Mak 3:8 - RUAC KUƆTH IN RƐL RƆ

⁸ Cu nɛy ti ŋuan ti bëë kä Ju-dia, kɛnɛ Jɛ-ru-tha-lɛm, kɛ I-du-mia, kɛ kui̱c Jɔr-dɛn amäni Dhor kɛnɛ Dhi-don ben kä jɛ, kɛ ɣöö cikɛ lätkɛ ti di̱t diaal tin cɛ la̱t liŋ.

Mak 3:8 Iomraidhean Croise

Diit 45:12

Kä bi ji̱ wec Dhor ji̱ ben gui̱l kɛ muc, kä bi nɛy tin ria̱ŋ ria̱a̱ŋ

Diit 87:4

Ɣän bä nɛy tëë ca ɣä luɔ̱th la̱t ji̱ I-jëp kɛnɛ ji̱ Bɛ̈-bi-lɔn rɛy dööri, kä ji̱ Pi-li-thɛt kɛnɛ ji̱ Dhor kɛ ji̱ Kuc, dapkɛ ramɔ kä Jɛ-ru-tha-lɛm. bikɛ wee i̱, “Dapkɛ nɛy kä Jɛ-ru-tha-lɛm.”

I-ca-yaa 34:5

Ci Kuoth Nhial thɛpdɛ rialikä ni puɔ̱ɔ̱rä, bɛ wä däk ni Ɛ-dɔm, nɛy tin ca da̱k ni piny.

Yɛdh 35:15

Kɛ min tɛth lo̱ckun kɛ mun ji̱ thuɔk duëël I-thɛ-rɛl kɛ ɣöö ca jɛ päl baaŋ, ɣän bä lät kɛ ji̱ ce̱tnikɛ min göörä. Ɣän bä ji̱ jakä pa̱lkɛ a thil raan ji̱n päm Ɛ-dɔm, ji̱n ro̱l ɛmɔ ni kɛɛliw. Kä bia jɛ cu ŋa̱c ɛn ɣöö ɛ ɣän Kuoth Nhial.”

Yɛdh 36:5

Kɛ kui̱ ɛmɔ, lar Kuäär ni Kuoth Nhial ɛ wëë i̱, ‘Ɣän ruacä a jiäk kɛ tiɛla min bɛc bɛc kɛ duɔth dööri ti̱ti̱, kä gakä kɛ ji̱ Ɛ-dɔm diaal, tëë ca mundä ka̱n ala duŋdiɛn nikɛ tɛ̈th lɔaac mi di̱i̱t, kɛ ɣöö bikɛ dɔr walkɛ min gɔaa ka̱n.’

Mɛ̈t 11:21

“Riɛk akɛ yɛ, yɛn ji̱ Ko-rä-dhin, kä riɛk akɛ yɛ, yɛn ji̱ Beth-the-da, kɛ ɣöö mi ca lät tin ga̱ykɛ naath la̱t rɛy Dhor kɛnɛ Dhi-don ce̱tkɛ tëë ca la̱t rɛydun, ce̱t cikɛ rɔ̱ ri̱t dueeri ni wal kɛ läth bieyni cuali kɛnɛ nyuur rɛy ŋɛthä.

Mɛ̈t 4:25

Kä cu buɔ̱n nath mi di̱t jɛ guɔ̱ɔ̱r kä Gɛ̈-lɛ-li kɛ Dɛ-ka-po-lith kɛnɛ Jɛ-ru-tha-lɛm kɛ Ju-dia, amäni ji̱ kuec kiɛɛr Jɔr-dɛn.

Mak 7:24

Cu Yecu jiɛɛn ɛn thɔ̱ŋɔ wëë ro̱o̱l Dhor kɛnɛ Dhi-don. Kä cuɛ coth dueel, kä go̱o̱rɛ jɛ i̱ /ca jɛ bi ŋa̱c ɛ raan ɛn ɣöö tëë ɛn wani, kä /kenɛ rɔ luäŋ kɛ teey.

Mak 7:31

Kä cu Yecu jiɛɛn ro̱o̱l Dhor kä cuɛ wä kɛ duɔ̱ɔ̱p Dhi-don wëë Bar Gɛ̈-lɛ-li ro̱l Wi̱i̱ni da̱ŋ Wäl.

Luk 6:17

Kä mëë ci Yecu ben piny wi̱i̱ pa̱a̱m kɛɛl kɛ jaakɛ, cuɛ ben cuɔ̱ŋ guäth mi carcar kɛɛl kɛnɛ ji̱ kɔaarɛ ti ŋuan kɛ bua̱n nɛɛni ti ŋuan ti bä kä Ju-dia kɛnɛ Jɛ-ru-tha-lɛm, kɛ wi̱i̱ jɔak yiëër Dhor kɛnɛ Dhi-don.

Jɔ-cua 15:1

Täämɛ kui̱c ëë cu pɛn kä döör gan Juda nikɛ pëk gɔalikiɛn cuɛ jɛ lɔth ni rɛy rööl Ɛ-dɔm, känɛ ni däär dɔaar in cɔal i̱ Dhin kui̱c targɛ̈w lɔthɛ ni kui̱c këth ɛmɔ.

Jɔ-cua 15:21

Kɛn rɛ̈k diaal tëë te peek këth rööl döör gan Juda thie̱e̱kɛ nikɛ ro̱l Ɛ-dɔm kui̱c targɛ̈w kɛ kɛn Kɛ̈b-dhel kɛ E-dɛr kɛnɛ Ya-gur