Mak 4:21 - RUAC KUƆTH IN RƐL RƆ

²¹ Kä cu Yecu kɛ jiök i̱, “Ci raan lɛmbär mi pɛt kɔŋ nööŋ rɛc kä bɛ jɛ kuɔ̱m piny kɛ di̱eny, kiɛ derɛ jɛ la̱th thaar dhaŋä, a /cɛ jɛ dee la̱th nhial wi̱i̱ kä duɔ̱ɔ̱r?

Mak 4:21 Iomraidhean Croise

Mɛ̈t 5:15

/Ci naath mac dee dɔp kä la̱th kɛ jɛ thaar diëny, ba jɛ kuëŋ wi̱i̱kä duɔ̱ɔ̱r, kä mɛrɛ nɛy diaal tin te dueel.

Luk 11:33

“Thilɛ ram mi ci lɛmbär dɔp a bɛ jɛ la̱th piny diëny. Duundɛ ɣöö derɛ kuëŋ ni jɛ wi̱i̱ cuuŋä lɛmbärä, kɛ ɣöö bi nɛy tin coth dueel buay nɛn.

Luk 8:16

“Thilɛ ram mi dee lɛmbär dɔp, kä bɛ jɛ kuɔ̱m piny kɛ dhaar kiɛ bɛ jɛ wä la̱th thaar dhaŋä. Kä derɛ jɛ kuëŋ nhial wi̱i̱ kä duɔ̱ɔ̱r nhial, kɛ ɣöö bi nɛy tin wä dueel buay nɛn.

1 Kor 12:7

Ka̱mkɛ ramɔ muc Yieekä kɛ kui̱ gɔɔyä nɛɛni diaal.