Mak 3:21 - RUAC KUƆTH IN RƐL RƆ

²¹ Kä mëë ci ciëëŋ mani jɛ liŋ, cukɛ wä kɛ ɣöö bikɛ jɛ wä nööŋ, kɛ ɣöö ruac naath i̱, “Ci wi̱cdɛ nyuɔɔn”.

Mak 3:21 Iomraidhean Croise

2 Kua̱r 9:11

Kä min ci Yeɣu ben kä ji̱ kɔar kua̱rɛ, cua jɛ jiök i̱, “Ɛ mal? Ɛŋu ci ram ɛmɔ ben kä ji̱ mɔ?” Kä cuɛ kɛ loc i̱, “Ŋäc yɛn ɛn ram ɛmɔ kɛnɛ ruacdɛ.”

Bok Go̱kä ni Yir-mɛ-yaa 29:26

‘Ci Kuoth Nhial ji̱ jak kä bo̱o̱th palä kɛ gua̱a̱th bo̱o̱thä palä ni Yɛ-ɣo-ya-da, kɛ ɣöö bi luak Kuɔth Nhial guic kɛ ram mi ci yɔ̱ŋ mi lat ruac go̱o̱kä, bi jɛ yian kɛ ciik, kä bi ŋuäkdɛ gak.

Ɣocä 9:7

Ci gua̱a̱th kɛ kui̱ duäcä cop, gua̱a̱th in bi ram ɔ min ro̱ŋ kɛ jɛ jek. Mi wee tuɔɔk ɛn nɔmɔ, bi I-thɛ-rɛl ɛ ŋa̱c! Kä bikɛ wee i̱, “Gök ɛmɛ ɛ dɔ̱a̱r, kä ɛn ramɛ tekɛ yiëë ɛ yɔŋ.” Kɛ ɣöö ŋuan dueerkun kɛnɛ nyi̱er di̱tdun.

Mak 3:31

Cu man Yecu kɛnɛ gaatmani ben, kä cukɛ cuɔ̱ŋ raar, cukɛ jɛ jäk kä raan mi cu jɛ cɔl.

Jɔ̱ɔ̱n 10:20

Cu tha̱a̱ŋkiɛn ti ŋuan wee i̱, “Tëëkɛ yiëë mi jiääk, kä cɛ kac wi̱i̱dɛ. Kä ɛŋu liŋ yɛn ni jɛ mɔ?”

Lät Jaakni Yecu 26:24

Kä mëë gaŋ Puɔl rɔɔdɛ inɔ, cu Pɛth-täth ruac kɛ jɔw mi di̱i̱t i̱, “Puɔl, ji̱n ci yɔ̱ŋ! Ŋäc ŋɔaanidu ɛ di̱i̱t ɛmɛ cɛ ji̱ jakä yɔ̱ŋ!”

2 Kor 5:13

Kɛ ɣöö mi nyuɔɔn ca̱ra, ɛ kui̱ Kuɔth. Kä mi carkɔ agɔaa, ɛ kui̱dun.