Mak 13:11 - RUAC KUƆTH IN RƐL RƆ

¹¹ Mi wa yɛ wä yiɛn kä naŋkɛ yɛ luɔ̱k, /cuarɛ diɛɛr kɛ nhiam kɛ min bia lar, latdɛ min ba ka̱m yɛ ɛn guäth ɛmɔ, kɛ ɣöö /ci mɔ a yɛn kɛn tin bi ruac, kä ɛni jɛn Yiëë in Gɔaa in Rɛl Rɔ.

Mak 13:11 Iomraidhean Croise

2 Tham 23:2

“Ci yiëë Kuɔth Nhial ruac kɛ thokdä, te rieetkɛ lɛpdä.

I-ca-yaa 50:4

Ci Kuoth Nhial ɣä ka̱m lɛp ŋi̱i̱cä nath, kɛ ɣöö dëë riet in dëë ram mi cuc jak kä bum ŋa̱c. La ɣä a keerɛ kɛ runwaŋ, la ɣä a jak kä liɛŋä ruac ce̱tnikɛ ram mi ŋi̱eeckɛ.

Mɛ̈t 10:17

Niɛkɛ rɔ̱ kɛ kɛ, kɛ ɣöö bikɛ yɛ naŋ gua̱a̱th luɔ̱k, kä bikɛ yɛ duäc rɛy gua̱thni palikiɛn,

Mak 13:12

Bi raan dämani gɔany li̱th kä bi wutni gaatkiɛn kɔak, kä bi gaat tekɛ tɛ̈r kɛ diëëthkiɛn, kä bi kɛn kɛ jakä li̱w.

Mak 13:9

“Niɛkɛ rɔ̱ kɛ kɛ, kɛ ɣöö bi nɛy tɔ̱tɔ̱ yɛ naŋ guäth luɔ̱ɔ̱kni, kä ba yɛ duäc gua̱th pali ji̱ Juudh. Bia cuɔ̱ŋ nhiam ruëëcni kɛnɛ kua̱r kɛ kui̱ cio̱tädä, ala nyuuth kä kɛ.

Luk 21:12

“Kä a ŋot /ken ti̱ti̱ diaal ni tuɔɔk, ba yɛ yian, kä ba yɛ ciɛŋ a jiäk, ba yɛ gɔny guäth dolä ji̱ Juudh kä ba yɛ naŋ duëli yieenä, kä bikɛ yɛ naŋ nhiam kua̱ri kɛnɛ ruëëc kɛ kui̱ cio̱tädä.

Jɔ̱ɔ̱n 3:27

Cu Jɔ̱ɔ̱n ɛ loc, “Thilɛ mi dee raan ɛ jek, ɛ ni mi ca ka̱m jɛ ni nhial.

Lät Jaakni Yecu 2:4

Kä cu kɛn diaal thia̱a̱ŋ kɛ Yiëë in Gɔaa in Rɛl Rɔ, kä cukɛ ruac kɛ thuk ti kɔ̱kiɛn, kɛ lua̱ŋ in ci Yiëë ɛ ka̱m kɛ.

Lät Jaakni Yecu 3:13

Kuoth gua̱ndɔɔŋnikɔn ni A-bɛ-ram, kɛnɛ Ay-dhɛk kɛ Je-kɔb cɛ läätdɛ ni Yecu ka̱m buɔ̱m, min ci yɛn ɛ thöp kä cia gak nhiam Pay-lɛt, cäŋ ni mëë cɛ go̱r ɛn ɣöö derɛ jɛ lony.

Lät Jaakni Yecu 4:31

Kä mëë cikɛ thuɔ̱k kɛ pal, cuɛ gua̱a̱th ëë ca rɔ̱ dol thi̱n lath. Kä cu kɛn diaal thia̱a̱ŋ kɛ Yiëë in Gɔaa in Rɛl Rɔ, kä cukɛ ruac Kuɔth lat kɛ buɔ̱m lɔaac.

Lät Jaakni Yecu 6:10

Kä /kenkɛ pɛ̈lɛ kɛnɛ Yiëë in ruac kɛ jɛ luäŋ kɛ ruɔ̱t.

Lät Jaakni Yecu 6:15

Kä min guic nɛy diaal tin te guäth luɔ̱k Thi-bɛn cukɛ nhiamdɛ nɛn ce̱tdɛ kɛ nhiam jääkä nhial.

Lät Jaakni Yecu 7:55

Kä cu Thi-bɛn thia̱a̱ŋ kɛ Yiëë in Gɔaa in Rɛl Rɔ, cuɛ nhial guec kä cuɛ buay Kuɔth nɛn, kä te Yecu cuŋä kui̱c cuëëc Kuɔth.

1 Kor 2:13

Kä latnɛ ruac ɛmɛ kɛ rieet ti /ca ŋi̱i̱c kɛ pɛl nath ti ŋi̱eeckɛ kɛ Yiëë, kɛ ɣöö ŋi̱eecnɛ nyin yieekä nɛy tin tekɛ yiëë.

Ji̱ Ɛ-pɛ-thäth 3:5

Kä kɛ gua̱a̱th ëë ci wä /ka̱n raan kɔn nyuɔ̱th tɛ̱̈ɛ̱̈ ɛmɔ. Kä täämɛ ca nyuɔ̱th jaak tin rɛ̈l kɛ rɔ̱ kɛnɛ göök kɛ Yiëë.

Je-mɛth 1:5

Mi tëëkɛ raan kä yɛ mi dak pɛlɛ, a jɛ pal Kuoth in mooc nɛy diaal kɛ tet mi lɔr kɛ tɛ̈th lɔaac, kä ba jɛ ka̱m ji̱.

1 Pit 1:12

Ca jɛ nyuɔ̱th göök tɔ̱tɔ̱ ɛn ɣöö lätkɛ kɛ kui̱dun a /ci mɔ a kui̱diɛn. Cakɛ nyuɔ̱th ŋɔaani tin ca la̱r yɛ täämɛ ɛ kɛn nɛy tin la̱tkɛ yɛ thuk ti gɔw kɛ Yiëë in Gɔaa in Rɛl Rɔ, min ca ja̱k ni nhial. Kɛ kɛn ŋɔaani tin go̱o̱r ja̱a̱k nhial ɣöö bikɛ kɛ nɛn.