Mak 14:18 - RUAC KUƆTH IN RƐL RƆ

¹⁸ Kä min cikɛ nyuur kä mi̱thkɛ cu Yecu kɛ jiök i̱, “Ɛpuc, ɣän la̱rä jɛ yɛ, bi ram kɛl kä yɛ ɣä kɔak, ram mi mi̱th kɛ ɣä kɛɛl.”

Mak 14:18 Iomraidhean Croise

Diit 41:9

Ɛ cäŋɛ ni mäthnikä tin ŋa̱a̱thä tin cakɔ mi̱th ni kɛɛl, cikɛ rɔ̱ ri̱et ɣä ala ji̱ gaakdä.

Mɛ̈t 26:21

kä min mi̱thkɛ, cuɛ wee i̱, “Ɛpuc, ɣän la̱rä jɛ yɛ, bi ram kɛl kä yɛ ɣä kɔak.”

Mɛ̈t 5:18

Kɛ ɣöö ɛpuc ɣän la̱rä jɛ yɛ, min ŋot nhial kɛnɛ piny thi̱n, thilɛ duɔ̱ɔ̱r kɛl kiɛ riet mi tɔt mi ba woc kä ŋut amäni mi ci ŋɔak diaal thuɔ̱k.

Mɛ̈t 6:16

“Kä mi thɛ̈kɛ mi̱th, /cuarɛ gui̱c canä, ce̱tkɛ ji̱ mɛɛtdä, tin la nyuɔthkɛ thëkdiɛn ɛ ba nɛn ɛ naath. Ɛpuc, ɣän la̱rä jɛ yɛ, kɛn cikɛ muckiɛn jek.

Mɛ̈t 6:2

“Kä inɔ, mi thöpɛ muckun, /cuarɛ wa̱k ce̱tkɛ min la la̱tkɛ ɛ ji̱ mɛɛtdä gua̱thni pali ji̱ Juudh kɛnɛ rɛy duɔ̱pni, kɛ ɣöö bakɛ liak ɛ naath. Ɛpuc, ɣän la̱rä jɛ yɛ, kɛn cikɛ muckiɛn jek.

Mɛ̈t 6:5

“Kä mi palɛ, /cuarɛ bi ce̱tkɛ ji̱ mɛɛtdä, kɛ ɣöö kɛn nhɔakɛ cuɔ̱ŋ kɛnɛ pal gua̱thni pali ji̱ Juudh kɛnɛ röm duɔ̱pni, kɛ ɣöö dëë kɛ nɛn ɛ naath. Ɛpuc, ɣän la̱rä jɛ yɛ, kɛn cikɛ muckiɛn jek.

Mak 10:15

Ɛpuc, ɣän la̱rä jɛ yɛ, ram mi /ci Kuäär Kuɔth bi nhɔk, ce̱tkɛ gat mi tɔt, /cɛ bi wä rɛydɛ.”

Mak 10:29

Cu Yecu wee i̱, “Ɛpuc, ɣän la̱rä jɛ ji̱, thilɛ ram mi ci ciëëŋdɛ, kiɛ dämani, kiɛ nyimani, kiɛ man, kiɛ gua̱n, kiɛ gaat, kiɛ ka̱a̱k ba̱ny piny kɛ kui̱dä kɛnɛ kui̱ thukni ti gɔw,

Mak 14:17

Mëë ci ɣɔw a thiaŋ, cuɛ ben kɛnɛ jaak da̱ŋ wäl rɛw.

Mak 14:19

Cu lo̱ckiɛn jiath ɛlɔ̱ŋ, kä cukɛ jɛ thiec kɛ̈l kɛ̈ɛ̈li i̱, “Ɛ puc /ciɛ ɣän?”

Mak 14:25

Ɛpuc, ɣän la̱rä jɛ yɛ, /cä jɛ bi met nyɔk kɛ ma̱th kɛ jɛn liɛɛr ɛmɛ, amäni mi wä cäŋ ɛmɔ ben min bä nyɔk kɛ ma̱th cieŋ kuäärä Kuɔth.”

