3 Kä cu bööth palä tin di̱t jɛ gɔany kɛ ti ŋuan.
Cä ce̱tnikɛ ram in /ci la thëŋ, mi ci mi jiääk dëë ben raar thokdɛ.
“Ca jɛ ciɛŋ ɛ jiäk a cɛ cuuc, kä ŋotdɛ thilɛ mi cɛ lat, cua jɛ buɔth ce̱tnikɛ ruath dɛ̈ɛ̈l mi wa ŋot, cuɛ biɛt ce̱tnikɛ dɛl nhiam raam mi ŋuk miemkɛ, jɛn /kenɛ thokdɛ lɛp.
Kä min ca jɛ gɔany ɛ bööth palä tin di̱t kɛnɛ di̱t nath, cuɛ thil mi cɛ loc.
Cu Pay-lɛt Yecu thiec i̱, “Ɛ ji̱n Kuäär ji̱ Juudh?” Kä cuɛ jɛ loc i̱, “Ɣɔ̱ɔ̱n, ci jɛ lar.”
Cu Pay-lɛt Yecu nyɔk kɛ thiec i̱, “Thilɛ mi looci? Nɛn ŋɔaani ti ŋuan ti gɔanykɛ ji̱ ti.”
Kä cuɛ thil mi dɔ̱ŋ mi cu Yecu ɛ loc. Kä ɛnɔ cu Pay-lɛt ga̱a̱c.
Kä niɛ wanɔ cu Pay-lɛt luɔ̱nydɛ go̱r, duundɛ ɣöö cu ji̱ Juudh wak i̱, “Mi wi̱i̱ wut ɛmɔ lony, /ciɛ ji̱n määth kua̱r. Kä ram mi cɔl rɔ i̱ kuäär lo̱kɛ ni ruac Thii-thɛr.”
