Mak 7:28 - RUAC KUƆTH IN RƐL RƆ

²⁸ Kä cuɛ jɛ loc i̱, “Ɣɔ̱ɔ̱n, Kuäär, kä cäŋɛ jɛn inɔ la jio̱o̱k tin ci duɔth guäth mi̱eth dho̱li a cam.”

Mak 7:28 Iomraidhean Croise

Diit 145:16

La ɣäri tetdu bi kɛn diaal cu ro̱ŋ kɛ tin go̱o̱r kɛn kɛ.

I-ca-yaa 45:22

Luɔ̱nyɛ kä ɣä bia kään, yɛn diaal yɛn ji̱ pekni ɣɔaa! Kɛ ɣöö ɛ ɣän la Kuoth Nhial ɔ, thilɛ Kuoth mi dɔ̱ŋ ɛ ni ɣän.

I-ca-yaa 49:6

Kä cu Kuäärä wee i̱, “Kuiyɛ ɛlɔ̱ŋ kɛ ɣöö bi ji̱n a ja̱ŋdä, kɛ ɣöö bi thuk duëli Je-kɔb jiac nhial, kä bi ji̱ I-thɛ-rɛl tin tëk luɔ̱c jɔk. Ɣän bä ji̱ jak kä buay kä döör, dɔ̱ŋ bi ka̱ndä naŋ pekni ɣɔaa diaal.”

Mɛ̈t 15:27

Cu ciek wee i̱, “Ɛ jɛn, Kuäär ni Kuoth, kä duundɛ ɣöö cäŋɛ kɛn jio̱o̱k camkɛ tin la pɛn guäth mi̱thni ji̱kiɛn.”

Mɛ̈t 5:45

kɛ ɣöö bi yɛn a gaat Guurun in te nhial kɛ ɣöö jakɛ cäŋdɛ kä lɛp kä nɛy ti jiäk kɛnɛ nɛy ti gɔw, kä jäkɛ nhiaal kä ji̱ cuŋni kɛnɛ nɛy ti thil cuŋ.

Mak 7:27

Kä cu Yecu jɛ jiök i̱, “A gaat kɔn ria̱ŋ, kɛ ɣöö /cɛ gɔaa ɛn ɣöö ba mi̱eth dho̱li ka̱n, kä ba jɛ yuɔ̱r jio̱o̱k.”

Mak 7:29

Kä cuɛ ciek ɛmɔ jiök i̱, “Kɛ ɣöö ci jɛ loc inɔ, locni jɔk, ci Yiëë in jiääk jiɛɛn puɔ̱ny nyaadu.”

Ji̱ Röm 10:12

Kɛ ɣöö thilɛ dääk kam ji̱ Juudh kɛnɛ ji̱ Gɛ-rith, kɛ ɣöö Kuäär ni Kuoth ɛ kɛl, kä ɛ jɛn Kuäär ni Kuoth nɛɛni diaal, kä la tho̱pɛ puɔ̱th nɛy diaal tin ŋa̱thkɛ jɛ.

Ji̱ Röm 3:29

Caari jɛ i̱ ɛ Kuoth ji̱ Juudh kärɔ̱? A /ciɛ Kuoth Juri bä? Ɣɔ̱ɔ̱n, ɛ Kuoth Juri bä,

Ji̱ Ɛ-pɛ-thäth 3:8

Ɣän kuiy ni ɣän kä nɛɛ Kuɔth diaal, kä duundɛ ɣöö ci Kuoth ɣä ka̱m muc kä ɣöö bä Jur la̱t thuk ti gɔw riäŋä Kritho.