Mak 10:34 - RUAC KUƆTH IN RƐL RƆ

³⁴ Kä bi kɛn ɛ yak, kä bikɛ jɛ ŋul kä ruɛy, kä ba jɛ duäc kɛ waat, kä bikɛ jɛ näk. Kä kɛ kɔr ni̱ni da̱ŋ diɔ̱k bɛ rɔ jiɛc li̱th.”

Mak 10:34 Iomraidhean Croise

I-yob 30:10

Ci kɛn ɣä cany, kä cikɛ rɔ̱ nɔa̱a̱n kɛ ɣä, kä /cikɛ dual kɛ ɣöö ŋuɔ̱lkɛ ɣä ruɛy.

Diit 16:10

Kɛ ɣöö /ci ɣä bi pa̱l kɔ̱kä kunyä, kä /ci raan ŋäthädu bi jak kä dhiap.

Diit 22:13

Cikɛ thukiɛn lëp ɣööŋ kɛ ɣä, ce̱tnikɛ lony mi bur mi näk buɔth ɛ.

I-ca-yaa 50:6

Cä riet ni jɔkdä nɛy tin dua̱ckɛ ɣä, kä cä jio̱mdä ka̱m nɛy tin thötkɛ mi̱em ti̱ek, ɣän /ka̱n nhiamdä tɛ̱̈ɛ̱̈ kä ɣöö ba ɣä yɔŋ kɛnɛ ɣöö ba ŋul ruɛy.

I-ca-yaa 53:3

Jɛn nyiɛrkɛ jɛ kä lökɛ jɛ ɛ nɛy tin kɔ̱ŋ, ɛ ram mi ruutni cuɔ̱c kä ɛ gua̱n rikä, jɛn ɛ ram mi tey nɛy tin kɔ̱ŋ nhiamdiɛn kɛ jɛ, lökɛ jɛ kä thilɛ ram mi caar jɛ i̱, ɛ duɔ̱ɔ̱r.

Ɣocä 6:2

Kä kɛ kɔr ni̱ni da̱ŋ rɛw bɛ kɔn ben tëk, kɛ cäŋ in diɔ̱ɔ̱kdiɛn bɛ kɔn ben jiɛc kä banɛ cu tëk nhiamdɛ.

Mɛ̈t 16:21

Kɛ jɛn gua̱a̱th ɛmɔ cu Yecu ɛ tok kɛ mi nyuthɛ ji̱ kɔaarɛ, ɣöö bɛ rɔ dhil kɛ wä kä Jɛ-ru-tha-lɛm, kä bɛ ti bɛ̈c bɛ̈ɛ̈c ti ŋuan wä rut kä di̱t ji̱ Juudh kɛnɛ bööth palä tin di̱t amäni ji̱ gɔ̱rä, kä ba jɛ näk, kä ba jɛ jiɛc li̱th kɛ diɔ̱ɔ̱k ni̱ni.

Mɛ̈t 26:67

Kä cukɛ nhiamdɛ ŋul kä ruɛy, kä pi̱emkɛ jɛ, kä pät tha̱a̱ŋkiɛn ɛ,

Mɛ̈t 27:63

cukɛ wee i̱, “Kuäär, kɔn cakɛ mëë ci gua̱n kacä ɛmɔ jɛ lat tim mëë ŋotdɛ kɛ tëk i̱, ‘Kɛ kɔr ni̱ni da̱ŋ diɔ̱k, ɣän bä rɔ jiɛc li̱th.’

Mak 14:63

Cu bo̱o̱th palä in di̱i̱t bieynikɛ rɛ̈t, kä cuɛ wee i̱, “Ɛŋu lɛ̈nɛ go̱r nëën kɔ̱kiɛn ɔ?

Mak 14:65

Kä cu tha̱a̱ŋkiɛn ɛ tok kɛ mi ŋuɔ̱lkɛ nhiamdɛ kä ruɛy. Cukɛ nyinkɛ kum kɛ bi̱i̱, kä pi̱emkɛ jɛ, jio̱k kɛn ɛ i̱, “Mar ram ɔ ci ji̱ pi̱m ɔ!” Cu yiëën jɛ naŋ, kä cukɛ jɛ pi̱em.

Mak 9:31

kɛ ɣöö ŋi̱i̱cɛ ji̱ kɔaarɛ, jio̱kɛ kɛ i̱, “Ba Gat Ran kɔak tetni nath, kä bikɛ jɛ näk, kä mi ca jɛ näk bɛ rɔ nyɔk kɛ jiɛɛn li̱th kɛ kɔr ni̱ni da̱ŋ diɔ̱k.”

Luk 23:11

Cu mäni Ɣɛ-rod kɛnɛ lathkëërikɛ cukɛ jɛ la̱t a jiäk, kä cukɛ jɛ buy. Cua jɛ jäk kä jɔk kä Pay-lɛt a ca jɛ rony kɛ bi̱i̱ mi gɔaa.

Jɔ̱ɔ̱n 1:17

Kɛ ɣöö ci Kuoth ŋuɔ̱t ŋun kɛ Muthɛ, kä bä puɔ̱th kɛnɛ thuɔ̱k kɛ Yecu Kritho.

Jɔ̱ɔ̱n 2:10

Kä cu gua̱n bo̱thni jɛ jiök i̱, “La nɛy diaal kɔaŋ dɛɛni wal ti gɔw a käm naath kɛ nhiam, kä mëë ci naath diaal ku maath a com, ba kɔaaŋ ti ba̱l ba̱a̱l nööŋ kɔɔr, kä cu ji̱n kɔaaŋ ti gɔw gän amäni täämɛ.”

1 Kor 15:4

cua jɛ kony, kä ca jɛ jiɛc li̱th kɛ diɔ̱ɔ̱k ni̱ni, ce̱tkɛ mi ca gɔ̱r rɛy ruaacni Kuɔth,