Mak 7:34 - RUAC KUƆTH IN RƐL RƆ

³⁴ Mëë cɛ nhial liɛc, cuɛ yiëë ŋɔk a di̱t, kä cuɛ wut jiök i̱, “Ɛ-pa-tha”, mi lot ni ɣöö, “Lɛprɔ.”

Mak 7:34 Iomraidhean Croise

Ɣöth 2:23

Kɛ gua̱a̱th mi bäär, cu kuäär I-jëp li̱w, cu ji̱ I-thɛ-rɛl lɔcdiɛn ŋot kɛ dɛ̈t kɛ yaakdiɛn, kä cukɛ wiee kɛ ɣöö baak kɛ luäk, kä cu wieediɛn cop nhiam Kuɔth.

I-ca-yaa 53:3

Jɛn nyiɛrkɛ jɛ kä lökɛ jɛ ɛ nɛy tin kɔ̱ŋ, ɛ ram mi ruutni cuɔ̱c kä ɛ gua̱n rikä, jɛn ɛ ram mi tey nɛy tin kɔ̱ŋ nhiamdiɛn kɛ jɛ, lökɛ jɛ kä thilɛ ram mi caar jɛ i̱, ɛ duɔ̱ɔ̱r.

Mak 1:41

Cu Yecu lɔcdɛ ŋɛ̈p kɛ kui̱dɛ, kä cuɛ tetdɛ riny cuɛ jɛ thiap, kä cuɛ jɛ jiök i̱, “Nhɔakä jɛ. A puɔ̱nydu gɔaa.”

Mak 15:34

Kä mëë ci cäŋ rɔ buɔ̱k, cu Yecu ciöt kɛ jɔw mi di̱i̱t i̱, “Ɛloi, Ɛloi, lama thabakthanay?” mi lot ni ɣöö, “Kuothdä, Kuothdä, ɛŋu ci ɣä ba̱ny piny ɔ?”

Mak 5:41

Kä cuɛ tet gatdä käp, cuɛ jɛ jiök i̱, “Talitha kum,” mi lot ni ɣöö i̱, “Nyam mi tɔt, i̱ jiɛc rɔ!”

Mak 6:41

Kä cu Yecu jurayni da̱ŋ dhieec kɛnɛ rɛc da̱ŋ rɛw ka̱n, kä cuɛ nhial liɛc kä cuɛ kɛ poth, kä cuɛ jurayni puɔ̱ny, kä cuɛ kɛ ka̱m ji̱ kɔaarɛ, kɛ ɣöö bikɛ kɛ dääk kä naath. Kä cuɛ rɛc da̱ŋ rɛw da̱a̱k kamnikiɛn diaal.

Mak 7:35

Ni ɛn wanɔ cu ji̱thkɛ rɔ̱ lɛp, kä cua lɛpdɛ lony, kä cuɛ ruac agɔaa.

Mak 8:12

Cuɛ yiëë mi di̱i̱t ŋɔk, kä cuɛ wee i̱, “Kä ɛŋu go̱o̱r ri̱c ɛmɛ ni nyuuth ɔ? Ɛpuc ɣän la̱rä jɛ yɛ, thilɛ nyuuth mi ba ka̱m ɛn ri̱c ɛmɛ.”

Luk 18:42

Cu Yecu jɛ jiök i̱, “Ku guic, ŋa̱thdu cɛ ji̱ kän.”

Luk 19:41

Mëë ci Yecu ben thiekä wec, kä cɛ wec nɛn, cuɛ wiee kɛ kui̱dɛ,

Luk 7:14

Kä cuɛ ben, cuɛ gal thiap, kä cu nɛy tin kapkɛ gal cuɔ̱ŋ. Kä cuɛ wee i̱, “Ŋuɛ̈t, ɣän jiökä ji̱, jiɛc rɔɔdu!”

Jɔ̱ɔ̱n 11:33

Mëë ci Yecu jɛ nɛn wieeɛ, kä wiee ji̱ Juudh tin bëë kɛɛl kɛ jɛ bä, cu lɔcdɛ jiath, kä cuɛ yiëë ŋɔk.

Jɔ̱ɔ̱n 11:35

Cu Yecu wiee.

Jɔ̱ɔ̱n 11:38

Cuɛ Yecu lɛni ŋɔ̱ŋ kä cuɛ ben guäth kunyä. Ɛ kɔ̱a̱k mi ca guaŋ, kä te päm thokdɛ.

Jɔ̱ɔ̱n 11:41

Kä inɔ, cukɛ päm ka̱m raar. Kä cu Yecu nhial liɛc, cuɛ wee i̱, “Gua̱di̱n, ɣän la̱rä ji̱ tɛth lɔaacdä kɛ ɣöö ci ɣä liŋ.

Jɔ̱ɔ̱n 11:43

Mëë cɛ nɛmɛ lar, cuɛ ciöt kɛ jɔw mi di̱i̱t i̱, “La-dha-räth, bër raar!”

Jɔ̱ɔ̱n 17:1

Kɛ kɔr kä mëë ci Yecu ruaacni tɔ̱tɔ̱ lat, cuɛ nhial liɛc, kä cuɛ wee i̱, “Gua̱di̱n, ci gua̱a̱th ben. Puɔnyni Gatdu, kɛ ɣöö dee Gatdu ji̱ puany,

Lät Jaakni Yecu 9:34

Kä cu Pi-tɔr jɛ jiök i̱, “I-ni-yäth, bi Yecu Kritho ji̱ jak kä gɔaa, jiɛc rɔ kä riy ko̱lu.” Kä ni ɛn guäth ɛmɔ cuɛ rɔ jiɛc.

Lät Jaakni Yecu 9:40

Cu Pi-tɔr kɛ tuɔ̱k raar kɛn diaal, kä cuɛ rɔ ka̱m mua̱a̱l kä cuɛ pal. Kä cuɛ rɔ riet puɔ̱ɔ̱nydɛ, kä cuɛ wee i̱, “Ta-bi-tha, jiɛc rɔ.” Kä min cuɛ wäŋkɛ lɛp, kä cɛ Pi-tɔr nɛn, cuɛ rɔ jiëc nyuur.

Ji̱ Ɣi-bɛ-ru 4:15

Kɛ ɣöö thilɛ kɔn bo̱o̱th palä in di̱i̱t mi /ci dee te kɛɛl kɛ kɔn rɛy nyuänädan, ta̱nɛ kɛ bo̱o̱th palä mi ca ɣɔ̱n kɛ dup diaal ce̱tkɛ kɔn, kä duundɛ ɣöö thilɛ jɛ duer.