Mak 5:7 - RUAC KUƆTH IN RƐL RƆ

⁷ Cuɛ wiee kɛ jɔw mi di̱i̱t wëë i̱, “Ji̱n Yecu, Gat Kuɔth nhial in di̱i̱t, ti kɛ ŋu kɛ ɣä? Ɣän la̱ŋä ji̱ kɛ ciöt Kuɔth, /cu ɣä lät kä mi jiääk.”

Mak 5:7 Iomraidhean Croise

Tuk Cäkä Ɣɔaa 3:15

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

1 Kua̱r 22:16

Duundɛ ɣöö cu kuäär ɛ jiök i̱, “Kä ɣän cä kulɛ ruac kɛ ji̱ ni kä di, kä thilɛ mi la latdi kɛ ɣä, latdi ni thuɔ̱k kɛ ɣä kɛ ciöt Kuɔth Nhial?”

Ɣocä 14:8

“Kä ji̱n Ɛ-pa-rim, ɛŋu bä lɛ la̱t kɛ kuth jiɛn ti̱ti̱ ɔ? Ɛ ɣän ɛn nëë loc palun, kä ɛ ɣän tiit ji̱ mɔ. Kɛ ɣöö ce̱t ta̱a̱dä kɛ jiath mi /ci rɔl, kä puɔ̱thdun bëë kä ɣä.”

Mɛ̈t 16:16

Cu Thay-mɔn Pi-tɔr ɛ loc i̱, “Ɛ ji̱n Mɛ-thia, Gat Kuɔth in tëk.”

Mɛ̈t 26:63

Kä cu Yecu biɛt. Kä cu bo̱o̱th palä in di̱t jɛ jiök i̱, “Ɣän jiökä ji̱ i̱ yac rɔ kɛ ciöt Kuɔth in tëk, läri jɛ kɔ mi ɛ ji̱n Mɛ-thia in la Gat Kuɔth.”

Mɛ̈t 4:3

Kä cu gua̱n ɣɔmä ben kä Jɛ, cuɛ jɛ jiök i̱, “Mi ɛ ji̱n Gat Kuɔth, ruacni kɛ pääm ti̱ti̱ kɛ ɣöö bikɛ rɔ̱ loc ni juray.”

Mɛ̈t 8:29

Kä cukɛ rɔal ɛn wanɔ i̱, “Ŋumdu kɛ kɔ, ji̱n Gat Kuɔth? Ji̱n bi̱i̱kɛ kɛ ɣöö, bikɔ ben tɔ̱ŋ a /ken gua̱a̱th ni ben?”

Mak 1:24

Kä cuɛ wiee wëë i̱, “Ɛŋu mi bi lät kä kɔ, ji̱n Yecu raan Na-dha-rɛth? Bi̱i̱ kɛ ɣöö bi kɔ ben däk? Ɣän ŋa̱cä jɛ ɛn ɣöö ɛ ji̱n ram mi rɛl Gɔɔydɛ rɔ mi bëë ni kä Kuoth.”

Mak 14:61

Kä cuɛ biɛt a thilɛ mi cuɛ loc. Kä cu bo̱o̱th palä in di̱i̱t jɛ nyɔk kɛ thiec i̱, “Ɛ ji̱n Mɛ-thia in la Gat Kuɔth in ca poth?”

Mak 3:11

Gua̱thni diaal mɔ ci yiey ti jiäk jɛ nɛn ɔ, la kɛn rɔ̱ a yor piny nhiamdɛ, kä bikɛ cu rɔal i̱, “Ɛ ji̱n Gat Kuɔth!”

Mak 5:6

Kä mëë cɛ Yecu nɛn nänä, cuɛ ri̱i̱ŋ kä jɛ, kä cuɛ rɔ goŋ nhiamdɛ.

Mak 5:8

Kɛ ɣöö ci Yecu jɛ jiök i̱, “Bër raar puɔ̱ny wutdä nɛmɛ, ji̱n yiëë mi jiääk!”

Luk 1:32

Jɛn bɛ a ram mi di̱i̱t, kä ba jɛ cɔl i̱ Gat Kuɔth Nhial in Di̱t ni jɛn. Kä bi Kuäär ni Kuoth jɛ ka̱m kɔm kuäärä gua̱ndɔɔŋdɛ ni Dee-bid.

Luk 4:34

“Aɣ, ji̱n Yecu, raan Na-dha-rɛth, ɛŋu mi go̱o̱ri kä kɔ? Ji̱n bi̱i̱ kɛ ɣöö bi kɔ ben däk? Ɣän ŋa̱cä ji̱, ɛn ɣöö ɛ ji̱n kɛl Kuɔth in Rɛl rɔ.”

Luk 6:35

Kä yɛn, nhɔakɛ ji̱ tɛ̈run, la̱tdɛ kɛ kä gɔy, kä ka̱mɛ kɛ ŋua̱l a thilɛ mi bia lɛ go̱r thi̱n. Bi mucdun di̱t, kä bi yɛn a gaat Kuɔth in Di̱t ni jɛn. Kɛ ɣöö gɔaa lɔcdɛ kɛ nɛy tin jiäk kɛnɛ ji̱ dueeri.

