Mak 10:1 - RUAC KUƆTH IN RƐL RƆ

¹ Cu Yecu jiɛɛn guäth ɛmɔ, kä cuɛ wä ro̱o̱l Ju-dia amäni kui̱c Jɔr-dɛn, kä cu nɛy ti ŋuan rɔ̱ nyɔk kɛ duɔ̱l gëëknikɛ, kä cuɛ kɛ nyɔk kɛ ŋi̱i̱c ce̱tkɛ ciaaŋdɛ mëë wen.

Mak 10:1 Iomraidhean Croise

Ŋi̱i̱c 12:9

Kä ŋi̱i̱c /ci duŋdɛ a pɛl kä rɔa, cuɛ naath nyuɔ̱ɔ̱th kɛ ŋäc ŋɔaani ti cɛ luɔtdiɛn gɔ̱r kä cuɛ nyin ŋi̱i̱cä rialikä ni kuurä.

Bok Go̱kä ni Yir-mɛ-yaa 32:33

Kä cikɛ ɣä riet ni jɔkdiɛn a /ci mɔ nhiamdiɛn, cäŋ ŋi̱eecä kɛ ni ciaŋ bä, lo̱k ɛn ɣöö bikɛ jɛ liŋ.

Mɛ̈t 26:55

Kä ni ɛn guäth ɛmɔ cu Yecu buɔ̱n jiök i̱, “Bä yɛn raar kɛ thɛpni kɛnɛ kɛtni, kɛ ɣöö bia ɣä käp ce̱tkɛ mi lapä määc nath? Ɣän la nyuɔ̱ɔ̱rä ni ciaŋ rɛy luaak Kuɔth, ŋi̱eecä naath, kä /ka̱nɛ ɣä käp.

Mɛ̈t 4:23

Kä cu Yecu ja̱l rɛy Gɛ̈-lɛ-li kɛɛliw, ŋi̱i̱cɛ naath gua̱thni palädiɛn, kä latdɛ thuk kuäärä Kuɔth ti gɔw, kä jakɛ jua̱th diaal kä gɔw, kä woocɛ liaw pua̱nyni nath.

Mak 1:21

Kä cukɛ wä kä Ka-pɛr-ni-äm. Kä kɛ cäŋ lɔ̱ŋä ji̱ Juudh, cuɛ wä rɛy luaak dolä ji̱ Juudh, kä cuɛ kɛ ŋi̱eec.

Mak 10:2

Kä cu tha̱a̱ŋ ji̱ Pa-ri-thii ben kä jɛ, cua jɛ thiec kɛ ɣöö ɣɔ̱a̱nkɛ jɛ i̱, “Ɛ cuɔ̱ɔ̱ŋ ɛn ɣöö dee wut ciekdɛ däk?”

Mak 12:35

Kä min ŋi̱i̱c Yecu naath rɛy luaak Kuɔth, cuɛ wee i̱, “Dee ji̱ gɔ̱rkä jɛ lar ɛn ɣöö Mɛ-thia ɛ gat Dee-bid i̱di?

Mak 14:49

Cäŋ ɔ kɛ cäŋ ɔ la ta̱a̱ kɛɛl kɛ yɛ ŋi̱eecä naath rɛy luaak Kuɔth, kä /ken yɛn ɣä käp. Duundɛ ɣöö ɛ ruaacni Kuɔth tëë ca gɔ̱r kua̱ thuɔ̱k.”

Mak 2:13

Cu Yecu lɛni wä ja̱l gekä baar. Cu naath diaal rɔ̱ duɔ̱l jɛ, kä cuɛ kɛ ŋi̱eec.

Mak 4:2

Cuɛ kɛ ŋi̱eec kɛ ti ŋuan kɛ cäätni, rɛy ŋi̱i̱cädɛ cuɛ kɛ jiök i̱,

Mak 6:2

Kä kɛ cäŋ lɔ̱ŋä ji̱ Juudh cuɛ jɛ tok kɛ mi ŋi̱i̱cɛ naath guäth dolä ji̱ Juudh. Kä cu nɛy ti ŋuan tëë ca jɛ liŋ ga̱a̱c, wäkɛ i̱, “Wut ɛmɛ jekɛ ruaacni ti̱ti̱ winith? Kä ɛ pɛl ŋukä ɛnɔ ca ka̱m jɛ mɔ? Kä lätdɛ lät ti buɔ̱m buɔ̱ɔ̱m ti ga̱ykɛ naath ti!

Mak 6:34

Min wä Yecu piny rɛy ria̱a̱y, cuɛ buɔ̱n mi di̱i̱t nɛn, kä cu lɔcdɛ luäkdiɛn go̱r, kɛ ɣöö ce̱tkɛ kɛ det ti thil yieen. Kä cuɛ kɛ tok kɛ ŋi̱i̱c kɛ ŋɔaani ti ŋuan.

Mak 6:6

Kä cuɛ ga̱a̱c kɛ thil ŋäthädiɛn. Cu Yecu wä rɛy ciëëŋni ŋi̱i̱cɛ naath.

Jɔ̱ɔ̱n 10:40

Cuɛ lɛni jiɛɛn, wëë kui̱c kiɛɛr Jɔr-dɛn, gua̱a̱th ëë ci Jɔ̱ɔ̱n naath kɔŋ lak thi̱n, kä cuɛ wä tee wi̱ni.

Jɔ̱ɔ̱n 11:7

Kɛ kɔr kä mɛmɛ, cuɛ ji̱ kɔaarɛ jiök i̱, “Luɔc nɛ kä Ju-dia.”

Jɔ̱ɔ̱n 18:20

Cu Yecu jɛ loc i̱, “Cä ruac a jɔc nhiam nath. Cä naath ŋi̱eec gua̱thni diaal rɛy lueekni palä kɛnɛ rɛy luaak Kuɔth min la ji̱ Juudh diaal a mät thi̱n. Thilɛ ruac mi cä la̱t kɛ tɛ̱̈ɛ̱̈.