Mak 10:30 - RUAC KUƆTH IN RƐL RƆ

³⁰ mi /ci rëpdiɛn ti kuɔ̱r bi jek ɛn täämɛ. Jɛn bɛ rëëp duëli ti kuɔ̱r, kɛnɛ dämani, kɛ nyimani, kɛ man, kɛnɛ gaat amäni ka̱a̱k jek, a cäŋ tëëkɛ rik. Kä bɛ tëk in do̱raar jek kɛ gua̱a̱th ɔ bëë ɔ.

Mak 10:30 Iomraidhean Croise

2 Kuɛ̈n 25:9

Kä cu Ä-mä-dhi-ya gök Kuɔth jiök i̱, “Kä ɛŋu mi bakɔ ku lɛ la̱t kɛ kui̱ ki̱luni cikä min bo̱r ti bathdɔɔri diɔ̱k wi̱cdɛ kur ŋuaan tin ca ka̱m ji̱ thuk duëli kuec caam?” Kä cu gök Kuɔth ɛ loc i̱, “Te Kuoth Nhial kɛ lua̱ŋ mi derɛ moc ni ji̱ ti ŋuan nikɛn kä nɛmɛ.”

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

Ruac Pɛli 16:16

Kä jekdu kɛ pɛlä gɔaa ni jɛn kä da̱a̱p, kä ŋäc ŋɔaani gɔaa ni jɛn kä ciɛk in bo̱r.

Mɛ̈l 3:10

Nööŋɛ wa̱l wa̱a̱li diaal duëël tɔ̱wä, kɛ ɣöö dee mi̱eth te rɛy luaakdä, ɣɔ̱a̱nɛ ɣä, mi/cä wernyini nhial bi lɛp a bä yɛ wuɔ̱c ti ŋuan ti gɔw nun, ruac ni ɣän Kuoth Nhial in la Ruey Ɣɔaa.

Mɛ̈t 12:32

Kä ram mi ruac a jiäk kɛ Gat Ran ba jɛ pälikä, kä ram mi ruac a jiäk kɛ Yiëë in Gɔaa in Rɛl Rɔ /ca jɛ bi pälikä, ɛn täämɛ kiɛ amäni cäŋ kɛl.”

Mɛ̈t 13:8

Cu tha̱a̱ŋkiɛn pɛn muun mi gɔaa, kä cukɛ tekɛ wuɔ̱th ti gɔw cu tha̱a̱ŋkiɛn rɔ̱ rep nikä kuɔ̱r, kä cu tin kɔ̱ŋ rɔ̱ rep nikɛ jiɛn bäkɛl, kä cu tha̱a̱ŋkiɛn rɔ̱ rep nikɛ jiɛn diɔ̱k.

Mɛ̈t 6:33

Kɔanɛ go̱r ni ciaŋ kuäärä Kuɔth kɛnɛ cuŋkɛ, kä ba ti̱ti̱ diaal ma̱t yɛ bä.

Luk 18:30

mi /ci ti ŋuan bi jek ɛn täämɛ, kɛnɛ tëk in do̱raar kɛ gua̱a̱th ɛ bi beni.”

Jɔ̱ɔ̱n 10:23

Kä wä Yecu rɛy luaak Kuɔth kɛ yacɛ Thɔ-lo-mon.

Lät Jaakni Yecu 14:22

Ɛn wi̱ni cukɛ ji̱ kɔaar Yecu bum, kä cuɛ kɛ com kɛ ɣöö bikɛ wä nhiam rɛy ŋäthä, wäkɛ i̱, “Ɛ ciaaŋ jiääk ɛn ni̱n banɛ wä rɛy kuäärä Kuɔth kɛ jɛ.”

Lät Jaakni Yecu 16:25

Kä kɛ gua̱a̱th wa̱rda̱a̱r cu Puɔl kɛnɛ Thay-läth pal kä kietkɛ Kuoth diit, kä liŋ ji̱ yieenä tin kɔ̱ŋ kɛ.

Lät Jaakni Yecu 5:41

Kä min ca gua̱a̱th luɔ̱k ba̱ny piny, cu lo̱ckiɛn tɛɛth kɛ ɣöö cakɛ car i̱ ro̱ŋkɛ kɛ ruɔ̱t yaakä kɛ kui̱ cio̱tdä Yecu.

