Mak 7:9 - RUAC KUƆTH IN RƐL RƆ

⁹ Kä cu Yecu kɛ jiök i̱, “Ta̱yɛ kɛ ca̱p mi gɔaa mi lökɛ ni ŋut Kuɔth, kɛ ɣöö bia ni käp ciaŋ ŋutädun.

Mak 7:9 Iomraidhean Croise

Diit 119:126

Ɛ gua̱a̱th kä ji̱ Kuoth Nhial, kɛ ɣöö bi duɔ̱ɔ̱r la̱t, kɛ ɣöö ca ŋuɔ̱tku töl.

I-ca-yaa 24:5

Wi̱c muɔ̱ɔ̱n ca jɛ ya̱r ɛ ji̱kɛ, kɛ ɣöö /kenkɛ ŋuɔ̱t Kuɔth luɔ̱th, cikɛ ciɛŋkɛ päl, cikɛ mat ruac in do̱raar to̱l.

I-ca-yaa 29:13

Cu Kuoth Nhial wee i̱, “Nɛy ɛ ti thia̱kɛ kɛ ɣä kɛ thukiɛn, kä luɔ̱thkɛ ɣä kɛ lëëpkiɛn, kä nɔ̱a̱n lo̱ckiɛn ɛlɔ̱ŋ kɛ ɣä, kä paliɛn kɛ ɣä ɛ nyuuth nath ti ŋi̱eeckɛ kɛ kɛɛt,

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Mak 7:13

Kä ɛnɔ woc yɛn ni ruac Kuɔth kɛ ciaaŋdun min nyuth yɛn ɛ naath. Kä la̱tdɛ ni ŋɔaani ti ŋuan tin ce̱tkɛ ti̱ti̱.”

Mak 7:3

Kɛ ɣöö ji̱ Pa-ri-thii kɛnɛ ji̱ Juudh diaal /cikɛ a mi̱thkɛ a /ka̱n tetkiɛn kɔn lak agɔaa, kɛ ɣöö tiɛtkɛ ciaŋ ŋuɔ̱tni di̱tnikiɛn.

Mak 7:5

Cu ji̱ Pa-ri-thii kɛnɛ ji̱ gɔ̱rkä jɛ thiec, “Ɛŋu /ci ji̱ kɔaaru cieŋ kɛ ciaŋ di̱tnikɔn ɔ, kɛ ɣöö mi̱thkɛ a /ka̱n tet ti ci jiäk lak?”

Ji̱ Röm 3:31

La kɔn ŋut a yär kɛ kui̱ ŋäthä ɛmɛ? /Cɛ der a jɛn! Kä inɔ, la kɔn ŋut a jak kä ɣöö ba thuɔ̱k.

2 Kor 11:4

Kä la yɛn rɔ̱ a päl piny mi tëëkɛ ram mi ci ben kä yɛ, kä lätdɛ yɛ ruac Yecu mi göl kä Yecu in cak ɔ la̱t yɛ. Kä nhɔk yɛn yiëë kiɛ thuk ti gɔw ti gööl kä yiëë kɛnɛ thuk tin gɔw tin cia jek kä kɔ.

Ji̱ Gä-lëë-cia 1:14

Kä cä wä nhiam ɛlɔ̱ŋ rɛy ŋäcä ciɛŋä ŋäthä ji̱ Juudh a lënyä ri̱cnikä ti ŋuan rɛy nɛɛnikä, kɛ ɣöö cä rɔ la̱th rɛy ŋuɔ̱tni gua̱ndɔɔŋnikɔ.

Ji̱ Gä-lëë-cia 2:21

/Cä jak ni puɔ̱th Kuɔth kä thil luɔt, kɛ ɣöö mi muɔckɛ raan cuɔ̱ɔ̱ŋ kɛ guuri ŋuɔ̱tni, kä li̱w Kritho kɛ mi thil luɔt.

2 Thɛ 2:4

Kä jɛn bɛ mɔ cɔalkɛ mɔ i̱ Kuoth kiɛ mɔ palkɛ mɔ gak, kä bɛ rɔ kap nhial wi̱i̱diɛn diaal. Kä jɛn bä bɛ wä nyuur ni rɛy Luaak Kuɔth, kä bɛ wee ɛ jɛn Kuoth.