Mak 1:8 - RUAC KUƆTH IN RƐL RƆ

⁸ Cä yɛ lak kɛ pi̱, kä jɛn bɛ yɛ lak kɛ Yiëë in Gɔaa in Rɛl Rɔ.”

Mak 1:8 Iomraidhean Croise

Ruac Pɛli 1:23

Mi tiit yɛn luekdä dëë yɛ ka̱m lɔcdä, kä dërɛ ca̱rä cu ŋa̱c.

I-ca-yaa 32:15

amäni mi ca kɔn wuɔ̱c yiëë ni nhial, a bi därdɔaar a mun ciɛkä bɛɛl, kä bi mun ciɛkä bɛɛl a rup.

I-ca-yaa 44:3

Kɛ ɣöö ɣän bä pi̱w wuɔc muun rɛ̈w, kä bä dɔr rɛ̈w moc kɛ löli pi̱i̱ni. Ɣän bä yiëëdä wuɔ̱c kuaykun, kä bi puɔ̱thdä tekɛ gaatkun.

Yo-el 2:28

“Kɛ kɔr kä mɔmɔ ɣän bä yiëëdä wuɔ̱c nɛy diaal. A bi gaatkun kɛnɛ nyieekun ruaacni go̱o̱kä lat. Kä bi di̱t wutnikun la̱a̱k läkikä, kä bi ŋuɛ̈tnikun nyuuthni nɛn.

Mɛ̈t 3:11

“Ɣän lakä yɛ kɛ pi̱ kɛ kui̱ ri̱tädun kɛ rɔ̱ dueeri, kä ram mi bum ni jɛn kä ɣä a bëë kɔɔrä ni, kä /cä ro̱ŋ kɛ ɣöö bä wa̱a̱rikɛ kap. Jɛn bɛ yɛ lak kɛ Yiëë in Gɔaa in Rɛl Rɔ kɛnɛ mac.

Mak 1:7

Kä cuɛ ruac lat, laarɛ jɛ i̱, “Ram mia̱ bëë kɔɔrä ni, bumni jɛn kä ɣä, a cäŋɛ läk wa̱a̱rikɛ /ci gɔɔydä ro̱ŋ i̱ dëë rɔ goŋ a bäkɛ lony.

Mak 1:9

Kɛ ni̱n tɔ̱tɔ̱ cu Yecu ben kä Na-dha-rɛth, ro̱o̱l Gɛ̈-lɛ-li, kä cua jɛ lak ɛ Jɔ̱ɔ̱n kiir Jɔr-dɛn.

Luk 3:16

Cu Jɔ̱ɔ̱n kɛ loc kɛn diaal, wëë i̱, “Ɣän lakä yɛ kɛ pi̱, kä ram mi bum ni jɛn kä ɣä a bëëni. Kä cäŋɛ ni ɣän /ci gɔɔydä ro̱ŋ kɛ ɣöö dëë läk wa̱a̱rikɛ lony. Jɛn bɛ yɛ lak kɛ Yiëë in Gɔaa in Rɛl Rɔ kɛnɛ mac.

Jɔ̱ɔ̱n 1:26

Cu Jɔ̱ɔ̱n kɛ loc i̱, “Ɣän lakä naath kɛ pi̱. Kä cuŋ ram mi kui̱c yɛn ɛ rɛydun,

Jɔ̱ɔ̱n 1:33

Ɣän puɔ̱nydä /ka̱n jɛ ŋa̱c. Kä ɛ Kuoth ɛ nëë jäk ɣä bä naath lak kɛ pi̱ cuɛ ɣä jiök i̱, ‘Ram min nɛɛni a ci Yiëë ben piny nhial kä jɛ kä tëë kɛɛl kɛ jɛ, ɛ jɛn ram min bi naath lak kɛ Yiëë in Gɔaa in Rɛl Rɔ.’

Lät Jaakni Yecu 1:5

ɛn ɣöö Jɔ̱ɔ̱n cɛ naath lak kɛ pi̱, kä ba yɛ lak kɛ Yiëë in Gɔaa in Rɛl Rɔ, kɛ rɛy ni̱n ti tɔt.”

Lät Jaakni Yecu 10:45

Cu ji̱ ŋäthä tin ca cuɛl tin ci ben kɛɛl kɛ Pi-tɔr ga̱a̱c ɛn ɣöö ca muc Yieekä in Gɔaa in Rɛl Rɔ wuɔ̱c naath a cäŋɛ ni Jur.

Lät Jaakni Yecu 2:17

‘Ci Kuoth ɛ lar ɛn ɣöö, kɛ ni̱n tin jɔk bä mɛmɛ la̱t, ɛn ɣöö bä Yiëëdä wuɔc kä nɛy diaal, kä bi gaatkun kɛnɛ nyiekun ruaacni go̱o̱kä lat, kä bi ŋuɛ̈tnikun nyuuthni nɛn, kä bi dɔŋ wutnikun la̱a̱k läkikä.

Lät Jaakni Yecu 2:4

Kä cu kɛn diaal thia̱a̱ŋ kɛ Yiëë in Gɔaa in Rɛl Rɔ, kä cukɛ ruac kɛ thuk ti kɔ̱kiɛn, kɛ lua̱ŋ in ci Yiëë ɛ ka̱m kɛ.

1 Kor 12:13

Kɛ ɣöö rɛy Yieekä kɛl ca kɔn diaal lak puɔ̱ɔ̱ny kɛl, (ji̱ Juudh, kiɛ ji̱ Gɛ-rith, kuaany kiɛ nɛy ti lɔr) ca kɔn diaal jakä mäth kɛ Yiëë kɛl.