Ji̱ Röm 5:3

Min di̱t ni jɛn, ɛ tɛ̈th lɔaacdan rɛy cucädan kɛ ɣöö ŋa̱cnɛ jɛ cuɔ̱c no̱o̱ŋɛ ruɔ̱t,

Ji̱ Röm 6:23

Kɛ ɣöö pek la̱t duerä ɛ lia̱a̱, kä muc Kuɔth baaŋ ɛ tëk mi do̱raar rɛy Kritho Yecu Kuääran.

2 Kor 6:10

ciaŋkɛ kɔ ce̱tkɛ nɛy ti jiɛth lo̱ckiɛn, kä tɛth lo̱ckɔ ni ciaŋ, ce̱tkɛ nɛy ti can, kä ŋotdɛ ria̱ŋkɔ nɛy ti ŋuan, kä ce̱tkɛ nɛy ti thil ŋu, kä ŋotdɛ ta̱kɔ kɛ ti diaal.

Ji̱ Pi-li-pi 3:8

Ɛpuc, ɣän caarä ŋɔak diaal ce̱tkɛ ti ci bath kɛ kui̱ gɔɔyä ŋäcä Yecu Kritho Kuäärä. Kɛ kui̱dɛ cä ŋɔaani diaal bath, kä caarä kɛ ce̱tkɛ kɛ nuɔɔr kɛ ɣöö dëë Kritho jek,

2 Thɛ 2:16

Täämɛ a Kuääran ni Yecu Kritho puɔ̱nydɛ kɛnɛ Kuoth in la Gua̱a̱ra min nhɔk kɔn kä kɛ puɔ̱th cɛ kɔn ka̱m cuum mi do̱raar kɛnɛ ŋa̱th mi gɔaa,

1 Tim 4:8

Kɛ ɣöö yɔ̱k pua̱ny tëëkɛ luɔt, kä lät Kuɔth ikä te ni jɛn kɛ luɔt kä ti diaal, kɛ ɣöö no̱ŋɛ ji̱ puɔ̱th rɛy teekä ɛmɛ kɛnɛ tëk in bi ben bä.

1 Tim 6:6

Kɛ thuɔ̱k, lätni Kuɔth ikä no̱o̱ŋɛ ria̱ŋ, mi canɛ ro̱ŋ kɛ tin tekɛ kɔn.

Je-mɛth 1:12

Puɔ̱th akɛ ram mi ci ɣɔ̱ɔ̱n rut, kɛ ɣöö mi cɛ ɣɔ̱ndɛ luäŋ, bɛ muc teekä min cɛ lar ka̱m nɛy tin nhɔakɛ jɛ.

Je-mɛth 5:11

Ɛ puc cɔɔl kɔn kɛ i̱ ti ca poth kɛn nɛy tin tekɛ dhi̱eel. Cia dhi̱eel I-yob liŋ, kä cia ca̱p Kua̱r ni Kuoth nɛn, ɛn ɣöö Kuäär gɔaaɛ kä kɔ̱c lɔcdɛ.

1 Jɔ̱ɔ̱n 2:25

Kä min cɛ la̱r kɔn, ɛ tëk mi thil pek.

1 Jɔ̱ɔ̱n 3:1

Nɛ̈nɛ jɛ, ɛ nhök mi te i̱di ci Gua̱a̱r in te nhial ɛ nhɔk ni kɔn ɛ, a cɔalkɛ kɔn i̱ gaat Kuɔth. Kä kɛ kɛn gaatkɛ. Luɔt kä min kui̱c ɣɔw ɛ ni kɔn ɛ jɛn ɣöö kui̱ ɣɔw ɛ.

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.

Nyuuth 3:18

Kɛ kui̱ ɛmɔ ɣän cuɔmä ji̱ ɛn ɣöö bi da̱a̱p mi ca jakä lɛy lɛy kɛ mac kɔk kä ɣä, kɛ ɣöö deri ria̱ŋ. Kɛnɛ bieyni ti bo̱o̱r, kɛ ɣöö bi rɔ rony kɛ kɛ, kɛ ɣöö bi rɔ kum kä ta̱a̱ juutädu in no̱ŋ ji̱ pöc. Kä bi wäl mi yi̱ri nyinku kɔk kɛ ɣöö deri nën.