Mak 6:34 - RUAC KUƆTH IN RƐL RƆ

³⁴ Min wä Yecu piny rɛy ria̱a̱y, cuɛ buɔ̱n mi di̱i̱t nɛn, kä cu lɔcdɛ luäkdiɛn go̱r, kɛ ɣöö ce̱tkɛ kɛ det ti thil yieen. Kä cuɛ kɛ tok kɛ ŋi̱i̱c kɛ ŋɔaani ti ŋuan.

Mak 6:34 Iomraidhean Croise

1 Kua̱r 22:17

Kä cu Mi-ka-yaa wëë, “Ɣän cä ji̱ thuk duëli kuec caam diaal nɛn cikɛ däk wuɔ̱thni päämni ce̱tkɛ det ti thil yien. Kä cu Kuoth Nhial wee i̱, ‘Kɛn nɛy ti̱ti̱ thilɛ kɛ bo̱o̱th. Ɛ ramɔ loc dhɔrɛ kɛ mal.’ ”

2 Kuɛ̈n 18:16

Kä cu Mi-ka-yaa wee, “Ɣän ca ji̱ thuk duëli kuec caam diaal nɛn, cikɛ däk wuɔ̱thni päämni ce̱tkɛ det ti thil yiëën. Kä cu Kuoth Nhial wee, ‘Kɛn nɛy ti̱ti̱ thilɛ kɛ bo̱o̱th. Ɛ ramɔ loc dhɔrɛ kɛ mal.’ ”

I-ca-yaa 13:14

Kɛn naath bikɛ wur ce̱tnikɛ kɛɛw ti kakɛ, kɛnɛ dët ti thil ram mi rolkɛ, bi ram ɔ loc nikä nɛɛkiɛn, bi ram ɔ rɔ bar dhɔriɛn.

Bok Go̱kä ni Yir-mɛ-yaa 50:6

“Ci nɛɛkä cu ce̱tnikɛ ti ci bath. Kä ci yiëënkiɛn kɛ cu buath jɔ̱ɔ̱r, a wä kɛ yi̱ec ni wuɔ̱thni päämni. Ci kɛn wä yi̱ec wuɔ̱thni päämni kɛnɛ rët, cikɛ luakdiɛn cu pa̱l ruëëc.

Yɛdh 34:5

Kä ɛ jɛn cakɛ riaw dɔɔr ɔ, kɛ ɣöö thilɛ kɛ yiëën, kä mëë cakɛ riaw cikɛ cua̱ mi̱th leyni dɔaar diaal.

Dhɛk 10:2

Kä la kolaaŋ a lat ni baŋ, kä la ti̱t a nɛɛn ni kac. Kä lat ji̱ la̱a̱kni ni ka̱a̱cni, kä thöpkɛ ni lui̱k mi baŋ. Kɛ kui̱c ɛmɔ yi̱c naath ce̱tkɛ det, cuckɛ kɛ ɣöö thilɛ kɛ yieen.

Kuen 27:17

mi bi naath bo̱th. Kɛ ɣöö ci duɔl Kuɔth Nhial bi ce̱tkɛ rɔɔm ti thil yieen.”

Mɛ̈t 14:14

Kä min wëë raar thok waath, cuɛ buɔ̱n mi di̱i̱t nɛn, kä cu lɔcdɛ luäkdiɛn go̱r, kä cuɛ ji̱ jua̱thnikiɛn jakä gɔw.

Mɛ̈t 15:32

Kä cu Yecu jaakɛ cɔl, kä cuɛ kɛ jiök i̱, “Go̱o̱r lɔcdä luäk bunä mɛmɛ, kɛ ɣöö cikɛ tekɛ ɣä kɛɛl kɛ ni̱n da̱ŋ diɔ̱k kä thilɛ mi ci kɛn ɛ cam. /Cä jɛ go̱o̱r ɛn ɣöö bäkɛ jakä wä a näk buɔthkɛ, kä dɔ̱ŋ dee kɛ wä muɔn dup.”

Mɛ̈t 9:36

Kä min cɛ buɔ̱n nɛn, cuɛ tekɛ nhök kɛ kui̱diɛn, kɛ ɣöö ga̱a̱rkɛ kä thilkɛ lua̱ŋ, ce̱tkɛ kɛ det ti thil yieen.

Mak 6:33

Kä cu nɛy ti ŋuan kɛ nɛn wäkɛ, cukɛ kɛ ŋic, kä cukɛ riŋ ɛn wi̱ni kɛ pɛ̈th kɛ ciökiɛn rɛy ciëëŋni diaal, kä cu kɔŋ cop ni naath.

Mak 6:35

Mëë ci cäŋ kuɛ̈ɛ̈, cu ji̱ kɔaarɛ ben kä jɛ. Cukɛ jɛ jiök i̱, “Gua̱a̱th ɛmɛ ɛ dɔr mi thil naath, kä ci cäŋ kuɛ̈ɛ̈.

Mak 8:1

Kä ɛn ni̱ni tɔ̱tɔ̱ mëë ci buɔ̱n mi di̱i̱t lɛni duɔl, kä thilɛ kɛ mi camkɛ, cu Yecu ji̱ kɔaarɛ cɔl, kä cuɛ kɛ jiök i̱,

Mak 8:2

“Go̱o̱r lɔcdä luäk nɛɛni ti̱ti̱, kɛ ɣöö täämɛ cikɛ jääny kɛ ɣä kɛɛl kɛ ni̱n da̱ŋ diɔ̱k, kä thilɛ mi ba cam.

Luk 9:11

Mëë ci buɔ̱n nɛɛni ti ŋuan jɛ ŋa̱c, cukɛ jɛ guɔ̱ɔ̱r. Kä cuɛ kɛ nyuɔ̱ɔ̱r, kä cuɛ kɛ la̱t ruac kuäärä Kuɔth, kä cuɛ nɛy tin tekɛ jua̱th jakä gɔw.

Ji̱ Ɣi-bɛ-ru 2:17

Kɛ kui̱ ɛmɔ ca jɛ pa̱a̱r kɛ gaatmani kä ti diaal, kɛ ɣöö bɛ la raandiɛn mi ŋa̱thkɛ kä kɔ̱c lɔc mi bo̱o̱th palädiɛn in di̱i̱t mi lät Kuoth ikä, kɛ ɣöö bɛ bɛ nath luɛl dueeri.

Ji̱ Ɣi-bɛ-ru 4:15

Kɛ ɣöö thilɛ kɔn bo̱o̱th palä in di̱i̱t mi /ci dee te kɛɛl kɛ kɔn rɛy nyuänädan, ta̱nɛ kɛ bo̱o̱th palä mi ca ɣɔ̱n kɛ dup diaal ce̱tkɛ kɔn, kä duundɛ ɣöö thilɛ jɛ duer.