Mak 2:13 - RUAC KUƆTH IN RƐL RƆ

¹³ Cu Yecu lɛni wä ja̱l gekä baar. Cu naath diaal rɔ̱ duɔ̱l jɛ, kä cuɛ kɛ ŋi̱eec.

Mak 2:13 Iomraidhean Croise

Mɛ̈t 13:1

Kɛ jɛn cäŋ ɛmɔ cu Yecu wä raar dueel, cuɛ wä nyuur gekä baar.

Mɛ̈t 9:9

Kä mëë jäl Yecu nhiam ɛn wi̱ni, cuɛ wut mi cɔal i̱ Mɛ̈-thiw nɛn nyuurä guäth tho̱lbo̱kä, kä cuɛ jɛ jiök i̱, “Guuri ɣä.” Cu Mɛ̈-thiw rɔ jiɛc, kä cuɛ jɛ guɔ̱ɔ̱r.

Mak 1:45

Kä cu wut ɛmɔ wä raar, kä cuɛ tok kɛ mi latdɛ jɛ ce̱tkɛ min go̱o̱r ɛ, kä cuɛ thok jak kä wä raar, a /ci Yecu dee wä rɛy wec a ŋa̱ckɛ a tɛny tɛɛny, kä cuɛ cieŋ guäthdɛ kärɔa. Kä cu naath ben kä jɛ pekni diaal.

Mak 10:1

Cu Yecu jiɛɛn guäth ɛmɔ, kä cuɛ wä ro̱o̱l Ju-dia amäni kui̱c Jɔr-dɛn, kä cu nɛy ti ŋuan rɔ̱ nyɔk kɛ duɔ̱l gëëknikɛ, kä cuɛ kɛ nyɔk kɛ ŋi̱i̱c ce̱tkɛ ciaaŋdɛ mëë wen.

Mak 2:2

Kä cu nɛy ti ŋuan rɔ̱ duɔ̱l jɛ a cuɛ thil gua̱a̱th ni cu duɔth kɛ kui̱ nɛɛni tin kɔ̱ŋ amäni thok duëël. Kä lät Yecu kɛ ruaacni Kuɔth.

Mak 4:1

Cu Yecu ŋi̱i̱c nath nyɔk kɛ tuk gekä baar. Cu buɔ̱n nath mi di̱i̱t ɛlɔ̱ŋ rɔ dol gekädɛ kä cuɛ wä rɛy murkäbä, kä cuɛ nyuur thi̱n. Kä cu buɔ̱n nath cuɔ̱ŋ raar po̱mä.

Luk 19:48

Kä cuɛ thil gua̱a̱th mi cu kɛn ɛ jek mi dëë gueer ni jɛ, kɛ ɣöö ci nɛy diaal rɔ̱ mat kɛ ɣöö liɛŋkɛ min latdɛ.

Luk 21:38

Kä la nɛy diaal a bä kä jɛ kɛ runwaŋ rɛy luaak Kuɔth, kɛ ɣöö bikɛ ruaacnikɛ ben liŋ.