Mak 13:14 - RUAC KUƆTH IN RƐL RƆ

¹⁴ “Mi wä yɛn mi jiääk ɛlɔ̱ŋ mi bi Kuoth ɛ lo̱k nɛn guäth mi /ci mɔ a gua̱a̱thdɛ, (a cup lɔɔc raam mi kuɛɛn nɛmɛ), a nɛy diaal tin cieŋ kä Ju-dia rɔ̱ barkɛ wuɔ̱thni päämni.

Mak 13:14 Iomraidhean Croise

Jiɛth 1:10

Kä ca kuakɛ diaal tin gɔw ka̱n ɛ ji̱ tɛ̈rɛ. Kä cuɛ nɛy ti thil Kuoth nɛn wäkɛ luaak Kuɔthdɛ, guäth in ci Kuoth Nhial jɛ yac ɛn ɣöö cikɛ bi wä thi̱n.

Yɛdh 44:9

“ ‘Kä cu Kuäär ni Kuoth Nhial wee i̱, “Thilɛ juɔ̱r mi /ka̱n cuɛl lɔɔc kɛnɛ puɔ̱ny kä jur diaal tin cieŋ rɛy nɛɛni ji̱ I-thɛ-rɛl mi bi wä rɛy luaakdä.

Bok Go̱kä ni Da-ni-yel 11:31

Kä bɛ rɛm jäkä rɛy luaak Kuɔth ba jɛ wä ya̱r kɛnɛ kuakɛ. Kä bikɛ muc tin la waŋkɛ päl, bikɛ gua̱l ni nyinkiɛn tin jiäk tin nööŋkɛ da̱k guäthdiɛn.

Bok Go̱kä ni Da-ni-yel 12:11

Nikɛ gua̱a̱th in ca wocni muc tin la waŋkɛ, kä ba tin jiäk la̱th guäthdiɛn, ba run ti bathdɔɔr kɛl wi̱cdɛ kur rɛw wi̱cdɛ jiɛn bäŋuan.

Bok Go̱kä ni Da-ni-yel 8:13

Kä cua̱ jääk Kuoth liŋ ruacɛ, kä cu jääk in dɔ̱ŋ jɛ jiök i̱, “A bɛ ku mäni nɛy bi nyuuth ruac kɛ kui̱ mucni tin waŋkɛ kɛnɛ nyuɔɔn in ci da̱k nööŋ, kɛ tho̱p luaak Kuɔth kɛnɛ nyin nhial kɛ ɣöö bakɛ dɔany kɛ ciök?”

Bok Go̱kä ni Da-ni-yel 9:27

Kä jɛn kuäär ɛmɔ, bɛ mat ruac mi bum la̱t kɛ nɛy ti ŋuan kɛ run da̱ŋ bärɔw. Kä kɛ run da̱ŋ diɔ̱k kɛ nuth runi tɔ̱tɔ̱, jɛn bɛ muc tin thöpkɛ kɛnɛ muc tin waŋkɛ ka̱p cuɔ̱ŋ. Kä bɛ gua̱a̱th mucni tɔ̱tɔ̱ guäl kɛ mi jiäk, kä bɛ ti jiäk la̱t amäni mi ci Kuoth ruac ka̱p cuɔ̱ŋ min bi pɛn kä ram in no̱o̱ŋ da̱k.”

Mɛ̈t 13:51

Kä cu yecu ji̱ kɔaarɛ thiec i̱, “Ci mɛmɛ kɛɛliw cop lɔcdun?” Cukɛ jɛ loc i̱, “Cɛ cop lɔɔcda.”

1 Kor 14:20

Dämaari kä nyiemaari, /cuarɛ bi ce̱tkɛ gaat rɛy cärädun, a cär ni yɛn ce̱tkɛ ruɔri rɛy kä mi jiääk, kä duundɛ ɣöö ca̱rɛ ce̱tkɛ nɛy ti di̱t.

Nyuuth 1:3

Puɔ̱th akɛ ram mi kuɛɛn ruaacni go̱o̱kä ti̱ti̱, kä puɔ̱th akɛ nɛy tin cikɛ li̱ŋ, kä kääp min ca gɔ̱a̱r thi̱n, kɛ ɣöö ci gua̱a̱th thia̱k.

Nyuuth 13:18

Kä ciöt ɛmɛ ɛ pɛl, kä ram mi tekɛ ŋäc go̱o̱r pek lɛ̱̈ɛ̱̈, kɛ ɣöö ɛ jɛn pek ran. Pekdɛ ɛ kur bäkɛl wi̱cdɛ jiɛn bäkɛl, wi̱cdɛ bäkɛl.