Mak 2:17 - RUAC KUƆTH IN RƐL RƆ

¹⁷ Mëë ci Yecu mɛmɛ liŋ, cuɛ kɛ jiök i̱, “Nɛy tin puɔl pua̱nykiɛn /cikɛ ki̱m go̱r, kɛ ji̱ jua̱thni görkɛ jɛ mɔ. /Ka̱n ben kɛ ɣöö bä ji̱ cuŋni cɔl, ba̱a̱ kɛ kui̱ ji̱ dueeri.”

Mak 2:17 Iomraidhean Croise

I-ca-yaa 1:18

Cu Kuoth Nhial wee i̱, “Bër ruacnɛ kɛ kui̱ kä ti̱ti̱, cäŋ ni mɔ tith dueerku ce̱tnikɛ riɛm ɔ, bikɛ buay ce̱tnikɛ cak, kä cäŋ tithkɛ ce̱tnikɛ töc, bikɛ buay ce̱tnikɛ kën.

I-ca-yaa 55:7

kä ɛ la̱a̱t jiäkni pa̱lkɛ dupkiɛn, kä ɛ nɛy tin thil cuŋ pa̱lkɛ cärkiɛn, akɛ loc kä Kuoth Nhial, dɔ̱ŋ bɛ tekɛ kɔ̱a̱c lɔaac kɛ kɛ, akɛ bä kä Kuothdan, kɛ ɣöö tëë kɛ pälikä mi di̱i̱t.

Bok Go̱kä ni Yir-mɛ-yaa 17:9

Lɔc ɛ gua̱n mɛɛtä kä ti diaal, kä ɛ gua̱n nyuɔɔni, kä ɛŋa dee jɛ ŋa̱c ɔ?

Mɛ̈t 18:10

“Niɛkɛ rɔ̱ ɛn ɣöö /cia gat kɛl kä kɛn nyin tiɛtni ti̱ti̱ bi cany, kɛ ɣöö ɣän la̱rä jɛ yɛ, rɛy ciëŋ nhial ja̱a̱kiɛn tekɛ nhiam Gua̱a̱r in te nhial ni ciaŋ. [

Luk 15:10

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac nhiam ja̱a̱kni Kuɔth nhial kɛ kui̱ gua̱n duerä kɛl mi ci rɔ ri̱t.”

Luk 15:29

Kä cuɛ gua̱n loc i̱, ‘Guicɛ, ɣän cä ji̱ lätikä kɛ run ti ŋuan ce̱tkɛ kuany, kä /ka̱n ruacdu met lo̱k. Kä /keni ɣä met moc kɛ dɔdɛ̈ɛ̈l mi dee tɛɛth kɛ lo̱ckɔ kɔnɛ mäthnikä.

Luk 15:7

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac mi di̱i̱t cieŋ nhial kɛ kui̱ gua̱n duerä kɛl mi ci rɔ ri̱t dueerikɛ, kä ji̱ cuŋni ti jiɛn bäŋuan wi̱cdɛ bäŋuan ti /ci riet kɛ rɔ̱ go̱r.

Luk 16:15

Kä cuɛ kɛ jiök i̱, “Kɛ yɛn nɛy ti muɔckɛ rɔ̱ cuɔ̱ɔ̱ŋ nhiam nɛɛni kɔ̱kiɛn, duundɛ ɣöö ŋäc Kuoth lo̱ckun. Kɛ ɣöö min liak naath ɛ, ɛ mi jiääk nhiam Kuɔth.

Luk 19:10

Kɛ ɣöö bä Gat Ran kɛ ɣöö bɛ nɛy ti ci bath ben go̱r, kä bɛ kɛ kän.”

Jɔ̱ɔ̱n 9:34

Cukɛ jɛ loc i̱, “Ji̱n, ca ji̱ dap rɛy dueeri, kä go̱o̱ri ɣöö bi kɔ ŋi̱eec?” Kä cukɛ jɛ tuɔ̱k raar.

Jɔ̱ɔ̱n 9:40

Cu tha̱a̱ŋ ji̱ Pa-ri-thii ti thia̱k kɛ jɛ mɛmɛ liŋ, kä cukɛ jɛ jiök i̱, “Kɛ thuɔ̱k kɛ kɔn ciöör?”

Lät Jaakni Yecu 20:21

Kä cä ji̱ Juudh kɛnɛ ji̱ Gɛ-rith la̱t nëndä kɛ ri̱t nath kɛ rɔ̱ kä Kuoth, kɛnɛ ŋa̱th Kua̱ran ni Yecu.

Lät Jaakni Yecu 26:20

Kä cua la̱t nɛy tëë te kä Da-math-kɛth kɛ nhiam kɛ Jɛ-ru-tha-lɛm, kɛnɛ ro̱l Ju-dia kɛɛliw cu amäni Jur bä, ɛn ɣöö bikɛ rɔ̱ ri̱t dueeri kä bikɛ rɔ̱ riet Kuoth, kä bikɛ lät ti ro̱ŋ kɛ rietdiɛn kɛ rɔ̱ la̱t.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.