŋi̱i̱cɛ kɛ, wëë i̱, “Bi Gat Ran ti bɛ̈c bɛ̈ɛ̈c ti ŋuan yi̱k rut, kä ba jɛ lo̱k ɛ di̱t kɛnɛ bööth palä tin di̱t amäni ji̱ gɔ̱rkä. Kä ba jɛ näk, kä kɛ kɔr ni̱ni da̱ŋ diɔ̱k bɛ rɔ jiɛc li̱th.

Mak 8:31 Iomraidhean Croise

Diit 118:22

Jɛn päm in ci ta̱a̱th duëli jɛ lo̱k, ɛ jɛn ci ben a päm in tuɔkɛ ta̱th duëël ɔ.

I-ca-yaa 53:3

Jɛn nyiɛrkɛ jɛ kä lökɛ jɛ ɛ nɛy tin kɔ̱ŋ, ɛ ram mi ruutni cuɔ̱c kä ɛ gua̱n rikä, jɛn ɛ ram mi tey nɛy tin kɔ̱ŋ nhiamdiɛn kɛ jɛ, lökɛ jɛ kä thilɛ ram mi caar jɛ i̱, ɛ duɔ̱ɔ̱r.

Ɣocä 6:2

Kä kɛ kɔr ni̱ni da̱ŋ rɛw bɛ kɔn ben tëk, kɛ cäŋ in diɔ̱ɔ̱kdiɛn bɛ kɔn ben jiɛc kä banɛ cu tëk nhiamdɛ.

Jona 1:17

Kä cu Kuoth Nhial ɛ rial ikä ɛn ɣöö bi re̱c mi di̱i̱t Jona roc, kä cu Jona cieŋ jic rɛ̱̈c kɛ ni̱n diɔ̱k.

Mɛ̈t 12:40

Ce̱tkɛ mëë te Jona jic rɛ̱̈c mi di̱i̱t kɛ ni̱n da̱ŋ diɔ̱k, bi Gat Ran tekɛ ni̱n da̱ŋ diɔ̱k piny.

Mɛ̈t 21:42

Cu Yecu kɛ jiök i̱, “/Ka̱nɛ jɛ met kuɛn rɛy ruaacni Kuɔth i̱, ‘Päm ëë ca lo̱kɛ ɛ ta̱a̱th duëli ɛ jɛn ci ben a päm gɔŋtɔtdä mɔ. Mɛmɛ ɛ la̱t Kuäär ni Kuoth, kä ɛ mi gääy nëndɛ naath’?

Mɛ̈t 27:63

cukɛ wee i̱, “Kuäär, kɔn cakɛ mëë ci gua̱n kacä ɛmɔ jɛ lat tim mëë ŋotdɛ kɛ tëk i̱, ‘Kɛ kɔr ni̱ni da̱ŋ diɔ̱k, ɣän bä rɔ jiɛc li̱th.’

Mak 12:10

/Ka̱nɛ ruac ɛmɛ kuɛn i̱, ‘Päm ëë ca lo̱k ɛ ta̱a̱th duëli, Ɛ jɛn ci ben a päm gɔŋtɔtdä mɔ.

Luk 17:25

Kä duundɛ ɣöö kɛ nhiam bɛ cuuc ɛlɔ̱ŋ, kä ba jɛ lo̱k ɛ ri̱c ɛmɛ.

Luk 24:26

/Cɛ rɔ lot ɛn ɣöö bi Mɛ-thia ti bɛ̈c bɛ̈ɛ̈c ti̱ti̱ rut, kä bɛ cu wä rɛy wutädɛ?”

Luk 24:44

Kä cuɛ kɛ jiök i̱, “Ti̱ti̱ kɛ kɛn rieetkä tëë cä la̱r yɛ, mëë ŋuɔtdä kɛɛl kɛ yɛ, ɛn ɣöö ti diaal tëë ca gɔ̱r kɛ kui̱dä rɛy ŋuɔ̱tni Muthɛ kɛnɛ ruaacni göökni, kɛ Diit bikɛ dhil a thuɔ̱ɔ̱k.”

Jɔ̱ɔ̱n 12:48

Kä ram mi lo̱k ɣä, kä /cɛ ruacdä nhɔk, ba jɛ luk. Kä ruac ëë cä lat bɛ la luuk kɛ cäŋ guutdä ɣɔaa.

Jɔ̱ɔ̱n 2:19

Cu Yecu kɛ loc, “Da̱kɛ luaak Kuɔth ɛmɛ, kä bä jɛ nyɔk kɛ lätni kɛ ni̱n da̱ŋ diɔ̱k.”

Lät Jaakni Yecu 7:35

“Ɛn Muthɛ ɛmɛ ɛ jɛn mëë ca kɔŋ lo̱k ɛ kɛn, mëë ɛ kɛn i̱, ‘Ɛŋa mi ci ji̱ jakä rueec kä luuk?’ Ci Kuoth ɛ ja̱k ala rueec kɛnɛ kään kɛ luäk jääkä nhial mëë ci päl kä jɛ rɛy butbutdä.

1 Kor 15:4

cua jɛ kony, kä ca jɛ jiɛc li̱th kɛ diɔ̱ɔ̱k ni̱ni, ce̱tkɛ mi ca gɔ̱r rɛy ruaacni Kuɔth,

1 Tham 10:19

Kä täämɛ cia Kuothdun lo̱k, mëë kään yɛ kɛ rikun diaal kɛnɛ tin ga̱ykɛ yɛ. Kä cuarɛ wee i̱, ‘Eey! Kä duundɛ ɣöö moc ni kɔ kɛ kuäär.’ Kä täämɛ kua ben nhiam Kuɔth Nhial kɛ thuk duëlikun kɛnɛ karkun.”

1 Tham 8:7

Kä cu Kuoth Nhial ɛ jiök i̱, “Liŋ naath kɛ tin diaal tin la̱tkɛ ji̱. Kɛ ɣöö /ca lo̱k ni ji̱ lökɛ ni ɣä, kɛ ɣöö dëë a kuääriɛn.