Mak 16:19 - RUAC KUƆTH IN RƐL RƆ

¹⁹ Mëë ci Kuäär ni Yecu ruac kɛ kɛ inɔ, cua jɛ naŋ nhial, kä cuɛ wä nyuur kui̱c cuëëc Kuɔth.

Mak 16:19 Iomraidhean Croise

Diit 110:1

Kä cu Kuoth Nhial kuäärä jiök i̱, “Nyuuri kui̱c cuëëcdä, amäni mi wa̱a̱ ji̱ tɛ̈ru jakä te pinydu.”

Mak 16:20

Cukɛ jiɛɛn, kä cukɛ ruac Kuɔth wä lat gua̱thni diaal, kä lät Kuäär ni Kuoth kɛ kɛ kɛɛl, kä nyoothɛ jɛ ɛn ɣöö ruaacni ti̱ti̱ kɛ thuɔ̱ɔ̱k kɛ lätni kä ti ga̱ykɛ naath. Inɔnɔ.]

Luk 22:69

Kä duundɛ ɣöö a tɛmɛ ni ɛn täämɛ, bi Gat Ran nyuur kui̱c cuëëc bumä Kuɔth.”

Luk 9:51

Mëë ci ni̱n thia̱k kɛ ɣöö ba Yecu naŋ nhial, cuɛ wi̱cdɛ luɔc kä Jɛ-ru-tha-lɛm.

Jɔ̱ɔ̱n 13:1

Täämɛ, a ŋot /ken Cäŋ Bälä ni cop, cu Yecu ɛ ŋa̱c ɛn ɣöö ci ni̱n tin bi jiɛɛn kɛ jɛ wi̱i̱ muɔ̱ɔ̱n wädɛ kä Gua̱n cop. Cuɛ nɛɛkɛ tin te wi̱i̱ muɔ̱ɔ̱n nhɔk, kä cuɛ kɛ nhɔk kɛ pek lɔaacdɛ kɛɛliw.

Jɔ̱ɔ̱n 16:28

Ɣän ba̱a̱ kä Gua̱a̱r, kä cä ben wi̱i̱ muɔ̱ɔ̱n. Kä täämɛ jiayä wi̱i̱ muɔ̱ɔ̱n kä wa̱a̱ kä Gua̱a̱r.”

Jɔ̱ɔ̱n 17:13

Kä täämɛ, ba̱a̱ kä ji̱, kä latdä ti̱ti̱ wi̱i̱ muɔ̱ɔ̱n, kɛ ɣöö dee tɛ̈th lɔaacdä ro̱ŋ rɛydiɛn.

Jɔ̱ɔ̱n 20:17

Cu Yecu jɛ jiök i̱, “/Cu ɣä gueer, kɛ ɣöö ŋuɔtdä /ka̱n ni wä nhial kä Gua̱a̱r. Duundɛ ɣöö wër jio̱kni dämaari i̱, ‘Ɣän wa̱a̱ nhial kä Gua̱a̱r in la Guurun, kä Kuothdä min la Kuothdun.’ ”

Jɔ̱ɔ̱n 21:15

Mëë cikɛ thuɔ̱k kɛ mi̱eth, cu Yecu Thay-mɔn Pi-tɔr thiec i̱, “Thay-mɔn, gat Jɔ̱ɔ̱n, nhɔki ɣä kɛ nhök mi leny nhök nɛɛni ti̱ti̱?” Cuɛ jɛ loc i̱, “Ɣɔ̱ɔ̱n, Kuäär, ŋäci jɛ ɛn ɣöö nhɔakä ji̱.” Cuɛ jɛ jiök i̱, “Mi̱i̱thni dɛy deetkä.”

Jɔ̱ɔ̱n 21:22

Cu Yecu jɛ jiök i̱, “Mi göörä jɛ i̱ bɛ ŋot amäni mi wa̱a̱ wä ben, bɛ lot ni ŋu kä ji̱? Guuri ni ɣä!”

Jɔ̱ɔ̱n 6:62

Kä derɛ kulɛ tee i̱di, mi dee yɛn Gat Ran nɛn a wee nhial, guäth ëë cɛ kɔŋ te thi̱n?

Lät Jaakni Yecu 1:22

a tookɛ jɛ nikä la̱k Jɔ̱ɔ̱n amäni gua̱a̱th ëë naŋkɛ Yecu nhial kä kɔn. Ɛn ram ɛmɔ bɛ la neen kɛɛl kɛ kɔn amäni jiëcdɛ kɛ rɔ li̱th.”

