Mak 12:26 - RUAC KUƆTH IN RƐL RƆ

²⁶ Kä kɛ kui̱ ruac jiecä nath li̱th, /ka̱nɛ ruac kuɛn rɛy warɛgakä Muthɛ, kä gua̱a̱th ëë waŋ butbut thi̱n, ɛn ɣöö ci Kuoth ɛ lar i̱, ‘Ɛ ɣän Kuoth A-bɛ-ram, kä ɛ ɣän Kuoth Ay-dhɛk, kä ɛ ɣän Kuoth Je-kɔb’?

Mak 12:26 Iomraidhean Croise

Tuk Cäkä Ɣɔaa 26:24

Ni kɛ jɛn wäär ɛmɔ, cu Kuoth Nhial rɔ nyuɔ̱th jɛ kɛ la̱k wëë i̱, “Ɛ ɣän Kuoth guur ni A-bɛ-ram. /Cu dual, kɛ ɣöö ɣän ta̱a̱ kɛɛl kɛ ji̱. Ɣän bä ji̱ poth kä bä ji̱ moc kɛ gaat ti ŋuan kɛ kui̱ jäŋädä ni A-bɛ-ram.”

Tuk Cäkä Ɣɔaa 28:13

Kä cuɛ Kuoth Nhial nɛn tëë cuŋä wi̱i̱ ko̱o̱tdä, kä cu Kuoth ɛ jiök i̱, “Ɛ ɣän Kuoth Nhial in la Kuoth guur ni A-bɛ-ram kä Kuoth Ay-dhɛk bä. Ɣän bä mun ɛ ti̱i̱ tɔ̱ɔ̱cä thi̱n ɛ ka̱m ji̱ yɛnɛ kuayku.

Tuk Cäkä Ɣɔaa 31:42

Duŋ thil ni ɣöö ci Kuoth gua̱a̱r te kɛɛl kɛ ɣä, jɛn Kuoth A-bɛ-ram, Kuoth in luth Ay-dhɛk ni jɛ, ɛn täämɛ guɛcä jɛ de̱ri ɣä jak kä wä ni lɔrä a thil mi kämi ɣä. Kä min te ni jɛn thi̱n, ci Kuoth cuɔ̱cdä nɛn kɛnɛ la̱t in bum in cä la̱t, kä cɛ ji̱ cu luek thiaaŋ.”

Tuk Cäkä Ɣɔaa 32:9

Cuɛ cu pal wëë i̱, “Aɣ Kuoth Nhial, Kuoth gua̱a̱dɔɔŋ ni A-bɛ-ram, Kuoth gua̱a̱r ni Ay-dhɛk, ji̱n Kuoth ëë jio̱k ɣä i̱, ‘Locni ro̱o̱lu kɛnɛ watku kä bä nyinku diaal jak kä ro̱ŋ,’

Tuk Cäkä Ɣɔaa 33:20

Cuɛ yi̱k täth thi̱n mi cuɛ cɔl i̱ Ɛl-ɛ-loy-I-thɛ-rɛl. (Min lot ni ɣöö Kuoth in la Kuoth I-thɛ-rɛl.)

Ɣöth 3:16

Wër, rol di̱t I-thɛ-rɛl guäth kɛl, kä jio̱kni kɛ i̱, ‘Ci Kuoth Nhial Kuoth guuri, Kuoth A-bɛ-ram, Kuoth Ay-dhɛk, Kuoth Je-kɔb rɔɔdɛ nyuɔ̱th ɣä, wëë i̱, ɣän cä yɛ nɛn amäni kɛn tin la̱tkɛ kä yɛ ɛ ji̱ I-jëp.

Mak 12:10

/Ka̱nɛ ruac ɛmɛ kuɛn i̱, ‘Päm ëë ca lo̱k ɛ ta̱a̱th duëli, Ɛ jɛn ci ben a päm gɔŋtɔtdä mɔ.

Mak 12:25

Kɛ ɣöö mi wäkɛ wä jiɛɛn li̱th, /ci raan bi kuɛɛn kä /ca nyal bi kuɛn, kɛ ɣöö bikɛ ce̱t kɛ ja̱a̱k Kuɔth nhial.

Luk 20:37

Kä ci Muthɛ jɛ nyoth a jɔc, ɛn ɣöö jiɛc nɛy ti ci li̱w rɔ̱ li̱th. Cäät buɔ̱t buɔ̱ɔ̱t ëë waŋ, cɛ ruac thi̱n kɛ kui̱ Kua̱r ni Kuoth i̱, ‘Kuoth A-bɛ-ram, Kuoth Ay-dhɛk, Kuoth Je-kɔb.’

Jɔ̱ɔ̱n 20:17

Cu Yecu jɛ jiök i̱, “/Cu ɣä gueer, kɛ ɣöö ŋuɔtdä /ka̱n ni wä nhial kä Gua̱a̱r. Duundɛ ɣöö wër jio̱kni dämaari i̱, ‘Ɣän wa̱a̱ nhial kä Gua̱a̱r in la Guurun, kä Kuothdä min la Kuothdun.’ ”

Ji̱ Röm 11:2

/Ken Kuoth nɛɛkɛ tëë cɛ mɛk ni wal ɣer. Kui̱c yɛn min ci ruac Kuɔth ɛ lar kɛ kui̱ E-li-yaa, ɛn ɣöö cɛ Kuoth pal kɛ kui̱ ji̱ I-thɛ-rɛl?