Mak 13:19 - RUAC KUƆTH IN RƐL RƆ

¹⁹ Kɛ ɣöö ɛn ni̱ni tɔ̱tɔ̱ bɛ tekɛ cuɔ̱c mi di̱i̱t ɛlɔ̱ŋ, mi /ka̱n met nɛn ni tukä ɣɔaa mëë cak Kuoth ɛ amäni täämɛ, kä /cɛ bi lɛ met nyɔk.

Mak 13:19 Iomraidhean Croise

Jiɛth 1:12

“Ɛn nɛmɛ thilɛ mi lotdɛ kä yɛn nɛy ti jäl tɔ̱? Mëtdɛ jɛ guic bɛ, mi tëë kɛ ram mi ci cuuc ce̱tkɛ cuɔ̱c, rikä mi tekɛ ɣä mi, kɛ cäŋ gaak Kuɔth?

Jiɛth 2:13

Ɛŋu mi dëë la̱r ji̱, kä dëë pa̱a̱r kɛ ji̱ lö Jɛ-ru-tha-lɛm? Ɛŋu mi dee lɔcdu jak kä gɔaa lö nya Dha-yɔn? Kä buɔ̱tdu cɛ di̱t ce̱tdɛ nikɛ bäpdiit, thilɛ ram mi bi ji̱ luäŋ kɛ luäk.

Jiɛth 4:6

Duäc nɛɛnikä di̱t ni jɛn kä duäc Thɔ-dɔm, mëë cu da̱k kɛ gua̱a̱th mi tɔt, kä thilɛ ram mi cu jɛ luäk.

Bok Go̱kä ni Da-ni-yel 12:1

“Kɛ jɛn gua̱a̱th ɛ mɔ bi jääk Kuɔth ni Mi-ka-el in la gääŋ nɛɛniku in di̱i̱t rɔ jiɛc. Kä bɛ tekɛ gua̱a̱th pärä mi /ken met tuɔɔk ni mëë ku döör rɔ̱ tok. Duundɛ ɣöö ɛn guäth ɛmɔ ba nɛɛku kän, kɛn nɛy diaal tin ca ciöötkiɛn jek a ca gɔ̱r rɛy buɔk.

Bok Go̱kä ni Da-ni-yel 9:12

Ci ruac ëë ca lat kɛ kui̱da kɛ ruëëckɔ jakä thuɔ̱k, kɛ ɣöö cikɔ nöŋ da̱k ɛ di̱i̱t ɛmɛ. Kɛ ɣöö thilɛ mi ce̱tkɛ nɛmɛ, mi ca lät kä Jɛ-ru-tha-lɛm ɛ, mi ca kɔŋ la̱t wi̱i̱ muɔ̱ɔ̱n.

Bok Go̱kä ni Da-ni-yel 9:26

Kä kɛ kɔr runi ti kur ŋuaan wi̱cdɛ jiɛn diɔ̱k wi̱cdɛ ŋuaan, ba kuäär in ci Kuoth ɛ mɛk näk, kä bɛ thil mi tekɛ jɛ, kä ba wec kɛnɛ luak Kuɔth ben däk ɛ rɛm kua̱r in bi ben. Kä bi guut wec cu ben ce̱tkɛ nyɔc, kä bi ko̱r cu te thi̱n amäni guut. Bɛ cua̱ jɛn da̱k in ca lar.

Yo-el 2:2

Ɛ jɛn cäŋ muɔ̱th wunä mi col, rɛm mi di̱i̱t mi bum a bëëni, cäänɛ jɛ päämni a cɛ ɣɔw kum ɛ dur ce̱tkɛ muth. Thilɛ duɔ̱ɔ̱r mi ci me̱t ce̱tkɛ jɛ ni tukä ɣɔaa, kä /cɛ rɔ bi me̱t nyɔk ri̱cni tɔ̱ bi ben tɔ̱.

Mɛ̈t 24:21

Kɛ ɣöö ɛn guäth ɛmɔ bɛ tekɛ cuɔ̱c mi di̱i̱t, mi ce̱tkɛ mi /ken kɔŋ te thi̱n ni tukä ɣɔaa amäni täämɛ, kä /cɛ rɔ bi met nyɔk kɛ tuɔɔk.

Mak 10:6

Kä ni tuk cäkä ɣɔaa, ci Kuoth naath cak tuut kɛnɛ ŋuɔ̱ɔ̱t.

Mak 13:18

Palɛ Kuoth kɛ ɣöö /ci nɛmɛ bi ben kɛ jiɔam.

Mak 13:20

Kä mi /ken Kuoth ni̱n tɔ̱tɔ̱ jakä kuiy, thilɛ ram kɛl mi dee kään. Kä cɛ ni̱n tɔ̱tɔ̱ jakä kuiy, kɛ kui̱ nɛɛnikɛ ti cɛ mɛk.

Ŋuɔ̱t 28:59

bi Kuoth Nhial ji̱ yɛn karku moc kɛ rik ti te wa̱nɔ kɛnɛ jua̱th ti ci bi thuɔ̱k.

Ŋuɔ̱t 4:32

“Thiecɛ ɛn täämɛ kɛ kui̱ ni̱ni tëë ci wä ni wal, ni ni̱ni tëë cak Kuoth ɛ ni raan wi̱i̱ muɔ̱ɔ̱n. Kä thiec pua̱a̱r a wä peek in dɔ̱ŋ, mi tëë kɛ mi ci kɔn tuɔɔk ce̱tkɛ nɛmɛ, kiɛ ca kɔn mët liŋ.

Nyuuth 7:14

Kä cua jɛ loc i̱, “Kuäär, ŋäc kɛ ji̱n.” Kä cuɛ ɣä jiök i̱, “Ti̱ti̱ kɛ kɛn nɛy tin pay ben raar rɛy rikä min di̱i̱t. Cikɛ bieynikiɛn lak, kä ci kɛn kɛ jakä buɔy kɛ riɛm Ruath Dɛ̈ɛ̈l.