Mak 4:24 - RUAC KUƆTH IN RƐL RƆ

²⁴ Kä cuɛ kɛ jiök i̱, “Tiɛtdɛ rɔ̱ kɛ tin yɛn kɛ, kɛ ɣöö pek theemä min la yɛ a them naath, ba jɛ thëm yɛ, kä ba yɛ rep kɛ ti ŋuan.

Mak 4:24 Iomraidhean Croise

Ruac Pɛli 19:27

Kä pälu kɛ li̱eŋ ruac gatdä, bɛ naŋ ni ji̱ raar kä ŋäc ŋɔaani.

I-ca-yaa 55:3

Päli ji̱thdu piny, kä bër kä ɣä, liŋ ɣä, dɔ̱ŋ bi ti̱eydu tëk, kä ɣän bä mat ruac mi thil pek la̱t kɛ ji̱, kɛnɛ nhökdä min do̱raar mëë cä la̱r Dee-bid.

Bok Go̱kä ni Yir-mɛ-yaa 17:21

Ci Kuoth Nhial nɛmɛ lar ɛn ɣöö tiɛtdɛ tëkdun, /cuarɛ ɣa̱c mi thiɛk kap kɛ cäŋ lɔ̱ŋä, kä /cuarɛ jɛ no̱o̱ŋ rɛc kɛ thuk rɛ̈kni Jɛ-ru-tha-lɛm.

Mɛ̈t 7:2

Kɛ ɣöö ba yɛ luk kɛ duɔ̱ɔ̱p in luk yɛnɛ naath, kä ba yɛ kum kɛ ŋut in kum yɛnɛ nɛy kɔ̱kiɛn.

Mak 9:7

Cu pua̱r kɛ kuɔ̱m piny, kä cu jɔw ben rɛy puɔ̱rä ruacɛ i̱, “Nɛmɛ ɛ jɛn Gatdä min nhɔakä, liɛŋɛ ruacdɛ!”

Luk 8:18

Niɛkɛ rɔ̱ kɛ li̱eŋ in bi liɛŋ kɛ yɛ. Kɛ ɣöö ram mi tekɛ duɔ̱ɔ̱r ba jɛ ma̱t dɔ̱diɛn, kä ram mi thil duɔ̱ɔ̱r, a cäŋɛ ni min tekɛ jɛ, ba jɛ ka̱n kä jɛ.”

Jɔ̱ɔ̱n 10:16

Ɣän ta̱a̱kɛ det ti kɔ̱kiɛn ti /ci te rɛy pa̱a̱ny deet. Ɣän bä kɛ nööŋ bä, kä bikɛ jɔwdä liŋ. Kä inɔ, bi buɔ̱n deet cua̱ kɛl kɛ yieen deet kɛl.

Jɔ̱ɔ̱n 10:27

Liŋ detkä jɔwdä. Kä ŋa̱cä kɛ, kä guɔ̱ɔ̱rkɛ ɣä.

Jɔ̱ɔ̱n 5:25

“Ɛpuc, ɛpuc, ɣän la̱rä jɛ yɛ, gua̱a̱th a bëëni, kä cɛ cop, mi bi nɛy ti ci li̱w jɔw Gatdä Kuɔth liŋ. Kä bi nɛy tin ca jɛ liŋ rɔ̱ jiɛc li̱th.

Lät Jaakni Yecu 17:11

Kɛn ji̱ Juudh ti̱ti̱ gɔaa ni ciaaŋdiɛn kä ji̱ Thɛ-tha-lo-ni-ka, kɛ ɣöö cikɛ ruac Kuɔth liŋ kɛ di̱t lɔaac, kä görkɛ ruaacni Kuɔth ni ciaŋ, kɛ ɣöö ba jɛ jek mi kɛn ti ca lat ɛ Puɔl ti kɛ thuɔ̱ɔ̱k.

2 Kor 9:6

Mɛmɛ ɛ jɛn luɔtdɛ, ram mi pi̱th a kuiy, bɛ ŋɛɛr a kuiy bä, kä ram mi wä pi̱eth a di̱t, bɛ ŋɛɛr a di̱t bä.

Ji̱ Ɣi-bɛ-ru 2:1

Kɛ kui̱ ɛmɔ banɛ tekɛ tiit mi di̱i̱t kɛ min canɛ liŋ, kɛ ɣöö canɛ bi lɛ bath thi̱n.

1 Pit 2:2

Ce̱tkɛ gaat ti ruɔri tin görkɛ ni cak ti wiɛc wiɛɛc, kä yɛn bä görɛ ni ŋi̱i̱c yieekä mi wic wic. Kɛ jɛn duɔ̱ɔ̱p ɛmɔ bia cu rɛy känä,

1 Jɔ̱ɔ̱n 4:1

Nhöökä, /cuarɛ yiey diaal ŋäth. Ɣɔ̱a̱nɛ yiey kɛ ɣöö bia nɛn mi kɛ yiey ti bä kä Kuoth, kɛ ɣöö ci göök kacä ti ŋuan däk wi̱i̱ muɔ̱ɔ̱n.