Mak 13:2 - RUAC KUƆTH IN RƐL RƆ

² Cu Yecu jɛ jiök i̱, “Nɛɛni ti̱ec ti di̱t ti̱ti̱? Thilɛ päm kɛl mi bi duɔth wanɛ mɛ wi̱i̱ pa̱a̱m dɔ̱diɛn, a /ca bi kuɛr piny.”

Mak 13:2 Iomraidhean Croise

Bok Go̱kä ni Yir-mɛ-yaa 26:18

“Tëë kɛ wut mi cɔal i̱ Mikaa raan Mo-rɛ-cɛth mi cu ruac go̱o̱kä lat kɛ ni̱n Ɣidh-ki-yaa kuäär Juda, cuɛ ji̱ Juda diaal jiök ɛn ɣöö ci Kuoth Nhial in la Ruey Ɣɔaa wee i̱, ‘Ba Dha-yɔn pur ce̱tnikɛ kak, kä bi Jɛ-ru-tha-lɛm a di̱r jiäkni, kä bi päm in te luak thi̱n a rup.’

Bok Go̱kä ni Da-ni-yel 9:26

Kä kɛ kɔr runi ti kur ŋuaan wi̱cdɛ jiɛn diɔ̱k wi̱cdɛ ŋuaan, ba kuäär in ci Kuoth ɛ mɛk näk, kä bɛ thil mi tekɛ jɛ, kä ba wec kɛnɛ luak Kuɔth ben däk ɛ rɛm kua̱r in bi ben. Kä bi guut wec cu ben ce̱tkɛ nyɔc, kä bi ko̱r cu te thi̱n amäni guut. Bɛ cua̱ jɛn da̱k in ca lar.

Mikaa 3:12

Kɛ kui̱dun, bä Dha-yɔn pur ce̱tkɛ kak, kä bi Jɛ-ru-tha-lɛm a di̱r nyueeyni. Kä bi luak pa̱a̱m do̱ny kɛ rup.

Mɛ̈t 24:2

Kä cu Yecu kɛ thiec i̱, “Yɛn nɛnɛ ti̱ti̱ diaal? Ɛpuc, ɣän la̱rä jɛ yɛ, bɛ thil päm kɛl mi ba ba̱ny wi̱i̱ pa̱a̱m in dɔ̱ŋ, ba kɛn diaal yuɔr piny.”

Luk 21:6

“Kɛ kui̱ ŋɔaani ti cia nɛn ti, bi ni̱n ben mi /ci päm kɛl bi duɔth wi̱i̱ pa̱a̱m dɔ̱diɛn, ba kɛn diaal yuɔr piny.”

Lät Jaakni Yecu 6:14

Kɔn cakɔ jɛ liŋ ruacɛ, ɛn ɣöö ɛn Yecu raan Na-dha-rɛth ɛmɛ bɛ gua̱a̱th ɛmɛ däk, kä bɛ ŋuɔ̱t Muthɛ tëë cɛ ka̱m kɔn guäl.”

Nyuuth 11:2

Kä /cu kal luaak Kuɔth in te raar thɛm, päl ɛ, kɛ ɣöö ca jɛ ka̱m döör, kɛ ɣöö bikɛ wec in rɛl rɔ dɔany kɛ päth ti jiɛn ŋuan wi̱cdɛ rɛw.