Mak 10:17 - RUAC KUƆTH IN RƐL RƆ

¹⁷ Täämɛ min tɛthɛ piny wëë jälɛ, cu wut riŋ kä jɛ, kä cuɛ rɔ ka̱m mua̱a̱l nhiamdɛ, cuɛ jɛ thiec i̱, “Ŋi̱i̱c in gɔaa, ɛŋu bä yi̱k la̱t ɔ, kɛ ɣöö bä tëk mi do̱raar jek?”

Mak 10:17 Iomraidhean Croise

Bok Go̱kä ni Da-ni-yel 6:10

Kä mëë ci Da-ni-yel ɛ ŋa̱c ɛn ɣöö ca warɛgak thany, cuɛ wä dhɔrɛ duëël in te nhial min lɛp wernyinikɛ rɔ̱ peek Jɛ-ru-tha-lɛm. La kämɛ rɔ mua̱a̱l palɛ Kuothdɛ ni kä diɔ̱ɔ̱k kɛ cäŋ kɛl, liakɛ Kuothdɛ ce̱tnikɛ mëë la lätdɛ ni wen.

Mɛ̈t 17:14

Mëë cikɛ luny kä buɔ̱n, cu ram kɛl ben, kä cuɛ rɔ ka̱m mua̱a̱l nhiam Yecu,

Mɛ̈t 25:34

Kä bi Kuäär nɛy tin te cueecdɛ jiök i̱, ‘Bia, lö nɛy tin ca poth ɛ Gua̱a̱r, ka̱nɛ nyin kuäärä tëë ca rialikä kɛ kui̱dun ni tukä ɣɔaa.

Mɛ̈t 28:8

Kä inɔ cukɛ jiɛɛn kɛ pɛ̈th guäth kunyä, kɛ dual kɛnɛ tɛ̈th lɔaac mi di̱i̱t, kä cukɛ riŋ kɛ ɣöö bikɛ jɛ wä la̱r ji̱ kɔaarɛ.

Mak 1:40

Kä cu ram mi tekɛ dhɔp ben kä jɛ, läŋɛ jɛ, kä kämɛ rɔ mua̱a̱l nhiamdɛ, wëë i̱, “Mi nhɔki jɛ, deri puɔ̱nydä jakä gɔaa.”

Mak 10:18

Kä cu Yecu jɛ jiök i̱, “Ɛŋu cɔɔli ɣä i̱ mi gɔaa ɔ? Thilɛ ram mi gɔaa, ɛ ni Kuoth kärɔa.

Mak 12:14

Mëë cikɛ ben, cukɛ jɛ jiök i̱, “Ŋi̱i̱c, ŋa̱ckɔ jɛ ɛn ɣöö ɛ ji̱n gua̱n thukä kä /ci riɛk kɛ raan. Kä ciɛŋi nɛy diaal a päär, kɛ ɣöö nyuthi naath ruac Kuɔth kɛ thuɔ̱k. Gɔaaɛ ɛn ɣöö ba Thii-thɛr luɔ̱ny tho̱lbo̱k, kiɛ /cɛ gɔaa?

Mak 9:25

Kä min ci Yecu jɛ nɛn ɛn ɣöö bä buɔ̱n kɛɛl kɛ wuɔ̱ɔ̱r, cuɛ yiëë in jiääk luek, jio̱kɛ jɛ i̱, “Ji̱n, yiëë in ci dho̱o̱l ɛmɛ pën ruac kɛnɛ li̱eŋ, ɣän la̱tdä ji̱ ruac, bër raar puɔ̱nydɛ, kä /cu rɔɔdu nyɔk kɛ loc kä jɛ!”

Luk 10:25

Kä cu ram mi bo̱o̱th ŋuɔ̱tni rɔ jiɛc kɛ ɣöö bɛ Yecu ɣɔ̱n. Kä cuɛ wee i̱, “Ŋi̱i̱c, ɛŋu mi bä la̱t kɛ ɣöö bä tëk mi do̱raar jek?”

