Mak 1:24 - RUAC KUƆTH IN RƐL RƆ

²⁴ Kä cuɛ wiee wëë i̱, “Ɛŋu mi bi lät kä kɔ, ji̱n Yecu raan Na-dha-rɛth? Bi̱i̱ kɛ ɣöö bi kɔ ben däk? Ɣän ŋa̱cä jɛ ɛn ɣöö ɛ ji̱n ram mi rɛl Gɔɔydɛ rɔ mi bëë ni kä Kuoth.”

Mak 1:24 Iomraidhean Croise

Diit 16:10

Kɛ ɣöö /ci ɣä bi pa̱l kɔ̱kä kunyä, kä /ci raan ŋäthädu bi jak kä dhiap.

Ɣöth 14:12

Ciɛ jɛn mëë la̱rkɔ ji̱ kä I-jëp i̱, ‘Päl kɔ, a kɔ la̱tkɔ ji̱ I-jëp kä lätkiɛn?’ Kɛ ɣöö dëë ro̱ŋ ni mi cakɔ lät ni ji̱ I-jëp kä lätkiɛn kä ɣöö bakɔ ben li̱w rɛy dɔaar mi ce̱tkɛ nɛmɛ.”

Bok Go̱kä ni Da-ni-yel 9:24

“Kɛ run ti kur ŋuaan wi̱cdɛ jiɛn bäŋuan ba jɛn pek gua̱th in ba lony ni nɛɛku kɛnɛ wecdu min rɛl rɔ kä duer kɛnɛ jiäk. Ba dueer päl, kä bi ciaŋ päärä cu ben, kä bi ruaacni go̱o̱kä kɛnɛ nyuuth cua̱ thuɔ̱k, ba luak Kuɔth in rɛl gɔɔydɛ rɔ cu nyɔk kɛ lëy.

Mɛ̈t 2:23

Kä cuɛ wä cieŋ rɛy Na-dha-rɛth, kɛ ɣöö bi tëë ca lar ɛ göök a thuɔ̱k i̱, “Jɛn ba jɛ cɔl i̱ raan Na-dha-rɛth.”

Mɛ̈t 8:29

Kä cukɛ rɔal ɛn wanɔ i̱, “Ŋumdu kɛ kɔ, ji̱n Gat Kuɔth? Ji̱n bi̱i̱kɛ kɛ ɣöö, bikɔ ben tɔ̱ŋ a /ken gua̱a̱th ni ben?”

Mak 1:23

Kä ɛn guäth ɛmɔ pa̱ny cuɛ tekɛ ram mi tekɛ yiëë mi jiääk rɛy duëël dolädiɛn.

Mak 1:25

Kä cu Yecu jɛ gok, cuɛ wee i̱, “Bitni, kä bër raar puɔ̱nydɛ!”

Mak 10:47

Mëë cɛ liŋ ɛn ɣöö ɛ Yecu raan Na-dha-rɛth, cuɛ rɔal ɛlɔ̱ŋ, kä cuɛ wee i̱, “Yecu, Gat Dee-bid, a lɔcdu kɔ̱c kɛ ɣä!”

Mak 14:67

Mëë cɛ Pi-tɔr nɛn ɣɔ̱ɔ̱cɛ rɔ kɛ mac, cuɛ jɛ di̱el guic, kä cuɛ jɛ jiök i̱, “Ji̱n bä, ti̱i̱ kɛɛl kɛ Yecu, raan Na-dha-rɛth.”

Mak 16:6

Duundɛ ɣöö cuɛ kɛ jiök i̱, “/Cuarɛ ga̱a̱c. Go̱o̱r yɛn ni Yecu, raan Na-dha-rɛth mëë ca pua̱t jiaath. Ca jɛ jiɛc li̱th, thilɛ jɛ ɛn wanɛ. Guɛcɛ gua̱a̱th ëë ca jɛ tɔa̱a̱c thi̱n.

Mak 5:7

Cuɛ wiee kɛ jɔw mi di̱i̱t wëë i̱, “Ji̱n Yecu, Gat Kuɔth nhial in di̱i̱t, ti kɛ ŋu kɛ ɣä? Ɣän la̱ŋä ji̱ kɛ ciöt Kuɔth, /cu ɣä lät kä mi jiääk.”

