Mak 6:21 - RUAC KUƆTH IN RƐL RƆ

²¹ Kɛ jɔak cu Ɣɛ-ro-diäth gua̱a̱th jek kɛ cäŋ ti̱mä däpä Ɣɛ-rod mëë cɛ mi̱th la̱t kɛ kui̱ bööthni kumɛkädɛ kɛnɛ bööth rɛ̈m kɛ bööth wec ji̱ Gɛ̈-lɛ-li.

Mak 6:21 Iomraidhean Croise

Tuk Cäkä Ɣɔaa 27:41

Ɛn guäth ɛmɔ cu E-thɔ däman ni Je-kɔb cu luɔ̱c tɛr kɛ kui̱ puthä min ci gua̱n ɛ ka̱m jɛ, kä cuɛ riet kɛ lɔcdɛ i̱, “Kɛn ni̱n tin ba par ni gua̱a̱r cikɛ thiak. Bä rɔ cu jek gua̱a̱th mi na̱kä ni dämaar ni Je-kɔb.”

Tuk Cäkä Ɣɔaa 40:20

Kä cua jɛn ɛ thuɔ̱k. Kɛ jɛn cäŋ in diɔ̱ɔ̱kdiɛn in la cäŋ ti̱mä däpä Pɛro, cuɛ mi̱eth mi di̱i̱t rialikä kɛ kui̱ ji̱ läätädɛ diaal. Kä cuɛ gua̱n kɔŋädɛ kɛnɛ thäätdɛ nööŋ raar luaak yi̱eenä nhiam ji̱ läätädɛ diaal.

Ɛth-ter 2:18

Kä cu kuäär ruëëc kɛnɛ mädhi̱i̱rikɛ lät kä mi̱th. “Mi̱th la̱tkɛ kɛ, kɛ kui̱ Ɛth-ter.” Kä cu kuäär naath moc lɔ̱a̱ŋ, rɛy wi̱i̱nikɛ diaal, kä cuɛ naath moc kɛ muc ti ŋuan, kɛ ciöt kuäärädɛ.

Ɛth-ter 3:7

Kä kɛ pay in jio̱l in cɔali Tio̱p thar pɛ̈t, kɛ ruɔ̱n jiath kɛl wi̱cdɛ rɛw ruëc Kua̱r ni Ä-ɣɛ̈c-we-roc, cukɛ gaakni yuɔr. Kä cukɛ jɛ la̱t nhiam Ɣa-man, kɛ ɣöö dëë cäŋ kɛnɛ pay in dee Ɣa-man ɛ näk ni ji̱ Juudh ŋa̱c. Kä cu yor gaakni pɛn kä cäŋ kä wäl wi̱cdɛ diɔ̱k kä pay wäl rɛw, (Tio̱p in di̱i̱t).

Ɣocä 7:5

Kä kɛ cäŋ ti̱mä kua̱ra, bɛ bööth moc juey kɛ lëth kɔŋä, kä cɛ rɔ cu mat kɛ nɛy tin dɔ̱a̱kɛ naath.

Luk 3:1

Kɛ wäl dhieec runi, ruëc Tay-bi̱i̱-riäth kuäär in di̱i̱t, mëë Pɔn-tiäth Pay-lɛt ɛ mädhi̱i̱r kä Ju-dia, kä Ɣɛ-rod ɛ rueec Gɛ̈-lɛ-li, kä däman ni Pi-lip ɛ rueec rööl I-tu-ria kɛnɛ Tu-ri-kɔ-ni-tith, kä Li-thi-niäth ɛ rueec rööl Abi-liin,

Lät Jaakni Yecu 25:23

Kä mëë ruɔ̱ndɛ cu Ag-ri-pa kɛnɛ Ber-nith ben kɛ ben liakä mi di̱i̱t, kä cukɛ coth dueel luɔ̱k kɛɛl kɛ kua̱r lathkëëri, kɛnɛ bööth wutni wec. Kä cu Pɛth-täth ruac lat, cua Puɔl nööŋ rɛc.

1 Pit 4:3

Ci yɛn gua̱a̱th mi ro̱ŋ thuk kɛ lätni kä ti nhɔk Jur la̱tdiɛn, ci yɛn tëkdun thuk kɛ ciaŋ leerä, kɛnɛ lät jiäkni, kɛ yɔ̱ŋ kɔaaŋni, kɛnɛ ŋar baaŋ, kɛ lɔk, kɛ pa̱l kuthni guääyni.

Nyuuth 11:10

Kä bi ji̱ wec muɔ̱ɔ̱n lo̱ckiɛn tɛɛth kɛ lia̱a̱diɛn kɛn da̱ŋ rɛw. Kä muɔckɛ rɔ̱ kɛ muc, kɛ ɣöö kɛn göök da̱ŋ rɛw ti̱ti̱ cikɛ riɛk mi di̱i̱t nöŋ ji̱ wec muɔ̱ɔ̱n.