Lät Jaakni Yecu 2:33

Kä ca jɛ kap nhial kui̱c cuëëc Kuɔth, kä cɛ ruac ëë ci Gua̱a̱r in te nhial ɛ lar ɛn ɣöö bɛ ka̱m Yiëë in Gɔaa in Rɛl Rɔ jek, cɛ mɛmɛ wuɔ̱c nɛy ɛn mɛ min nɛ̈nɛ kä cia liŋɛ.

Lät Jaakni Yecu 3:21

Jɛn bɛ dhil te nhial, amäni gua̱a̱th in ba ŋɔak diaal jakä cuŋ, tëë ci Kuoth kɛ lat kɛ thuk gööknikɛ tëë cieŋ ni wal tin rɛ̈l kɛ rɔ̱.

Ji̱ Röm 8:34

Ɛŋa mi bikɛ kuɛth ɔ? Ɛ jɛn Kritho Yecu min ci li̱w, ɣɔ̱ɔ̱n, kä ca jiɛc li̱th, min te tetdä cuëëc Kuɔth, in läŋ pa̱ny kɛ kui̱dan?

Ji̱ Ko-lɔ-thi 3:1

Mi ca yɛ jiɛc kɛ Kritho kɛɛl, görɛ ni ŋɔaani tin la nyin nhial, gua̱a̱th in te Kritho thi̱n, nyuurä cueec Kuɔth.

1 Tim 3:16

A thil diw, min cuääŋ naath rɛy ŋäthädan di̱tdɛ ɛlɔ̱ŋ. Jɛn ca jɛ nyoth rɛy ri̱eŋ, kä tëëkɛ cuɔ̱ɔ̱ŋ rɛy yieekä, ca jɛ nɛn ɛ ja̱a̱k nhial, Ca ciötdɛ lat rɛy Juri, kä ca jɛ ŋäth rɛy ɣɔaa, ca jɛ naŋ nhial rɛy buɔyä.

Ji̱ Ɣi-bɛ-ru 1:3

Jɛn min nyoth buay Kuɔth, kä ɛ jɛn cät Kuɔth pa̱ny, kääpɛ ɣɔw kɛɛliw kɛ rietdɛ min buɔ̱m. Mëë cɛ dueer thuk kɛ wuɔ̱c, cuɛ nyuur cuëëc Kua̱r in di̱t ni jɛn nhial.

Ji̱ Ɣi-bɛ-ru 12:2

Kä guɛcnɛ ni Yecu in la tuk kä pek ŋäthädan, min ci lia̱a̱ rut wi̱c jiaath kɛ kui̱ tɛthä lɔaac in te nhiamdɛ, kä /kenɛ riɛk kɛ duŋ po̱cä, kä nyuurɛ kui̱ cuëëc kɔam Kuɔth.

Ji̱ Ɣi-bɛ-ru 4:14

Kä kɛ ɣöö ta̱nɛ kɛ bo̱o̱th palä in di̱i̱t min ci wä nhial, ni Yecu Gat Kuɔth, kuanɛ ŋa̱thdan in latnɛ käp a bum.

Ji̱ Ɣi-bɛ-ru 6:20

Ni guäth in ci Yecu wä thi̱n nhiamdan, kä ca bo̱o̱th palä in di̱i̱t amäni cäŋ kɛl, ɛ bo̱o̱th palä mi ce̱tkɛ Mal-ki-dhɛ-dɛk.

Ji̱ Ɣi-bɛ-ru 7:26

Kɛ ɣöö ro̱ŋɛ ɛn ɣöö dënɛ tekɛ bo̱o̱th palä in di̱i̱t mi ce̱tkɛ nɔ, mi rɛl gɔɔydɛ rɔ, mi thil bɛ̈l, kä thil mɛ̈ɛ̈ny, mi ca lɛy kä ji̱ dueeri, kä ca kap nhiam kä nyin nhial diaal.

Ji̱ Ɣi-bɛ-ru 8:1

Täämɛ luɔt kä min lat nɛy ɛ, ɛ ɣöö ta̱nɛ kɛ bo̱o̱th palä in di̱i̱t, mi ci nyuur kui̱c cuëëc kɔam Kua̱r in di̱i̱t nhial.

Ji̱ Ɣi-bɛ-ru 9:24

Kɛ ɣöö /ken Kritho coth rɛy kɛmɛ kä min ca la̱t kɛ tet ran, min la cäät luaak palä in thuɔ̱k. Jɛn cɛ wä nhial pa̱ny, kä cɛ jɔɔc ɛn ɣöö cuŋɛ nhiam Kuɔth kɛ kui̱dan.

1 Pit 3:22

Jɛn cɛ wä nhial a nyuurɛ cueec Kuɔth a ruaacɛ ja̱a̱k nhial, kɛnɛ kua̱r nhial diaal kɛnɛ bum.