Mak 2:20 - RUAC KUƆTH IN RƐL RƆ

²⁰ Bi ni̱n ben tin ba woc ni cɔ nyaal rɛydiɛn, kä bikɛ mi̱th thɛk ɛn cäŋ ɛmɔ.

Mak 2:20 Iomraidhean Croise

Diit 45:11

bi Kuäär lɔcdɛ tɛɛth kɛ gɔɔydu, luthni jɛ kɛ ɣöö ɛ kuääru ba.

Thɔl 3:11

Bia raar, lö nyier Dha-yɔn, guɛcɛ kuäär ni Thɔ-lo-mon cɛ kum kuäärä la̱th, kum ëë ca ka̱m jɛ ɛ man, kɛ cäŋ ëë muutdɛ ni ciekdɛ, cäŋ ëë tɛth kɛ lɔcdɛ.

I-ca-yaa 54:5

Kɛ ɣöö Cääkdu ɛ cɔwdu, kä cɔalkɛ ciötdɛ Kuoth Nhial in la Ruey Ɣɔaa, ɛn Kuoth I-thɛ-rɛl, ɛ jɛn la Lueelu mɔ, cɔalkɛ jɛ Kuoth wec muɔ̱ɔ̱n kɛɛliw.

I-ca-yaa 62:5

Ce̱tkɛ min la ŋuɛ̈t nyal a kuɛɛn, inɔ bi gaatku mundu kuɛn, kä ce̱tkɛ min la lɔc cɔa nyaal a tɛth kɛ ciekdɛ, inɔ bi Kuothdu lɔcdɛ tɛɛth kɛ ji̱.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Mɛ̈t 26:31

Kä cu Yecu kɛ jiök i̱, “Ɛn wääri bi yɛn diaal kac jɔk kä ɣä, kɛ ɣöö ca jɛ gɔ̱r i̱, ‘Bi Kuoth yieen deet näk, kä bi rɔɔm cu riaw dɔɔr.’

Mɛ̈t 9:15

Kä cu Yecu kɛ jiök i̱, “Dee ja̱a̱l kuën pa̱r, mi ŋot cɔ nyaal kɛɛl kɛ kɛ? Bi ni̱n tin ba naŋ ni cɔ nyaal kä kɛ ben, kä inɔ bikɛ mi̱th cu thɛk.

Mak 2:19

Kä cu Yecu kɛ jiök i̱, “A dee ja̱a̱l kuën mi̱th ku thɛk, kä te cɔ nyaal kɛ kɛ kɛɛl? Min ŋot cɔ nyaal kɛ kɛ kɛɛl, /cikɛ mi̱th dee thɛk.

Mak 2:21

“Thilɛ ram mi dee bi̱i̱ mi pay kɔk, kä /ken rɔ jop, kɔc kɛnɛ bi̱i̱ mi ci dɔŋ. Kä mi cɛ jɛ la̱t inɔ, dee bi̱i̱ in pay kɔk rɔ cuk, a bɛ rɔ rɛt kä bi̱i̱ in dɔaaŋ, a bɛ rɛɛtdɛ jak kä di̱t ɛlɔ̱ŋ.

Luk 17:22

Kä cu Yecu ji̱ kɔaarɛ jiök i̱, “Ci ni̱n thia̱k ti bia go̱r ɛn ɣöö bia cäŋ kɛl kä ni̱n Gatdä Ran nɛn, kä /ci yɛn ɛ bi nɛn.

Luk 5:35

Bi ni̱n ben tin ba cɔ nyaal naŋ rɛydiɛn, kä bikɛ cu thɛɛk ɛ ni̱ni tɔ̱tɔ̱.”

Jɔ̱ɔ̱n 12:8

Te can kɛ yɛ kɛɛl gua̱thni diaal, duundɛ ɣöö /cä bi te kɛɛl kɛ yɛ ni ciaŋ.”

Jɔ̱ɔ̱n 13:33

Gaat ti tiɛtni, ɣän bä te kɛɛl kɛ yɛ kɛ gua̱a̱th mi tɔt. Bi yɛn ɣä go̱r, kä ce̱tkɛ min cä la̱r ji̱ Juudh, ɣän la̱rä jɛ yɛ ɛn täämɛ i̱, ‘Gua̱a̱th in wa̱a̱ thi̱n, /ci yɛn bi ben thi̱n.’

Jɔ̱ɔ̱n 16:28

Ɣän ba̱a̱ kä Gua̱a̱r, kä cä ben wi̱i̱ muɔ̱ɔ̱n. Kä täämɛ jiayä wi̱i̱ muɔ̱ɔ̱n kä wa̱a̱ kä Gua̱a̱r.”

