Mak 12:17 - RUAC KUƆTH IN RƐL RƆ

¹⁷ Kä cu Yecu kɛ jiök i̱, “Ka̱mɛ Thii-thɛr tin la nyin Thii-thɛr, kä ka̱mɛ Kuoth tin la nyin Kuɔth.” Kä cukɛ ga̱a̱c ɛlɔ̱ŋ kɛ jɛ.

Mak 12:17 Iomraidhean Croise

Ruac Pɛli 23:26

Gatdä käm ni ɣä lɔcdu, kä tit dupkä.

Ruac Pɛli 24:21

Gatdä luthni Kuoth Nhial kɛnɛ kuäär, kä /cu tekɛ ram mi /ci bi luɔ̱th.

Mɛ̈l 1:6

Kä cu Kuoth Nhial in la Ruey Ɣɔaa in leny buɔ̱mdɛ ti diaal bööth palä jiök i̱, “La gat gua̱n a luth, kä la läät kuäärɛ a luth. Kä mi ɛ ɣän gua̱n nath luthdä kula nikä? Kä mi ɛ ɣän kuäär, luthdä kula nikä? Cia ciötdä yia̱r, kä laar yɛnɛ i̱, ‘Cakɔ ciötdu yia̱r i̱di?’

Mɛ̈t 22:21

Cukɛ wee i̱, “Ɛ Thii-thɛr.” Kä cuɛ kɛ jiök i̱, “Kɛ kui̱ ɛmɔ ka̱mɛ Thii-thɛr tin la nyin Thii-thɛr, kä ka̱mɛ Kuoth tin la nyin Kuɔth.”

Mɛ̈t 22:22

Mëë cikɛ jɛ liŋ, cukɛ ga̱a̱c ɛlɔ̱ŋ, cukɛ jɛ ba̱ny piny, kä cukɛ wä.

Mɛ̈t 22:33

Kä mëë ci buɔ̱n nath ɛ liŋ, cukɛ ga̱a̱c kɛ ŋi̱i̱cdɛ.

Mɛ̈t 22:46

Kä cuɛ thil ram mi cu jɛ luɔ̱c riet. Kä ɛn cäŋɔ cuɛ thil ram mi cu jɛ ɣɔ̱n i̱ thiecɛ jɛ kɛ thiecni kɔ̱kiɛn.

Mɛ̈t 8:10

Mëë ci Yecu jɛ liŋ, cuɛ ga̱a̱c ɛlɔ̱ŋ, kä cuɛ jɛ la̱r nɛy tin guɔ̱ɔ̱rkɛ jɛ i̱, “Ɛpuc, ɣän la̱rä jɛ yɛ, amäni rɛy I-thɛ-rɛl, /ka̱n ŋa̱th mi di̱i̱t mi ce̱tkɛ mɛmɛ met jek.

Mak 12:16

Cukɛ jɛ nöŋ yiëëth, kä cuɛ kɛ thiec i̱, “Ɛ wi̱c kɛnɛ ciöt ŋa ɛn ca gɔ̱a̱r thi̱n ɔ?” Cukɛ jɛ loc i̱, “Ɛ wi̱c Thii-thɛr.”

Mak 12:30

kä bi Kuäär ni Kuothdu nhɔk kɛ lɔcdu kɛɛliw, kɛ tieydu kɛɛliw, kɛ ca̱ru kɛɛliw, kɛ buɔ̱mdu kɛɛliw.’

Luk 20:25

Cuɛ kɛ jiök i̱, “Kä ka̱mɛ Thii-thɛr tin la nyin Thii-thɛr, kä ka̱mɛ Kuoth tin la nyin Kuɔth.”

Ji̱ Röm 12:1

Kɛ kui̱ ɛmɔ, dämaari, la̱ŋä yɛ kɛ kɔ̱a̱c lɔaac Kuɔth, ɛn ɣöö thöpɛ rɔ̱, Kuɔth ala muc ti tëk, ala ti rɛ̈lkɛ rɔ̱, kä nhɔk Kuoth kɛ, min la duɔ̱ɔ̱p palä yieenikun in thuɔ̱k.

Ji̱ Röm 13:7

Ka̱mɛ kua̱r diaal tin la nyinkiɛn, a tho̱lbo̱k wä kä tin görkɛ tho̱lbo̱k, dualɛ kɛ tin ro̱ŋ kɛ dual, kä luɔ̱thɛ nɛy tin dëë luɔ̱th.

Ji̱ Röm 6:13

/Cuarɛ cuɔ̱ɔ̱ŋ pua̱nynikun käm duer kɛ kui̱ kä mi jiääk, kä ka̱mɛ rɔ̱ Kuoth ce̱tkɛ nɛy ti ca luɔ̱c jɔk li̱th, no̱o̱ŋdiɛn teekä, kä ka̱mɛ cuŋ pua̱nynikun Kuoth kɛ kui̱ cuŋni.

1 Pit 2:17

Luɔ̱thɛ nɛy diaal. Nhɔakɛ dämuɔɔri tin la ji̱ ŋäthä. Dualɛ kɛ Kuoth. Luɔ̱thɛ kuäär in di̱i̱t.