42 Cu kɛn diaal mith a cukɛ ria̱ŋ.
Kä cu Yecu jurayni da̱ŋ dhieec kɛnɛ rɛc da̱ŋ rɛw ka̱n, kä cuɛ nhial liɛc kä cuɛ kɛ poth, kä cuɛ jurayni puɔ̱ny, kä cuɛ kɛ ka̱m ji̱ kɔaarɛ, kɛ ɣöö bikɛ kɛ dääk kä naath. Kä cuɛ rɛc da̱ŋ rɛw da̱a̱k kamnikiɛn diaal.
Kä cukɛ duɔth jurayni kɛnɛ rɛc kuany, a cu diënyni wäl wi̱cdɛ rɛw thia̱a̱ŋ.
Cu kɛn diaal mi̱th a bikɛ ria̱ŋ. Kä cua tin ci duɔth kuany rɛy diënyni da̱ŋ wäl wi̱cdɛ rɛw.
Mëë cikɛ mi̱th a cikɛ ria̱ŋ, cuɛ ji̱ kɔaarɛ jiök i̱, “Kuanyɛ tɔ̱ ci duɔth tɔ̱, kɛ ɣöö bɛ thil mi bi duɔth piny.”
Kä cuɛ yɛ pa̱l buɔth, kä cuɛ yɛ mi̱eeth kɛ mana mi kuecɛ, kä kui̱c guuri jɛ bä. Nyuthɛ ni jɛ yɛ ɛn ɣöö ciɛ mi̱eth kä rɔa dëë raan tëkɔ. Tëk raan kɛ riet mi bä raar kä Kuoth Nhial.
