Mak 3:2 - RUAC KUƆTH IN RƐL RƆ

² Cu nɛy diaal Yecu di̱el guec kɛ ɣöö görkɛ jɛ bikɛ jɛ gɔany mi derɛ tetdɛ jakä gɔaa kɛ cäŋ lɔ̱ŋä.

Mak 3:2 Iomraidhean Croise

Diit 37:32

La ji̱ nyuɔɔni ji̱ cuŋni a bi̱i̱m, go̱o̱r kɛn näkdiɛn.

Bok Go̱kä ni Yir-mɛ-yaa 20:10

Kɛ ɣöö ɣän liɛŋä jiööth ti nyin ŋuan wä kɛ i̱, “Riɛk a kui̱ni diaal! Lar nɛ jɛ! Wanɛ jɛ lar!” Mäthnikä diaal liɛpkɛ ni pɛ̈ɛ̈ndä, wä kɛ i̱, “Dɔ̱ŋ ba jɛ mɛt a banɛ jɛ cu tiam, kä banɛ rɔ̱ cu col kɛ jɛ.”

Bok Go̱kä ni Da-ni-yel 6:4

Kä cu kua̱r kɛnɛ ruëëc jɛ ɣɔ̱n ɛn ɣöö görkɛ ca̱p mi dëë woc ni Da-ni-yel kɛ ciaŋ la̱tdɛ min lätdɛ rɛy kuäärä. Duundɛ ɣöö cuɛ thil duɔ̱ɔ̱p mi cua gɔny ni jɛ, kä cuɛ thil mi jiääk mi cu Da-ni-yel ɛ la̱t, kɛ ɣöö jɛn ɛ ram mi gɔaa, kɛ ɣöö tëë kɛ yoop, thilɛ talaaŋ mi cua jek kä jɛ.

Mɛ̈t 12:10

Kä nɛnɛ, tëë kɛ wut mi cɛ tetdɛ niŋ. Kä cukɛ jɛ thiec i̱, “Ɛ ŋuɔ̱t ɛn ɣöö ba raan jakä gɔaa kɛ cäŋ lɔ̱ŋä?” Kɛ ɣöö dee kɛ jɛ gɔany.

Mak 3:3

Kä cuɛ wut in cɛ tetdɛ niŋ jiök i̱, “Bër wanɛ mɛ.”

Luk 14:1

Kɛ cäŋ lɔ̱ŋä kɛl, mëë ci Yecu wä mi̱th dhɔr bo̱o̱thä mi la raan Pa-ri-thii, cukɛ jɛ tit agɔaa.

Luk 20:20

Kɛ kui̱ ɛmɔ cukɛ jɛ tit, kä cukɛ naath ja̱k ti bi̱emkɛ jɛ ti ca rɔ̱ lɛl i̱ kɛ nɛy ti gɔw, kɛ ɣöö bikɛ Yecu gɔany kɛ ruaacnikɛ, kɛnɛ ɣöö deekɛ jɛ naŋ nhiam kua̱ri luɔ̱k kɛnɛ ji̱ kumɛ tin tekɛ lua̱ŋ.

Luk 6:7

Cu ji̱ gɔ̱rä kɛnɛ ji̱ Pa-ri-thii jɛ guic, mi derɛ raan jakä gɔaa kɛ cäŋ lɔ̱ŋä, kɛ ɣöö derɛ cu tekɛ mi gɔny kɛnɛ ni jɛ.

Jɔ̱ɔ̱n 8:6

Lat kɛn nɛmɛ kɛ ɣöö ɣɔ̱n kɛn ni jɛ, kɛ ɣöö derɛ tekɛ mi ba gɔny ni jɛ. Cu Yecu rɔ goŋ, kä cuɛ piny gɔ̱r kɛ yiatdɛ.

Jɔ̱ɔ̱n 9:16

Cu tha̱a̱ŋ ji̱ Pa-ri-thii wee i̱, “/Ɛn ram ɛmɔ /cɛ bä kä Kuoth, kɛ ɣöö thilɛ jɛ luth kɛ cäŋ lɔ̱ŋä.” Kä cu kɔ̱kiɛn wee i̱, “Dee ram mi gua̱n dueeri nyuuthni ti ga̱ykɛ naath la̱t i̱di?” Kä cukɛ rɔ̱ cu da̱a̱k.