Mak 16:13 - RUAC KUƆTH IN RƐL RƆ

¹³ Cukɛ loc jɔk, kä cukɛ jɛ wä la̱r ji̱ kɔaarɛ tin kɔ̱kiɛn, kä /ka̱n ruacdiɛn ŋäth bä.

Mak 16:13 Iomraidhean Croise

Mɛ̈t 28:17

Kä mëë cikɛ jɛ nɛn, cukɛ jɛ pal, kä te tha̱a̱ŋkiɛn kɛ diw.

Mak 16:11

Kä mëë ci kɛn ɛ liŋ ɛn ɣöö Yecu tëkɛ a ca jɛ nɛn ɛ Mɛri /ken kɛn ɛ ŋäth.

Mak 16:14

Kɛ kɔr kä mɔmɔ, mëë te jaak da̱ŋ wäl wi̱cdɛ kɛl guäth mi̱eth, cuɛ päl nhiamdiɛn. Kä cuɛ kɛ luek kɛ ɣöö thilɛ kɛ ŋa̱th kä bum wuɔ̱thkiɛn, kɛ ɣöö ca ruac nɛɛni tëë ca Yecu nɛn lo̱k, mëë cɛ rɔ jiɛc li̱th.

Luk 16:31

Kä cu A-bɛ-ram ɛ jiök i̱, ‘Mi /cikɛ ŋuɔ̱t Muthɛ kɛnɛ ruaacni göökni bi liŋ, /cakɛ dee jakä ŋa̱th ɛ raan a cäŋɛ mi ci raan rɔ jiɛc li̱th.’ ”

Luk 24:11

Kä cu ruaacni tɔ̱tɔ̱ ce̱tkɛ ruac mi baŋ kä jaak. Kä /ken kɛn kɛ ŋäth.

Luk 24:41

Mëë ŋot lɔcdiɛn kɛ ga̱a̱c kɛnɛ diw kɛ kui̱ tɛthä lɔaac, cuɛ kɛ thiec i̱, “Ta̱yɛ kɛ mi camkɛ ɛn wanɛ?”

Jɔ̱ɔ̱n 20:25

Kä cu jaak tin kɔ̱kiɛn ɛ jiök i̱, “Kɔn cakɔ Kuäär nɛn.” Kä cuɛ kɛ jiök i̱, “Ɛ ni mi cä buɔ̱ɔ̱t thötni nɛn pa̱a̱t tetnikɛ kä cäkɛ thiap kɛ yiatdä, kä cä tetdä la̱th bua̱lädɛ, bä cu ŋäth.”

Jɔ̱ɔ̱n 20:8

Kä inɔ cu jak in dɔ̱ŋ min kɔŋ cop ni jɛn gua̱a̱th kunyä wä rɛc bä, kä cuɛ jɛ nɛn, kä cuɛ jɛ ŋäth.