Mak 4:31 - RUAC KUƆTH IN RƐL RƆ

³¹ Ce̱tdɛ kɛ kuɛ̈ɛ̈ mi duŋ tiit, mi kuiy ni jɛn kä kuay diaal tin piɛthkɛ wi̱i̱ muɔ̱ɔ̱n.

Mak 4:31 Iomraidhean Croise

I-ca-yaa 53:12

Kɛ kui̱c ɛmɔ bäkɛ moc gua̱a̱th rɛy nɛɛni ti di̱t, kä bɛ pɛ̈ɛ̈c da̱a̱k kɛnɛ ram in bum, kɛ ɣöö cɛ tëkdɛ thöp lia̱a̱, kä ca jɛ kuɛn kɛɛl kɛ ji̱ dueeri, ŋotdɛ cɛ dueer nɛɛni ti ŋuan woc, kä cɛ pälikä thiec kɛ kui̱ ji̱ dueeri.”

I-ca-yaa 53:2

Kɛ ɣöö ci ja̱ŋdɛ piith nhiamdɛ ce̱tnikɛ juac, ce̱tnikɛ piɛth jiaath mi piɛɛr ko̱o̱tdä, thilɛ jɛ ta̱a̱ kiɛ gɔɔy mi dënɛ guic ɛ, kä thilɛ mi dënɛ bɛc kä nëndɛ.

I-ca-yaa 60:22

Kä nɛy tin tɔt kä kɛ bikɛ la thok duëël, kä nɛy tin kuiy ni kɛn bi kɛn a do̱r mi bum, mi wä gua̱a̱thdɛ wä cop bä jɛ la̱t kɛ pɛ̈th, ɛ ɣän Kuoth Nhial.

I-ca-yaa 9:7

Kä bi kuäärɛ kɛnɛ mal thil pek, kä bɛ ruëc ala Kuäär wi̱i̱ kɔam kuäärä Dee-bid, bɛ jɛ ruac kɛ cuŋ kɛnɛ thuɔ̱k ɛn cäŋ ɛmɔ amäni cäŋ kɛl. Bi Kuoth Nhial in la Ruey Ɣɔaa jɛ la̱t.

Dhɛk 12:8

Kä ɛn cäŋ ɛ mɔ, bi Kuoth Nhial ji̱ Jɛ-ru-tha-lɛm gaŋ, kä bi kɔ̱a̱c kɔ̱a̱a̱ckiɛn ce̱tnikɛ Dee-bid, kä bi gaat Dee-bid kɛ bo̱th ce̱tnikɛ jääk Kuɔth Nhial, kiɛ ce̱tnikɛ Kuoth puɔ̱nydɛ.

Dhɛk 2:11

Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

Mɛ̈l 1:11

Kä bi ciötdä di̱t rɛy dööri, a känɛ kä käny ca̱ŋ a wä nikä kony ca̱ŋ. Kä ba wal tin kuɔ̱r kuɔ̱ɔ̱r kɛnɛ muc ti kök köök nööŋ kɛ kui̱dä gua̱thni diaal. Kɛ ɣöö di̱t ciötdä rɛy dööri.

Mak 4:30

Cu Yecu kɛ thiec, “Dëë ciaŋ kuäärä Kuɔth pa̱a̱r kɛ ŋu? Kiɛ ɛ cäät in mith dënɛ lat kɛ kui̱dɛ mɔ?

Mak 4:32

Kä mɔ ca jɛ pithɔ, bɛ di̱t a bɛ buɔ̱tbuɔ̱ɔ̱tni diaal leny, a bɛ tekɛ kar ti di̱t ti dee diit nhial duëlkiɛn la̱t ti̱pädɛ.”

Luk 17:6

Kä cu Kuäär wee i̱, “Mi ta̱yɛ kɛ ŋa̱th mi ce̱tkɛ kuɛ̈ɛ̈ mi duŋ tiit, dee yɛn jiath pi̱li̱i̱r ɛmɔ jiök i̱, ‘Cuni rɔɔdu raar, kä pith rɔɔdu baar,’ kä bɛ ruacdun liŋ.

Lät Jaakni Yecu 19:20

Kä ɛnɔ cu ruac Kua̱r ni Yecu piith, kä cuɛ buɔ̱m.

Lät Jaakni Yecu 2:41

Kä cua nɛy tëë ca ruacdɛ nhɔk lak, kä cua nɛy ti bathdɔɔri da̱ŋ diɔ̱k ma̱t kɛ ɛn cäŋ ɛmɔ.

Lät Jaakni Yecu 21:20

Kä mëë cikɛ jɛ liŋ, cukɛ Kuoth liak. Kä cukɛ Puɔl jiök i̱, “Nɛnɛ, dämaar, te nɛy ti bathdɔɔri da̱ŋ di ti ji̱ ŋäthä rɛy ji̱ Juudh, kä luɔ̱thkɛ ŋut Muthɛ.

Lät Jaakni Yecu 4:4

Cu nɛy ti ŋuan tëë ci ruac liŋ ŋa̱th, kä cu pekdiɛn a bathdɔɔri da̱ŋ dhieec.

Lät Jaakni Yecu 5:14

Kä cua nɛy ti ŋuan ma̱tkɛ, wutni kɛnɛ män tëë ci Kuäär ni Kuoth ŋäth.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”