Mak 16:15 - RUAC KUƆTH IN RƐL RƆ

¹⁵ Kä cuɛ kɛ jiök i̱, “Wiaa rɛy ɣɔaa kɛɛliw kä la̱tdɛ thuk Kuɔth ti gɔw nɛy diaal wi̱i̱ muɔ̱n.

Mak 16:15 Iomraidhean Croise

Diit 22:27

Bi pëk ɣɔaa diaal ɛ tim kä bikɛ rɔ̱ ri̱et Kuoth Nhial. Kä bi thuk duëli dööri diaal ben pal nhiamdɛ.

Diit 96:3

La̱tdɛ döör diaal buɔ̱mdɛ, la̱tdɛ lätkɛ tin ga̱ykɛ naath rɛy nɛɛni diaal.

Diit 98:3

Kä jɛn cɛ nhökdɛ min thil pek tim kɛnɛ ŋa̱thdɛ min di̱i̱t, kɛ kui̱ thuɔk duëël ji̱ I-thɛ-rɛl. Kɛn pëk ɣɔaa diaal cikɛ juɔ̱c Kuɔthda nɛn.

I-ca-yaa 45:22

Luɔ̱nyɛ kä ɣä bia kään, yɛn diaal yɛn ji̱ pekni ɣɔaa! Kɛ ɣöö ɛ ɣän la Kuoth Nhial ɔ, thilɛ Kuoth mi dɔ̱ŋ ɛ ni ɣän.

I-ca-yaa 49:6

Kä cu Kuäärä wee i̱, “Kuiyɛ ɛlɔ̱ŋ kɛ ɣöö bi ji̱n a ja̱ŋdä, kɛ ɣöö bi thuk duëli Je-kɔb jiac nhial, kä bi ji̱ I-thɛ-rɛl tin tëk luɔ̱c jɔk. Ɣän bä ji̱ jak kä buay kä döör, dɔ̱ŋ bi ka̱ndä naŋ pekni ɣɔaa diaal.”

I-ca-yaa 52:10

Bi Kuoth Nhial buɔ̱mdɛ nyoth nhiam dööri diaal, kä bi pek wec muɔ̱ɔ̱n diaal ka̱n Kuɔthda nɛn.

Mɛ̈t 28:19

Kä wiaa, kä jakɛ naath kä ji̱ kɔaarä rɛy dööri diaal, kä lakɛ kɛ kɛ ciöt Gua̱a̱r in te nhial, kɛ Gat, kɛ Yiëë in Gɔaa in Rɛl Rɔ,

Mak 13:10

Kä ba thuk Kuɔth ti gɔw dhil la̱t döör diaal kɛ nhiam.

Jɔ̱ɔ̱n 15:16

/Ken yɛn ɣä mɛk, kä cä yɛ mɛk kä cä yɛ kuany, kɛ ɣöö bia lät ti gɔw wä la̱t, kä bi gɔɔy la̱tdun cu te thi̱n amäni cäŋ kɛl. Kä inɔ bi Gua̱a̱r yɛ ka̱m min bi yɛn ɛ thiec kɛ ciötdä.

Jɔ̱ɔ̱n 20:21

Cu Yecu kɛ nyɔk kɛ jio̱k i̱, “A mal tekɛ yɛ. Ce̱tkɛ min ci Gua̱a̱r ɣä ja̱k, ɣän ja̱kä yɛ bä.”

Lät Jaakni Yecu 1:2

amäni cäŋ ëë naŋkɛ ni jɛ nhial, kɛ kɔr kä mëë cɛ jaakɛ tin cɛ mɛk lat ruac kɛ buɔ̱m Yieekä in Gɔaa in Rɛl Rɔ.

Lät Jaakni Yecu 1:8

Kä yɛn bia buɔ̱m jek mi wä Yiëë in Gɔaa in Rɛl Rɔ ben kä yɛ. Kä bi yɛn a nëënkä kä Jɛ-ru-tha-lɛm, kɛnɛ rɛy Ju-dia kɛɛliw, kɛ Tha-mɛ-ria kɛnɛ pek ɣɔaa kɛɛliw.”

Ji̱ Röm 10:18

Kä cua̱ thiec i̱, /ken kɛn ɛ liŋ? Ɛpuc, ca liŋ, kɛ ɣöö ca lat i̱, “Ci jɔwdiɛn wä rɛy ɣɔaa kɛɛliw, ci rieetkiɛn cop pekni ɣɔaa.”

Ji̱ Röm 16:26

Kä täämɛ cɛ jɔɔc, kä ca jɛ jakä ŋa̱ckɛ rɛy warɛgakni göökni, kä kɛ ruac Kuɔth in do̱raar, ca jɛ jak kä ŋa̱ckɛ ɛ döör diaal kɛ ɣöö deekɛ tekɛ ŋa̱th kɛnɛ luth.

Ji̱ Ɛ-pɛ-thäth 2:17

Kä cuɛ ben lätdɛ mal kɛ yɛn nɛy tëë na̱n, kɛnɛ yɛn nɛy tin thia̱k.

Ji̱ Ko-lɔ-thi 1:23

Bi nɔmɔ tuɔɔk mi wä yɛn kɛ wä nhiam, kä buɔ̱mɛ kä ta̱yɛ rɛy ŋäthä. /Cuarɛ rɔ woc ŋäthä min ca lar ɛ thuk ti gɔw tin cia liŋ, kä ca la̱t ji̱ piɛny diaal, kä ɣän, Puɔl, cua kɛ lat kɛn thuk ti̱ti̱.

Ji̱ Ko-lɔ-thi 1:6

min ci ben kä yɛ. Kä ce̱tkɛ min kuiirɛ dɛy kä pithɛ rɛy ɣɔaa kɛɛliw, kɛ jɛn duɔ̱ɔ̱p ɛmɔ kuiirɛ dɛy rɛydun nikɛ cäŋ ëë cia liŋ ni jɛ, kɛ thuɔ̱k cia thuɔ̱k Kuɔth ŋa̱c.

1 Jɔ̱ɔ̱n 4:14

Kä canɛ jɛ nɛn, kä lat kɔn ɛ ɛn ɣöö ci Gua̱a̱r in te nhial Gatdɛ ja̱k ala Kään ɣɔaa.

Nyuuth 14:6

Kä cua jääk nhial dɔ̱diɛn mi pär kɛ nhial nɛn, mi tekɛ thuk Kuɔth ti gɔw ti thil pek ti bɛ la̱t nɛy ti cieŋ wi̱i̱ muɔ̱ɔ̱n, kɛ döör diaal kɛnɛ thuk duëli, kɛ thuk ti gööl kɛ nɛy diaal.