Mak 13:26 - RUAC KUƆTH IN RƐL RƆ

²⁶ Kä bikɛ Gat Ran nɛn a bëë piny kɛ pua̱a̱r kɛ buɔ̱m mi di̱i̱t kɛnɛ gɔɔy puɔnyä.

Mak 13:26 Iomraidhean Croise

Mɛ̈t 16:17

Kä cu Yecu jɛ jiök i̱, “Puɔ̱th akɛ ji̱, Thay-mɔn, gat Jona! Kɛ ɣöö /ciɛ ram mi tekɛ ri̱ŋ kɛnɛ riɛm nyuthɛ ji̱ mɔ, ɛ jɛn Gua̱a̱r in te nhial.

Mɛ̈t 16:27

Kɛ ɣöö bi Gat Ran kɛnɛ ja̱a̱kɛ kɛ gɔɔy puɔnyä Gua̱n ben, kä ɛn guäth ɛmɔ bɛ nɛy diaal culikä kɛ min ci kɛn ɛ la̱t.

Mɛ̈t 16:28

Ɛpuc, ɣän la̱rä jɛ yɛ, tëë kɛ tha̱a̱ŋ nath ti te cuŋä wanɛ mɛ, ti /ci bi li̱w amäni mi cikɛ Gat Ran nɛn a bëë rɛy kuäärädɛ.”

Mɛ̈t 24:30

Ɛ jɛn bi nyuuth benä Gatdä Ran cu jɔɔc nhial, kä bi döör wec muɔ̱ɔ̱n diaal pa̱r, kä bikɛ Gat Ran nɛn bëë rɛy pua̱a̱ri nhial kɛ buɔ̱m kɛnɛ gɔɔy puɔnyä mi di̱i̱t.

Mɛ̈t 25:31

“Mi wä Gat Ran ben rɛy wutädɛ kɛɛl kɛ ja̱a̱k nhial diaal, bɛ nyuur wi̱i̱ kɔam kuäärädɛ min gɔaa.

Mak 14:62

Cu Yecu jɛ jiök i̱, “Ɛ jɛn ɣän, kä bia Gat Ran nɛn a nyuurɛ cueec Kuɔth in Leny Buɔ̱mdɛ ti Diaal, kä bɛ ben piny kɛ pua̱a̱r nhial.”

Mak 8:38

Kɛ ɣöö mi wä raan pöc kɛ ɣä kɛnɛ ruaacnikä rɛy ri̱cä mɛ jiääk ɛmɛ mɛ thil ŋa̱th, bi Gat Ran pöc kɛ jɛ bä, mi wëë wä ben kɛ gɔɔy puɔnyä Gua̱n kɛɛl kɛ ja̱a̱k nhial tin rɛl gɔɔydiɛn rɔ.”

Mak 9:1

Cu Yecu kɛ jiök i̱, “Ɛpuc, ɣän la̱rä jɛ yɛ, tëëkɛ tha̱a̱ŋ nath ti te cuŋä ɛn wanɛ mɛ, ti /ca lia̱a̱ bi nɛn amäni mi ci kuäär Kuɔth ben kɛ buɔ̱m.”

Luk 21:27

Kä kɛ kɔrɛ ba Gat Ran nɛn bëë piny rɛy puɔ̱rä kɛ buɔ̱m kɛnɛ buay mi di̱i̱t.

Lät Jaakni Yecu 1:11

Kä cukɛ wee i̱, “Yɛn wutni Gɛ̈-lɛ-li, ɛŋu mi cuɔ̱ŋɛ kä guɛcɛ nhial ɔ? Ɛn Yecu ɛmɛ, ca naŋ nhial kä yɛ, bɛ luny jɔk ce̱tkɛ wädɛ nhial in cia nɛn.”

1 Thɛ 4:16

Kä bi Kuäär puɔ̱nydɛ ben piny nhial kɛ rɔal läärä, kɛ jɔw cio̱tdä jääkä nhial in di̱i̱t, kɛnɛ jɔw kaaŋä Kuɔth, kä bi nɛy tin ci li̱w rɛy Kritho rɔ̱ jiɛc kɛ nhiam.

2 Pit 1:16

Kä mëë la̱rkɔ yɛ buɔ̱m benä Kua̱ran ni Yecu Kritho, /ci nɛy lät ni yɛ cäätni pɛlä ti ca la̱t ɛ raan. Kä duundɛ ɣöö kɔn cakɔ di̱t Yecu nɛn kɛ wäŋkɔ pa̱ny.

Nyuuth 1:7

Nɛnɛ! Jɛn a bëëni kɛ pua̱a̱r, kä bi wäŋ diaal ɛ nɛn, amäni nɛy tëë ca jɛ yiɛth, kä bi döör wec muɔ̱ɔ̱n diaal wiee kɛ jɛ. Kä bɛ te inɔ. Inɔnɔ.