Luk 1:35

Cu jääk nhial jɛ jiök i̱, “Bi Yiëë in Gɔaa in Rɛl Rɔ ben kä ji̱, kä bi buɔ̱m Kuɔth in Di̱t ni jɛn ji̱ kum. Kɛ kui̱c ɛmɔ bi gat mi in ba dap a mi rɛl rɔ, kä ba jɛ cɔl i̱ Gat Kuɔth.

Luk 24:19

Cuɛ kɛ thiec i̱, “Kɛ ŋɔak tin tith?” Cukɛ jɛ jiök i̱, “Kɛ tin ci tuɔɔk kä Yecu raan Na-dha-rɛth, mi la gök mi bum lätkɛ kɛnɛ ruacdɛ nhiam Kuɔth kɛnɛ nhiam nɛɛni diaal.

Luk 4:34

“Aɣ, ji̱n Yecu, raan Na-dha-rɛth, ɛŋu mi go̱o̱ri kä kɔ? Ji̱n bi̱i̱ kɛ ɣöö bi kɔ ben däk? Ɣän ŋa̱cä ji̱, ɛn ɣöö ɛ ji̱n kɛl Kuɔth in Rɛl rɔ.”

Luk 8:28

Mëë cɛ Yecu nɛn, cuɛ rɔ yuɔr piny nhiamdɛ, kä cuɛ yɔal kɛ jɔw mi di̱i̱t wëë i̱, “Ji̱n, Yecu Gat Kuɔth nhial in di̱i̱t, ti̱i̱ kɛ ŋu kɛ ɣä? Ɣän la̱ŋä ni ji̱, /cu ɣä lät kä mi jiääk.”

Luk 8:37

Cu ji̱ Gɛ-ri-thiin diaal Yecu läŋ kɛ ɣöö bɛ jiɛɛn kä kɛ, kɛ ɣöö cikɛ dual ɛlɔ̱ŋ. Cu Yecu loc rɛy murkäbä, kä cuɛ loc jɔk.

Jɔ̱ɔ̱n 6:69

Kä cakɔ jɛ ŋäth, kä cakɔ jɛ ŋa̱c ɛn ɣöö ɛ ji̱n Kɛl Kuɔth mi Rɛl Gɔɔydɛ rɔ.”

Lät Jaakni Yecu 2:27

Kɛ ɣöö /ci yiëëdä bi pa̱l guäth maac. Kä /ci Kɛlu min rɛl rɔ bi jakä wä ro̱o̱l jɔɔkni.

Lät Jaakni Yecu 24:5

Kɛ thuɔ̱k cakɔ wut ɛmɛ jek ɛn ɣöö ɛ gua̱n riirä mi di̱i̱t, kä ɛ ram mi gua̱n kuuthä nath rɛy ji̱ Juudh diaal wi̱i̱ muɔ̱ɔ̱n, kä ɛ bo̱o̱th bunä ji̱ Na-dha-rɛth.

Lät Jaakni Yecu 3:14

Kä cia Ram in rɛl rɔ kä Gua̱n Cuŋni lo̱k, kä cuarɛ thiec ni ɣöö bɛ yɛ luɔ̱ny ram mi nääk nath.

Lät Jaakni Yecu 4:27

Kä ɛpuc rɛy wec ɛmɛ cu Ɣɛ-rod kɛnɛ Pɔn-tiäth Pay-lɛt kɛ Jur kɛnɛ ji̱ I-thɛ-rɛl rɔ̱ mat kɛɛl, gakɛ kɛ Yecu läätdu mi rɛl rɔ, mëë ci mɛk.

Je-mɛth 2:19

Mi ŋääthi jɛ ɛn ɣöö Kuoth ɛ kɛl, ci lät agɔaa. A cäŋɛ ni kuth tin jiäk ŋääth kɛn ɛ, kä lathɛ kɛ kɛ dual.

1 Jɔ̱ɔ̱n 2:20

Kä ca yɛ mɛk ɛ Kɛl in Gɔaa in Rɛl Rɔ, kä ci yɛn diaal thuɔ̱k ŋa̱c.

Nyuuth 3:7

“Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.