Mak 5:35 - RUAC KUƆTH IN RƐL RƆ

³⁵ Kä min ŋotdɛ kɛ ruac, cu tha̱a̱ŋ nath ben kä bo̱o̱th indaan ti wee i̱, “Ci nyaadu li̱w. Ɛŋu lɛlni ŋot kɛ mi jutdi ŋi̱i̱c ɔ?”

Mak 5:35 Iomraidhean Croise

Mɛ̈t 26:10

Kä kɛ ɣöö ŋäc Yecu ruacdiɛn ɛmɛ, cuɛ kɛ jiök i̱, “Ɛŋu juɔ̱tdɛ ciek ɔ? Jɛn lätdɛ ni ɣä kä mi gɔaa.

Mɛ̈t 26:18

Cuɛ kɛ loc i̱, “Wiaa kä ram kɛl rɛy wec kä jiökɛ jɛ i̱, ‘Ɛ Ŋi̱i̱c i̱ ci gua̱a̱thdä thia̱k, ɣän bä mi̱eth Cäŋ Bälä wä la̱t cieŋdu kɔnɛ jaakä.’ ”

Mɛ̈t 9:18

Kä min lat Yecu rieet ti̱ti̱, cu bo̱o̱th guäth palä ben kä jɛ, kä cuɛ rɔ ka̱m mua̱a̱l nhiamdɛ, wëë i̱, “Nyaadä cɛ pay li̱w. Duundɛ ɣöö bër bi tetdu ben la̱th puɔ̱nydɛ, kä bɛ tëk.”

Mak 10:17

Täämɛ min tɛthɛ piny wëë jälɛ, cu wut riŋ kä jɛ, kä cuɛ rɔ ka̱m mua̱a̱l nhiamdɛ, cuɛ jɛ thiec i̱, “Ŋi̱i̱c in gɔaa, ɛŋu bä yi̱k la̱t ɔ, kɛ ɣöö bä tëk mi do̱raar jek?”

Mak 5:22

Cu bo̱o̱th dolä ji̱ Juudh kɛl mi cɔal ciötdɛ i̱ Jay-räth ben kä jɛ. Mëë cɛ Yecu nɛn, cuɛ rɔɔdɛ yuɔr piny ciöknikɛ,

Luk 8:49

Min ŋot Yecu kɛ ruac, cu raan ben dhɔr kua̱r, kä cuɛ kuäär jiök i̱, “Ci nyaadu li̱w, /cu ŋi̱i̱c lɛ jut.”

Jɔ̱ɔ̱n 11:21

Cu Mar-tha Yecu jiök i̱, “Kuäär, duŋ mi ti̱i̱ wanɛ mɛ, /ci dämaar dee li̱w.

Jɔ̱ɔ̱n 11:25

Cu Yecu jɛ jiök i̱, “Ɛ ɣän jieec nath li̱th, kä ɛ ɣän tëk. Nɛy tin ŋa̱thkɛ ɣä acäŋ cikɛ li̱w, bikɛ tëk.

Jɔ̱ɔ̱n 11:28

Mëë ci Mar-tha nɛmɛ lar, cuɛ nyiman ni Mɛri wä cɔl, kä cuɛ wä la̱tdɛ guäthdiɛn kä rɔ̱ i̱, “Ci ŋi̱i̱c ben, kä cɔɔlɛ ji̱.”

Jɔ̱ɔ̱n 11:32

Kä mëë ci Mɛri ben guäth ëë te Yecu thi̱n, mëë cɛ jɛ nɛn, cuɛ rɔ yuɔr piny ciöknikɛ, kä cuɛ wee i̱, “Kuäär, duŋ mi ti̱i̱ wanɛ mɛ, /ci dämaar dee li̱w.”

Jɔ̱ɔ̱n 11:39

Cu Yecu wee i̱, “Wuɔcɛ päm ɔ te thok kɔ̱kä mɔ.” Kä cu Mar-tha, min la nyiman raam ëë ci li̱w jɛ jiök i̱, “Kuäär, ɛn walɛ bɛ tekɛ ŋuäny, kɛ ɣöö cɛ tekɛ ni̱n da̱ŋ ŋuan kɔ̱kä.”

Jɔ̱ɔ̱n 5:25

“Ɛpuc, ɛpuc, ɣän la̱rä jɛ yɛ, gua̱a̱th a bëëni, kä cɛ cop, mi bi nɛy ti ci li̱w jɔw Gatdä Kuɔth liŋ. Kä bi nɛy tin ca jɛ liŋ rɔ̱ jiɛc li̱th.