Luk 8:28

Mëë cɛ Yecu nɛn, cuɛ rɔ yuɔr piny nhiamdɛ, kä cuɛ yɔal kɛ jɔw mi di̱i̱t wëë i̱, “Ji̱n, Yecu Gat Kuɔth nhial in di̱i̱t, ti̱i̱ kɛ ŋu kɛ ɣä? Ɣän la̱ŋä ni ji̱, /cu ɣä lät kä mi jiääk.”

Jɔ̱ɔ̱n 20:31

Duundɛ ɣöö ca ti̱ti̱ gɔ̱r kɛ ɣöö dee yɛn ɛ ŋäth ɛn ɣöö Yecu ɛ jɛn Mɛ-thia in la Gat Kuɔth, kä kɛ ŋa̱th, dee yɛn tekɛ tëk kɛ ciötdɛ.

Lät Jaakni Yecu 16:17

Kä cuɛ kɔ kɛ Puɔl guɔ̱ɔ̱r, kä rɔalɛ wëë i̱, “Kɛn wutni ti̱ti̱ kɛ ja̱a̱ŋ Kuɔth nhial in Di̱t ni Jɛn, tin la̱tkɛ yɛ duɔ̱ɔ̱p känä.”

Lät Jaakni Yecu 19:13

Kä tëë kɛ ji̱ Juudh ti ja̱lkɛ rɛy ciëŋ kä ka̱mkɛ yiey ti jiäk raar kä naath. Cukɛ jɛ ɣɔ̱n ɛn ɣöö bikɛ yiey tin jiäk kɛ ciöt Kua̱r ni Yecu kɛ käm raar jiök i̱, “Ɣän la̱tdä jɛ yɛ kɛ ciöt Yecu in lat Puɔl ɛ bër raar.”

Lät Jaakni Yecu 8:36

Kä mëë jälkɛ dup cukɛ cop guäth pi̱i̱ni, kä cu jio̱w wee i̱, “Guic ɛ pi̱ ti̱n! Ɛŋu mi bi ɣä pën ɣöö ba ɣä lak?” [

Ji̱ Röm 16:20

Inɔ, bi Kuoth malä Cɛy-tan riac piny ciöknikun. A puɔ̱th Kua̱ran ni Yecu Kritho tekɛ yɛ kɛɛl.

Ji̱ Ɣi-bɛ-ru 2:14

Kä kɛ ɣöö te gaat kɛ ri̱ŋ kɛnɛ riɛm, jɛn Yecu bä tëëkɛ puɔ̱ny mi ce̱tkɛ puɔ̱nydiɛn, kɛ ɣöö kɛ lia̱a̱dɛ derɛ ram in tekɛ buɔ̱m li̱eth min la gua̱n jiäkni däk.

Ji̱ Ɣi-bɛ-ru 7:1

“Kä Mal-ki-dhɛ-dɛk ɛmɛ, jɛn ɛ kuäär Ca-lɛm, kä ɛ bo̱o̱th palä Kuɔth in Di̱t ni jɛn kä ti diaal, cuɛ röm kɛ A-bɛ-ram lunyädɛ jɔk jucä kua̱ri, kä cuɛ A-bɛ-ram poth”,

Je-mɛth 2:19

Mi ŋääthi jɛ ɛn ɣöö Kuoth ɛ kɛl, ci lät agɔaa. A cäŋɛ ni kuth tin jiäk ŋääth kɛn ɛ, kä lathɛ kɛ kɛ dual.

2 Pit 2:4

/Ken Kuoth ja̱a̱k nhial tëë ci duer pälikä. Cuɛ kɛ yuɔr guäth maac mi thil pek, kä cuɛ kɛ jakä wä kɔ̱a̱kni ti cuɔl cuɔɔl, kɛ ɣöö ba kɛ gaŋ thi̱n amäni caŋ luɔ̱k

1 Jɔ̱ɔ̱n 3:8

Ram mi lät dueer, ɛ gat gua̱n jiäkni, kɛ ɣöö gua̱n jiäkni lätdɛ duer ni tukä. Luɔt ëë jɔc kɛ Gat Kuɔth ɛ ɣöö bɛ lät gua̱n jiäkni däk.

Juud 1:6

Kä cuɛ ja̱a̱k nhial, tin /ken gua̱thkiɛn tit, tëë ci gua̱a̱th cieŋädiɛn ba̱ny nhial, yiɛn kɛ kuatni ti thil pek, rɛy muɔ̱th mi col col kɛ kui̱ ca̱ŋ luɔ̱k in di̱i̱t.

Nyuuth 12:12

A lɔcdu ku tɛɛth, lö nhial, kɛnɛ yɛn tin cieŋ rɛydɛ! Kä riɛk akɛ piny kɛnɛ bar, kɛ ɣöö ci gua̱n jiäkni ben piny kä yɛ kɛ waŋ lɔaac mi di̱i̱t, kɛ ɣöö ŋäcɛ jɛ i̱ ci gua̱a̱thdɛ ciak!”