Mak 15:14 - RUAC KUƆTH IN RƐL RƆ

¹⁴ Cu Pay-lɛt kɛ thiec i̱, “Ɛ kui̱ ŋukä? Kä ɛ mi jiääk ŋukä cɛ la̱t ɔ?” Kä cukɛ rɔal ɛlɔ̱ŋ wäkɛ i̱, “Pua̱tdɛ jɛ jiaath!”

Mak 15:14 Iomraidhean Croise

Diit 69:4

Kä ŋuan nɛy tin lökɛ ɣä kɛ mi thil thar ɛ lɛ̱̈nykɛ ni miem wecdä. Kä ŋuan nɛy tin görkɛ däkdä ɛlɔ̱ŋ, kɛn ji̱ tɛ̈rä tin gɔanykɛ ɣä kɛ kac. Ɛ bä mi /ka̱n kual ku nyɔk kɛ loc thi̱n?

I-ca-yaa 53:3

Jɛn nyiɛrkɛ jɛ kä lökɛ jɛ ɛ nɛy tin kɔ̱ŋ, ɛ ram mi ruutni cuɔ̱c kä ɛ gua̱n rikä, jɛn ɛ ram mi tey nɛy tin kɔ̱ŋ nhiamdiɛn kɛ jɛ, lökɛ jɛ kä thilɛ ram mi caar jɛ i̱, ɛ duɔ̱ɔ̱r.

I-ca-yaa 53:9

Kä cua jɛ la̱th kɔ̱k kɛɛl kɛ nɛy ti jiäk, kä cua jɛ kony kɛɛl kɛ ram mi riäŋ riäŋ, cäŋ ni mëë thilɛ riɛk mi cɛ la̱t, kä thilɛ kac mi cɛ lat.”

Mɛ̈t 27:19

Kä min nyuurɛ wi̱i̱ kɔam luɔ̱k, cu ciekdɛ jɛ jäkä ruac i̱, “A jɛ thil mi lätdi kä gua̱n cuŋni ɛmɔ, kɛ ɣöö cä cuuc ɛn walɛ kɛ läk mi cä läkikä kɛ kui̱dɛ.”

Mɛ̈t 27:4

Kä cuɛ wee i̱, “Ɣän cä duer kɛ kɔk riɛm raam mi thil duer.” Cu bööth palä kɛnɛ di̱t nath wee i̱, “Thilɛ kɔ ca̱p thi̱n. Ɛ ni ruacdu kärɔa!”

Mɛ̈t 27:54

Mëë ci kuäär lathkëëri kɛnɛ nɛy tin guɛckɛ Yecu kɛ jɛ kɛɛl, lath piɛny kɛnɛ min ci tuɔɔk nɛn, cukɛ dual ɛlɔ̱ŋ, kä cukɛ wee i̱, “Ɛpuc wut ɛmɛ ɛ Gat Kuɔth!”

Mak 15:13

Kä cukɛ rɔal kɛ jɔw mi di̱i̱t i̱, “Pua̱tdɛ jɛ jiaath!”

Mak 15:15

Kɛ ɣöö go̱o̱r Pay-lɛt ɣöö bi buɔ̱n lɔcdɛ tɛɛth, cuɛ kɛ luɔ̱ny Bä-ra-bäth. Kä kɛ kɔr kä mëë cɛ Yecu duäc, cuɛ jɛ ka̱m kɛ, kɛ ɣöö ba jɛ wä pua̱t jiaath.

Luk 23:21

Kä cukɛ wak kɛ jɔw mi di̱i̱t ɛlɔ̱ŋ i̱, “Pua̱tdɛ jɛ jiaath, pua̱tdɛ jɛ jiaath!”

Luk 23:4

Cu Pay-lɛt bööth palä tin di̱t kɛnɛ buɔ̱n jiök i̱, “Thilɛ duer mi cä jek kä wut ɛmɛ.”

Luk 23:41

Kä ɛ cuɔ̱ɔ̱ŋ ɛn kuɛthdan li̱th, kɛ ɣöö jek kɔn ni min ro̱ŋ kɛ lätkɔn, kä thilɛ mi jiääk mi ci wut ɛmɛ jɛ la̱t.”

Luk 23:47

Mëë ci kuäär rɛ̈m min ci tuɔɔk nɛn, cuɛ Kuoth liak, kä cuɛ wee i̱, “Ɛpuc, wut ɛmɛ thilɛ jɛ duer.”

Jɔ̱ɔ̱n 18:38

Cu Pay-lɛt ɛ thiec i̱, “Thuɔ̱k ɛŋu?” Kä kɛ kɔr kä mëë cɛ nɛmɛ lar, cuɛ lɛni wä raar kä ji̱ Juudh, kä cuɛ kɛ jiök i̱, “Thilɛ duer mi cä jek kä jɛ.

Jɔ̱ɔ̱n 19:6

Kä mëë ci bööth palä kɛnɛ lathkëëri jɛ nɛn, cukɛ wak kɛ jɔw mi di̱i̱t i̱, “Pua̱tdɛ jɛ jiaath, pua̱tdɛ jɛ jiaath!” Cu Pay-lɛt kɛ jiök i̱, “Naŋɛ jɛ ɛ yɛn pua̱nykun, bia jɛ wä pua̱t jiaath, kɛ ɣöö thilɛ duer mi cä jek kä jɛ.”

Lät Jaakni Yecu 13:28

Kä a cäŋɛ ni mëë thilɛ mi ca jek mi dëë näk ni jɛ, cukɛ Pay-lɛt thiec kɛ ɣöö ba jɛ näk.

Lät Jaakni Yecu 19:34

Kä mëë cikɛ jɛ ŋa̱c ɛn ɣöö ɛ raan Juudh, cu kɛn diaal rɔal kɛ jɔw kɛl kɛ thaakni rɛw wäkɛ i̱, “Ar-tɛ-mith, kuoth ji̱ Ɛ-pɛ-thäth, di̱t ni jɛn!”

Ji̱ Ɣi-bɛ-ru 7:26

Kɛ ɣöö ro̱ŋɛ ɛn ɣöö dënɛ tekɛ bo̱o̱th palä in di̱i̱t mi ce̱tkɛ nɔ, mi rɛl gɔɔydɛ rɔ, mi thil bɛ̈l, kä thil mɛ̈ɛ̈ny, mi ca lɛy kä ji̱ dueeri, kä ca kap nhiam kä nyin nhial diaal.

1 Pit 1:19

Kä duundɛ ɣöö ca yɛ luɛl kɛ riɛm Kritho mi gɔaa mi ce̱tkɛ riɛm ruath dɛ̈ɛ̈l rɔɔmä mi thil mɛ̈ɛ̈ny kiɛ gua̱r.