Mak 15:21 - RUAC KUƆTH IN RƐL RƆ

²¹ Mëë cikɛ röm kɛ jääl mi cɔal i̱ Thay-mɔn, raan rööl Thay-rin, mi la gua̱n A-lek-dhan-der kɛnɛ Ru-päth, cukɛ jɛ kok i̱ bɛ jiath in wa Yecu puɔ̱t thi̱n kap.

Mak 15:21 Iomraidhean Croise

Mɛ̈t 27:32

Min wäkɛ raar, cukɛ raan Thay-rin mi cɔal i̱ Thay-mɔn jek, cukɛ wut ɛmɛ kok i̱ bɛ jiath in ba wä puɔ̱t ni Yecu kap.

Mɛ̈t 5:41

Kä mi ci raan ji̱ kok i̱ bi wä kɛɛl kɛ jɛ kɛ ja̱l mi räth kä ki̱lumi̱ti̱r kɛl, rep ja̱lu kɛ jɛ kɛɛl kɛ ki̱lumi̱ti̱ri da̱ŋ rɛw.

Mak 15:20

Mëë ci kɛn ɛ buy, cukɛ bi̱i̱ in mɛr woc puɔ̱nydɛ. Kä cukɛ jɛ rony kɛ bieynikɛ. Cukɛ jɛ naŋ raar kɛ ɣöö ba jɛ wä pua̱t jiaath.

Luk 14:27

Kä ram mi /ci jiathdɛ bi kap, kä bɛ ɣä guɔ̱ɔ̱r, /cɛ dee a raan kɔaarä.

Luk 23:26

Kä min naŋkɛ Yecu raar, cukɛ raan Thay-rin mi cɔal i̱ Thay-mɔn mi bëë rɛy ciëŋ käp, kä cukɛ jiath la̱th jɔɔkdɛ kɛ ɣöö bɛ jɛ kap kɔɔr Yecu.

Jɔ̱ɔ̱n 19:17

kä cuɛ ben raar a kapɛ jiathdɛ, cuɛ wä guäth mi cɔal i̱ “Gua̱a̱th Po̱o̱rä”, kä cɔalkɛ i̱ “Gɔl-gö-tha” kɛ thok Ɣi-bɛ-ru.

Lät Jaakni Yecu 11:20

Kä cu tha̱a̱ŋ wutni ti bä kä Ki-ti-yim, kɛnɛ Thay-rin, wä kä Ɛ̈n-ti-ɔk, cukɛ ruac la̱t Jur bä, latkɛ thuk ti gɔw kɛ kui̱ Kua̱r ni Yecu.

Lät Jaakni Yecu 13:1

Täämɛ duel Kuɔth kä Ɛ̈n-ti-ɔk tëëkɛ göök kɛnɛ ŋi̱eec, Bar-na-bäth kɛnɛ Cim-on min cɔal i̱ Ni-jɛr, kɛ Lu-ciäth raan Thay-rin, kɛ Ma-në-an mi ci piith kɛɛl kɛ Ɣɛ-rod in la kuäär, kɛnɛ Thɔɔl.

Lät Jaakni Yecu 2:10

Pɛ-ri-jia, kɛnɛ Pam-pi-lia, I-jëp kɛnɛ tha̱a̱ŋ Lib-ya min la duŋ Thay-rin, kɛnɛ ja̱a̱l ti bä kä Röm tin la ji̱ Juudh kɛnɛ Jur,

Lät Jaakni Yecu 6:9

Kä cu tha̱a̱ŋ nath ti duɔl guäth palä mi cɔal i̱, “Gua̱a̱th nɛɛni ti Lɔr”, (ala ciöt in cɔalkɛ jɛ) kɛ ji̱ Thay-rin, kɛ ji̱ A-lek-dhan-dri-ya, amäni nɛy tin bëë kä Thi-li-cia kɛnɛ E-cia rɔ̱ jiɛc kä ŋakɛ ŋaknɔm kɛ Thi-bɛn.

Ji̱ Röm 16:13

Nërɛ Ru-päth, ram min ca mɛk rɛy Kua̱r ni Kuoth, kä nërɛ man in la maar bä.