Mak 14:9

Kä ɛpuc ɣän la̱rä jɛ yɛ, gua̱th diaal tɔ̱ ba thuk Kuɔth ti gɔw lat thi̱n ɔ rɛy ɣɔaa kɛɛliw, ba mɛ ci ciek ɛmɛ jɛ la̱t ɛ lat kɛ kui̱ ti̱mädɛ.”

Mak 3:28

“Ɛpuc ɣän la̱rä jɛ yɛ, ba naath pa̱l dueerkiɛn diaal kɛnɛ tin jiäk tin ci kɛn kɛ lät kä Kuoth.

Mak 6:11

Mi wëë wä tekɛ ciëŋ mi /ca yɛ bi nyuɔ̱ɔ̱r thi̱n agɔaa, kä lökɛ ɣöö bikɛ ruacdun liŋ, mi jiɛn yɛn, tɛ̈ŋɛ tur ciöknikun ala nyuuth mi jiääk kä kɛ.”

Mak 8:12

Cuɛ yiëë mi di̱i̱t ŋɔk, kä cuɛ wee i̱, “Kä ɛŋu go̱o̱r ri̱c ɛmɛ ni nyuuth ɔ? Ɛpuc ɣän la̱rä jɛ yɛ, thilɛ nyuuth mi ba ka̱m ɛn ri̱c ɛmɛ.”

Mak 9:1

Cu Yecu kɛ jiök i̱, “Ɛpuc, ɣän la̱rä jɛ yɛ, tëëkɛ tha̱a̱ŋ nath ti te cuŋä ɛn wanɛ mɛ, ti /ca lia̱a̱ bi nɛn amäni mi ci kuäär Kuɔth ben kɛ buɔ̱m.”

Mak 9:41

Kä ɛpuc, ɣän la̱rä jɛ yɛ, ram ɔ bi yɛ moc pi̱ ti mathɛ mɔ, kɛ ɣöö lapɛ nɛɛ Kritho, bɛ muc mi gɔaa jek.

Luk 11:51

Nikä riɛm lia̱a̱ E-bɛl amäni riɛm Dhɛ-kar-yaa min li̱w kam yi̱kä kɛnɛ luaak Kuɔth. Ɣɔ̱ɔ̱n, ɣän la̱rä jɛ yɛ, i̱ bɛ te wi̱i̱ ri̱cä nɛmɛ.

Luk 22:21

Kä nɛ̈nɛ jɛ, ram in ɣä kɔak tëë kɛɛl kɛ ɣä, kä mi̱ethɛ kɛ ɣä kɛɛl.

Luk 4:24

Kä cuɛ wee i̱, “Ɛpuc, ɣän la̱rä jɛ yɛ, thilɛ gök mi ca met nhɔk rɛy wecdiɛn.

Jɔ̱ɔ̱n 1:51

Kä cuɛ jɛ jiök i̱, “Ɛpuc, ɛpuc ɣän la̱rä jɛ yɛ, bi yɛn nhial nɛn a ca lɛp, bi yɛn ja̱a̱k Kuɔth nɛn ti wee nhial, kä bëë piny kä Gat Ran.”

Jɔ̱ɔ̱n 13:18

Ɣän /cä ruac kɛ kui̱dun yɛn diaal, ɣän ŋa̱cä nɛy tin cä mɛk. Duundɛ ɣöö bi ruaacni Kuɔth tëë ca gɔ̱r a thuɔ̱k mëë wee i̱, ‘Ram mi ci mi̱eth cam kɛ ɣä kɛɛl, cuɛ ɣä la̱t jiäk kɛ ka̱p ŋul cio̱kädɛ nhial kɛ kui̱dä.’

Jɔ̱ɔ̱n 13:21

Kä kɛ kɔr kä mëë ci Yecu nɔmɔ lat, cu lɔcdɛ diɛɛr, kä cuɛ wee i̱, “Ɛpuc, ɛpuc, ɣän la̱rä jɛ yɛ, bi ram kɛl kä yɛ ɣä kɔak.”