Jɔ̱ɔ̱n 3:2

Cuɛ ben kä Yecu kɛ wäär, cuɛ wee i̱, “Ŋi̱i̱c, ŋa̱ckɔ jɛ ɛn ɣöö ɛ ji̱n ŋi̱i̱c mi bëë ni kä Kuoth, kɛ ɣöö thilɛ ram mi dee lätdi ga̱ykɛ naath ti lätdi ti la̱t, ɛ ni mi te Kuoth kɛɛl kɛ jɛ.”

Jɔ̱ɔ̱n 5:39

“Go̱o̱rɛ yɛn Ruac Kuɔth in Rɛl Rɔ, kɛ ɣöö caar yɛn ɛ i̱ rɛydɛ te yɛn kɛ tëk mi do̱raar, kä kɛ jɛn min lat ruac nenä kɛ kui̱dä.

Jɔ̱ɔ̱n 6:40

Kä mɛmɛ ɛ jɛn ruac Gua̱a̱r, ɛn ɣöö nɛy diaal tin ca Gat nɛn, kä ŋa̱thkɛ jɛ, tekɛ kɛ tëk mi thil pek. Kä bäkɛ jiɛc li̱th kɛ cäŋ guutdä ɣɔaa.”

Lät Jaakni Yecu 16:30

Cuɛ kɛ nööŋ raar kä cuɛ wee i̱, “Kua̱r, ɛŋu mi bä dhil kɛ la̱t kɛ ɣöö bä kään?”

Lät Jaakni Yecu 2:37

Täämɛ mëë ci naath ruac ɛmɛ liŋ, cu lo̱ckiɛn ŋɛ̈p, kä cukɛ Pi-tɔr kɛnɛ jaak tin kɔ̱kiɛn jiök i̱, “Dämaari, kɔn bakɔ ŋu la̱t?”

Lät Jaakni Yecu 20:32

Kä täämɛ kuëŋä yɛ tetdä Kuɔth kɛnɛ ruac puthädɛ, min tekɛ lua̱ŋ kɛ no̱o̱ŋdun nhial, kɛnɛ muɔ̱cdun kɛ puɔ̱th rɛy nɛɛni diaal tin ca lɛy.

Lät Jaakni Yecu 9:6

Kä duundɛ ɣöö jiɛc rɔ kä wër rɛy wec, kä ba ji̱ wä la̱r min bi la̱t.”

Ji̱ Röm 2:7

Kä nɛy tin la̱tkɛ ni gɔy kä görkɛ ni buay kɛnɛ luth, a thil pek, bi Kuoth kɛ ka̱m tëk mi do̱raar.

Ji̱ Röm 6:23

Kɛ ɣöö pek la̱t duerä ɛ lia̱a̱, kä muc Kuɔth baaŋ ɛ tëk mi do̱raar rɛy Kritho Yecu Kuääran.

Ji̱ Ɛ-pɛ-thäth 1:18

Kä ɣän thiëcä ɛn ɣöö bia jɛ ŋa̱c kɛ lo̱ckun kɛ ɣöö bi yɛn ŋa̱th in cɛ yɛ cɔal thi̱n ŋa̱c, kɛnɛ ria̱ŋ puthä min ci Kuoth ɛ la̱r nɛy tin cɛ lɛy,

Tay-täth 3:7

kɛ ɣöö ba kɔn moc cuɔ̱ɔ̱ŋ kɛ puɔ̱thdɛ, kä banɛ a dieel gɔaal kɛ kui̱ ŋäthä teekä mi do̱raar.

Ji̱ Ɣi-bɛ-ru 1:14

Kä /ci ja̱a̱k diaal a yiey ti la̱tkɛ Kuoth ikä kä ja̱kɛ kɛ, kɛ kui̱ lua̱k nɛɛni tin ba ka̱n jek?

1 Pit 1:4

Kä ɛn täämɛ ŋa̱thnɛ puth tin tekɛ Kuoth kɛ kui̱ nɛɛnikɛ. Kɛn puth ɛ tɔ̱ ci Kuoth kɛ tɔ̱w kɛ kui̱dun nhial guäth in /cikɛ bi kɛɛth kä /cikɛ bi jiääk kä /ci gɔɔydiɛn bi jiääk thi̱n.

1 Jɔ̱ɔ̱n 2:25

Kä min cɛ la̱r kɔn, ɛ tëk mi thil pek.