Mak 14:21 - RUAC KUƆTH IN RƐL RƆ

²¹ Kɛ ɣöö wä Gat Ran, ce̱tkɛ min ca gɔ̱r kɛ kui̱dɛ, kä riɛk akɛ ram in bi Gat Ran kɔak! Kä kɛ kui̱dɛ ɛn ram ɛmɔ, dee gɔaa ni mi /ka̱n jɛ dap.”

Mak 14:21 Iomraidhean Croise

Tuk Cäkä Ɣɔaa 3:15

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

Diit 55:15

Aɣ Kuoth ɛ ji̱ tɛ̈rä li̱w nikɛ ŋuɛɛtdiɛn, akɛ wä ni jɔɔkni a tëk kɛn, akɛ ɣöö cieŋ gua̱n jiäkni rɛydiɛn.

I-ca-yaa 52:14

Cu nɛy ti ŋuan ga̱a̱c mëë ca jɛ nɛn, cu nëndɛ naath gäy kɛ ɣöö /ca jɛ ŋic, /ci ta̱a̱dɛ ce̱tkɛ ta̱a̱ ran,

Bok Go̱kä ni Da-ni-yel 9:24

“Kɛ run ti kur ŋuaan wi̱cdɛ jiɛn bäŋuan ba jɛn pek gua̱th in ba lony ni nɛɛku kɛnɛ wecdu min rɛl rɔ kä duer kɛnɛ jiäk. Ba dueer päl, kä bi ciaŋ päärä cu ben, kä bi ruaacni go̱o̱kä kɛnɛ nyuuth cua̱ thuɔ̱k, ba luak Kuɔth in rɛl gɔɔydɛ rɔ cu nyɔk kɛ lëy.

Bok Go̱kä ni Da-ni-yel 9:26

Kä kɛ kɔr runi ti kur ŋuaan wi̱cdɛ jiɛn diɔ̱k wi̱cdɛ ŋuaan, ba kuäär in ci Kuoth ɛ mɛk näk, kä bɛ thil mi tekɛ jɛ, kä ba wec kɛnɛ luak Kuɔth ben däk ɛ rɛm kua̱r in bi ben. Kä bi guut wec cu ben ce̱tkɛ nyɔc, kä bi ko̱r cu te thi̱n amäni guut. Bɛ cua̱ jɛn da̱k in ca lar.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Mɛ̈t 26:54

Kä mi cä mɔmɔ la̱t dee ruaacni Kuɔth tëë ca gɔ̱r a thuɔ̱k i̱di, mëë laar ɣöö bi nɛmɛ tuɔɔk inɔ?”

Mɛ̈t 26:56

Kä ci ti̱ti̱ diaal tuɔɔk kɛ ɣöö bi ruaacni Kuɔth tëë ca lat ɛ göök a thuɔ̱k.” Kä cu ji̱ kɔaarɛ diaal ɛ ba̱ny piny kä cukɛ puɔ̱t.

Mak 14:20

Kä cuɛ kɛ jiök i̱, “Ɛ ram kɛl kä yɛn da̱ŋ wäl rɛw, ɛ jɛn ram in jio̱m rɛy tokä kɛ ɣä kɛɛl.

Mak 14:22

Kä min mi̱thkɛ, cuɛ juray ka̱n, cuɛ jɛ poth, kä cuɛ jɛ puɔ̱ny, kä cuɛ jɛ ka̱m jaakɛ wëë i̱, “Ka̱nɛ jɛ, mɛmɛ ɛ puɔ̱nydä.”

Mak 14:49

Cäŋ ɔ kɛ cäŋ ɔ la ta̱a̱ kɛɛl kɛ yɛ ŋi̱eecä naath rɛy luaak Kuɔth, kä /ken yɛn ɣä käp. Duundɛ ɣöö ɛ ruaacni Kuɔth tëë ca gɔ̱r kua̱ thuɔ̱k.”

Luk 22:22

Kɛ ɣöö Gat Ran bɛ wä ce̱tkɛ min ca rialikä, kä riɛk a kä jɛn ram in bi jɛ kɔak!”

Luk 24:44

Kä cuɛ kɛ jiök i̱, “Ti̱ti̱ kɛ kɛn rieetkä tëë cä la̱r yɛ, mëë ŋuɔtdä kɛɛl kɛ yɛ, ɛn ɣöö ti diaal tëë ca gɔ̱r kɛ kui̱dä rɛy ŋuɔ̱tni Muthɛ kɛnɛ ruaacni göökni, kɛ Diit bikɛ dhil a thuɔ̱ɔ̱k.”

Jɔ̱ɔ̱n 19:28

Kɛ kɔr kä mɛmɛ, mëë ci Yecu ɛ ŋa̱c ɛn ɣöö ci ŋɔaani diaal ku thuuk, cuɛ mɛmɛ lat kɛ ɣöö bi ruacni Kuɔth tëë ca gɔ̱r a thuɔ̱k, cuɛ wee i̱, “Ci rɛw ɣä näk.”

Lät Jaakni Yecu 1:25

mi bi gua̱a̱th la̱t jääkä nɛmɛ guäl, min ci Ju-däth ɛ ba̱ny piny kɛ, wädɛ guäth ëë bëë thi̱n.”

Lät Jaakni Yecu 2:23

Yecu ɛmɛ ca kuëŋ tetnikun kɛ ca̱p Kuɔth in thuɔ̱k, kɛnɛ ŋäcdɛ min wen, cuarɛ jɛ pua̱t jiaath, kä cuarɛ jɛ näk kɛ tet nɛɛni ti thil ŋut.

Lät Jaakni Yecu 4:27

Kä ɛpuc rɛy wec ɛmɛ cu Ɣɛ-rod kɛnɛ Pɔn-tiäth Pay-lɛt kɛ Jur kɛnɛ ji̱ I-thɛ-rɛl rɔ̱ mat kɛɛl, gakɛ kɛ Yecu läätdu mi rɛl rɔ, mëë ci mɛk.