Jɔ̱ɔ̱n 13:22

Cu jaakɛ rɔ̱ guic, a ga̱a̱ckɛ kɛ ram ɔ latdɛ mɔ.

Jɔ̱ɔ̱n 13:38

Kä cu Yecu jɛ loc i̱, “Ɛpuc, bi ji̱n tëkdu thöp kɛ kui̱dä? Ɛpuc, ɛpuc, ɣän la̱rä jɛ ji̱ ɛn ɣöö, /ci tuut nyaateer bi röt a /keni ɣä gak kä diɔ̱ɔ̱k.”

Jɔ̱ɔ̱n 21:18

Ɛpuc, ɛpuc, ɣän la̱rä jɛ ji̱, mëë ŋotdi kɛ ŋuɛɛt la moci rɔ kɛ bieyni, kä bi wä ja̱l guäth ɛ go̱o̱ri mɔ. Kä mi wi̱i̱ wä di̱t, bi tetku riny, kä bi radɔ̱diɛn lɛ̈tdu yiɛn, kä bɛ ji̱ naŋ guäth mi /ci wä thi̱n go̱r.”

Jɔ̱ɔ̱n 3:11

“Ɛpuc, ɛpuc ɣän la̱rä jɛ ji̱, latkɔ ni min ŋa̱ckɔ, kä larkɔ ni min cakɔ nɛn, kä /ken yɛn nënda nhɔk.

Jɔ̱ɔ̱n 3:3

Cu Yecu jɛ loc i̱, “Ɛpuc, ɛpuc ɣän la̱rä jɛ ji̱, mi /ca raan bi nyɔk kɛ di̱eth, /cɛ dee cop cieŋ kuäärä Kuɔth.”

Jɔ̱ɔ̱n 3:5

Cu Yecu jɛ loc i̱, “Ɛpuc, ɛpuc ɣän la̱rä jɛ ji̱, mi /ka̱n raan di̱eth kɛ pi̱ kɛnɛ Yiëë, /cɛ dee wä cieŋ kuäärä Kuɔth.

Jɔ̱ɔ̱n 5:19

Cu Yecu kɛ jiök i̱, “Ɛpuc, ɛpuc, ɣän la̱rä jɛ yɛ, thilɛ mi dee Gat Kuɔth ɛ luäŋ kɛ lätni jɛn kärɔaadɛ, ɛ ni min cɛ nɛn ɛ lät Gua̱n ɛ, kɛ ɣöö mi lät Gua̱n ɛ, ɛ jɛn min lät Gatdɛ bä.

Jɔ̱ɔ̱n 6:26

Cu Yecu kɛ loc i̱, “Ɛpuc, ɛpuc, ɣän la̱rä jɛ yɛ, /ci yɛn ɣä go̱r kɛ ɣöö cia nyuuthni ti ga̱ykɛ naath nɛn, ɛ ɣöö cia mi̱th a cia ria̱ŋ kɛ jurayni.

Jɔ̱ɔ̱n 6:32

Kä cu Yecu kɛ jiök i̱, “Ɛpuc, ɛpuc, ɣän la̱rä jɛ yɛ, /ciɛ Muthɛ ɛn nëë käm yɛ juray ëë bä nhial. Ɛ Gua̱a̱r ɛn nëë moc yɛ juray in thuɔ̱k mëë bä nhial.

Jɔ̱ɔ̱n 6:47

Ɛpuc, ɛpuc, ɣän la̱rä jɛ yɛ, ram ɔ tekɛ ŋa̱th ɔ tëë kɛ tëk mi do̱raar.

Jɔ̱ɔ̱n 6:70

Cu Yecu kɛ loc i̱, “/Ka̱n yɛ mɛk ala jaakä da̱ŋ wäl wi̱cdɛ rɛw? Kä ram kɛl kä yɛ ŋotdɛ ɛ gua̱n jiäkni?”