Mak 14:6 - RUAC KUƆTH IN RƐL RƆ

⁶ Cu Yecu kɛ jiök i̱, “Pa̱lɛ jɛ. Ɛŋu jut yɛn ɛ mɔ? Jɛn cɛ ɣä lät kä mi gɔaa ɛlɔ̱ŋ.

Mak 14:6 Iomraidhean Croise

I-ca-yaa 54:17

Kä thilɛ yio̱w köör ti ba yɛ nyɔk kɛ juɔ̱c kɛ kɛ, kä bia lëëp diaal tin gɔanykɛ yɛ loc. Nɛmɛ ɛ jɛn duŋ ja̱a̱ŋni Kuɔth Nhial, kä ɛ jɛn min la cuɔ̱ɔ̱ŋdiɛn,” ruac ni ɣän Kuoth Nhial.

Mɛ̈t 26:10

Kä kɛ ɣöö ŋäc Yecu ruacdiɛn ɛmɛ, cuɛ kɛ jiök i̱, “Ɛŋu juɔ̱tdɛ ciek ɔ? Jɛn lätdɛ ni ɣä kä mi gɔaa.

Mak 14:5

Kɛ ɣöö dëë yi̱eer ɛmɔ kɔak kɛ yio̱w ti la̱nykɛ yio̱w ti kur diɔ̱k, kä dëë kɛ ka̱m can.” Kä cukɛ ciek ya̱a̱m ɛlɔ̱ŋ.

Mak 14:7

Ta̱yɛ kɛɛl kɛ nɛy ti can ni ciaŋ, kä dërɛ kɛ lät kä ti gɔw kɛ gua̱a̱th ɛ cia go̱rɔ, kä /ci ɣän bi te kɛɛl kɛ yɛ ni ciaŋ.

Lät Jaakni Yecu 9:36

Täämɛ kä Yapa tëëkɛ raan kɔaar Yecu mi cɔal i̱ Ta-bi-tha, mi cɔali Dor-käth kɛ thok Gɛ-rith. Ɛn ciek ɛmɛ cɛ thia̱a̱ŋ kɛ lät ti gɔw kɛnɛ luäk can.

2 Kor 10:18

Kɛ ɣöö /ciɛ nɛy tin latkɛ gɔɔydiɛn kärɔ̱ kɛn tin nhɔakɛ, ɛ ni nɛy tin latkɛ gɔɔydiɛn ɛ Kuäär.

2 Kor 9:8

Kä te Kuoth kɛ lua̱ŋ kɛ ɣöö bɛ yɛ moc puth diaal ti ŋuan, kɛ ɣöö bia tekɛ mi ro̱ŋ kɛ min görɛ ciaŋ, kɛ ɣöö dee yɛn kɛ nyuak rɛy lätni diaal ti gɔw.

Ji̱ Ɛ-pɛ-thäth 2:10

Kɛ ɣöö Kuoth cɛ kɔn la̱t kɛ ta̱a̱dan ɛmɛ, cakɛ kɔn rɛy Kritho Yecu kɛ kui̱ lätni ti gɔw, min ci Kuoth ɛ rialikä nikɛ nhiam, kɛ ɣöö ba duɔ̱ɔ̱p teekädan.

Ji̱ Ko-lɔ-thi 1:10

Kɛ ɣöö bi yɛn tëk kɛ tëk mi ro̱ŋ kɛ Kuäär ni Yecu kɛ dup diaal. Kä bia dɛy kuir rɛy lätni diaal ti gɔw, kä bia piith rɛy ŋäcä Kuɔth.

2 Thɛ 2:17

cuɔmɛ lo̱ckun, kä akɛ bum, rɛy lätni diaal ti gɔw kɛnɛ ruacni.

1 Tim 5:10

Kä ba jɛ yi̱k ŋa̱c kɛ gɔɔy lätnikɛ, ce̱tkɛ ram mi ci gaat pith, kä nyuurɛ ja̱a̱l, kä la̱kɛ ciök nɛɛni tin ci Kuoth kɛ lɛy, kä luäkɛ nɛy tin tekɛ rik, kä cɛ rɔɔdɛ la̱th lätni ti gɔw gua̱thni diaal.

1 Tim 6:18

Kɛn bikɛ gɔy la̱t, kɛ ɣöö bikɛ ria̱ŋ kɛ lät ti gɔw, kä bikɛ muɔ̱c kɛ ɣöö bikɛ ŋɔak nyuak.

2 Tim 2:21

Mi ci raan rɔɔdɛ lak kä ti diaal tin jiäk, bakɛ jakä ti gɔw ti ca lɛy kɛ kui̱ la̱t mi gɔaa, kɛ ɣöö cakɛ lëy Kuääri kɛ kui̱ la̱t mi gɔaa.

2 Tim 3:17

kɛ ɣöö dee raan Kuɔth ro̱ŋ agɔaa diaal tin go̱o̱rɛ kɛ kui̱ lätni diaal ti gɔw.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

Tay-täth 2:7

Nyoth rɔ rɛy ŋɔaani diaal ala nyuuth lätni ti gɔw, kä rɛy ŋi̱i̱cädu nyothɛ ɛ thuɔ̱k kä lotdi ni jɛ.

Tay-täth 3:14

Kä jakni naath kä ŋa̱ckɛ ɣöö bikɛ rɔ̱ ka̱m lät ti gɔw, kɛ ɣöö bikɛ rik mal luäk, kɛ ɣöö /ci tëkdiɛn bi a mi jiääk.

Tay-täth 3:8

Ruac ɛmɛ ɛ thuɔ̱k. Ɣän göörä ɣöö bi la̱t ni kɛnɛ ti̱ti̱, kɛ ɣöö bi nɛy tin ca Kuoth ŋäth rɔ niɛk kɛ ɣöö bikɛ rɔ̱ ka̱m lät ti gɔw. Lät ti̱ti̱ gɔwkɛ ɛlɔ̱ŋ, kä lua̱kɛ naath.

Ji̱ Ɣi-bɛ-ru 10:24

Kuanɛ diɛɛr kɛ rɔ kä lua̱knɛ rɔ̱ kä nyuɔthnɛ nhök kɛnɛ lät ti gɔw.

Ji̱ Ɣi-bɛ-ru 13:21

kämɛ yɛ ciɛŋ gɔyni diaal kɛ ɣöö dërɛ ruacdɛ la̱t, kä derɛ min tɛɛth lɔcdɛ la̱t rɛydan kɛ Yecu Kritho. Kä a liak tekɛ jɛ a thil pek. Inɔnɔ.

1 Pit 2:12

Ciëŋɛ agɔaa rɛy Juri, kɛ ɣöö mi dee kɛ yɛ lat jɔ̱ɔ̱r i̱ lapɛ ji̱ nyuɔɔni, bikɛ lätkun tin gɔw nɛn kä bikɛ Kuoth liak kɛ cäŋ in bɛ ɣɔw ben gui̱l.