Mak 12:12 - RUAC KUƆTH IN RƐL RƆ

¹² Kä cukɛ käpdɛ go̱r kɛ ɣöö cikɛ jɛ mir ɛn ɣöö latdɛ cäät ɛmɛ kɛ kui̱diɛn, kä duundɛ ɣöö cukɛ dual kɛ buɔ̱n. Kä ɛnɔ cukɛ jɛ ba̱ny piny cukɛ jiɛɛn.

Mak 12:12 Iomraidhean Croise

Mɛ̈t 21:26

Kä mi wanɛ wee i̱, ‘Bëë kä naath,’ dual kɔn kɛ naath kɛ ɣöö ŋääth kɛn diaal ɛ, ɛn ɣöö Jɔ̱ɔ̱n ɛ gök.”

Mɛ̈t 22:22

Mëë cikɛ jɛ liŋ, cukɛ ga̱a̱c ɛlɔ̱ŋ, cukɛ jɛ ba̱ny piny, kä cukɛ wä.

Mak 11:18

Kä min ci bööth palä tin di̱t kɛnɛ ji̱ gɔ̱rkä jɛ liŋ, kä görkɛ ca̱p mi dëë näk ni jɛ, kä dualkɛ kɛ jɛ, kɛ ɣöö ci nɛy diaal ga̱a̱c kɛ ŋi̱i̱cdɛ.

Mak 11:32

Kä mi wä kɔn ɛ lar i̱, ‘Ɛ duŋ nath’?” Kä dualkɛ kɛ naath, kɛ ɣöö ci nɛy diaal ɛ ŋäth ɛn ɣöö Jɔ̱ɔ̱n ɛ gök.

Luk 20:19

Kä mëë ci ji̱ gɔ̱rä kɛnɛ bööth palä tin di̱t jɛ ŋa̱c ɛn ɣöö ci Yecu ruac cäätdä nɛmɛ lat kɛ kui̱diɛn. Cukɛ jɛ go̱r ɛn ɣöö deekɛ jɛ käp ɛn guäth ɛmɔ, kä duundɛ ɣöö cukɛ dual kɛ naath.

Luk 20:6

Kä mi larnɛ jɛ i̱, ‘Bëë kä naath’, bi nɛy diaal kɔn bök, kɛ ɣöö ci kɛn ɛ ŋa̱c i̱ Jɔ̱ɔ̱n ɛ gök.”

Jɔ̱ɔ̱n 7:25

Kä täämɛ cu tha̱a̱ŋ ji̱ Jɛ-ru-tha-lɛm wee i̱, “Ram ɛmɛ /ciɛ jɛn ram min görkɛ näkdɛ?

Jɔ̱ɔ̱n 7:30

Kɛ kui̱c ɛmɔ cukɛ käpdɛ go̱r, kä cuɛ thil ram mi cu jɛ guëër, kɛ ɣöö ŋot gua̱a̱thdɛ /kenɛ ni cop.

Jɔ̱ɔ̱n 7:44

Go̱o̱r tha̱a̱ŋ nath ɣöö ba jɛ käp, kä cuɛ thil ram mi cu jɛ guëër.