Jɔ̱ɔ̱n 16:7

Kä cäŋ ɛ jɛn inɔ, ɣän la̱tdä yɛ ruac in thuɔ̱k. Kä gɔaaɛ kɛ kui̱dun ɛn ɣöö jiayä, kɛ ɣöö mi /cä bi wä, /ci Cuum dee ben kä yɛ. Kä mi wa̱a̱ wä, bä jɛ jäkä yɛ.

Jɔ̱ɔ̱n 17:11

Kä ɣän /cä lɛ ŋot wi̱i̱ muɔ̱ɔ̱n, duundɛ ɣöö tekɛ rɛy ɣɔaa, kä ɣän ba̱a̱ kä ji̱. Gua̱a̱r in Rɛl Rɔ, gaŋkɛ kɛ ciötdu mëë ci ka̱m ɣä, kɛ ɣöö deekɛ a kɛl ce̱tkɛ kɔn.

Jɔ̱ɔ̱n 17:13

Kä täämɛ, ba̱a̱ kä ji̱, kä latdä ti̱ti̱ wi̱i̱ muɔ̱ɔ̱n, kɛ ɣöö dee tɛ̈th lɔaacdä ro̱ŋ rɛydiɛn.

Jɔ̱ɔ̱n 3:29

Ram mi tekɛ kaw ɛ jɛn cɔ nyaal. Määth cɔa nyaal min te cuŋä kä liŋɛ jɔwdɛ, tɛth lɔcdɛ ɛlɔ̱ŋ kɛ jɔw cɔa nyaal. Kɛ kui̱c ɛmɔ täämɛ, ci tɛ̈th lɔaacdä ɛmɛ ro̱ŋ.

Lät Jaakni Yecu 1:9

Min cɛ ti̱ti̱ lat cua Yecu naŋ nhial a guɛckɛ jɛ, kä cu pua̱a̱r ɛ kum waaŋdiɛn.

Lät Jaakni Yecu 14:23

Kä kɛ kɔr kä mëë cikɛ kɛ kuëny bööth rɛy luekni Kuɔth diaal, kɛ pal kɛnɛ thëk mi̱thni, cukɛ kɛ kuëŋ tetdä Kua̱r ni Kuoth in ci kɛn ɛ ŋäth.

Lät Jaakni Yecu 3:21

Jɛn bɛ dhil te nhial, amäni gua̱a̱th in ba ŋɔak diaal jakä cuŋ, tëë ci Kuoth kɛ lat kɛ thuk gööknikɛ tëë cieŋ ni wal tin rɛ̈l kɛ rɔ̱.

1 Kor 7:5

/Cuarɛ rɔ̱ pen rɔ̱, ɛ ni mi cia jɛ mat ɛn ɣöö bia te gööli kɛ pek gua̱th mi tɔt, kɛ ɣöö bia gua̱a̱th ɛn thuk palä. Kä nyɔakɛ rɔ̱ kɛ ma̱t, kɛ ɣöö /ci Cɛy-tan yɛ bi ɣɔam kɛ kui̱ kä ɣöö /cia rɔ̱ luäŋ kɛ guɔ̱k.

2 Kor 11:2

Ɣän ta̱a̱ kɛ tiɛɛl kɛ kui̱dun, tiɛɛl mi bëë kä Kuoth. Ɣän cä jɛ lar ɛn ɣöö bä yɛ ka̱m Kritho, a thil diw ce̱tkɛ nyam mi ka̱mkɛ ni cɔwdɛ kärɔa.

2 Kor 11:27

Cua̱ tekɛ cuɔ̱c kɛnɛ riɛk, kɛ thil ni̱en kɛ wääri ti ŋuan, kɛ buɔth kɛnɛ rɛw, kɛ thil mi̱eth kɛ tha̱a̱ŋ gua̱thni, kɛ kɔ̱c, kä thilɛ ɣä bieyni.

2 Kor 6:5

kɛ duäc, kɛnɛ yiɛni, kɛ rɔal, kɛnɛ lät ti bɛc, kɛ thil ni̱en, kɛnɛ buɔth.

Nyuuth 19:7

A lo̱ckɔn tɛth, kä liaknɛ jɛ, kä ka̱mnɛ jɛ puɔny. Kɛ ɣöö ci kuën Ruath Dɛ̈ɛ̈l cop, kä ci nyam min kuɛɛnɛ rɔ rialikä.

Nyuuth 21:9

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ti ci thia̱ŋ kɛ liaw tin jɔak da̱ŋ bärɔw ben kä ɣä, wëë i̱, “Bër, bä ji̱ nyuɔ̱th kaw, in la ciek Ruath Dɛ̈ɛ̈l.”