Liib 9:7 - RUAC KUƆTH IN RƐL RƆ

⁷ Cu Muthɛ Ä-ron jiök i̱, “Bër yi̱kä bi luur dui̱rädu ben thöp kɛnɛ luuru min waŋ ben luɛl rɔ yɛnɛ naath, thöp ni luur nath in bi ben luɛl nikɛ, ce̱tkɛ min ci Kuoth Nhial ɛ lar.”

Liib 9:7 Iomraidhean Croise

Liib 16:11

“Mi wä Ä-ron thäk wä thöp ala luur dui̱rkädɛ, mi luɛlɛ ni rɔ kɛnɛ ji̱ dhɔaarɛ.

Liib 16:24

Kä bɛ rɔ puɔk guäth mi rɛl gɔɔydɛ rɔ, kä bɛ bieynikɛ cu la̱th, kä bɛ cu ben raar bɛ muc mi waŋ ben thöp kɛ kui̱dɛ, kɛ luur mi waŋ kɛ kui̱ nath bɛ rɔ cu luɛl kɛnɛ naath.

Liib 16:6

“Ɛn Ä-ron bɛ thäk thöp ala luur dui̱rädɛ, bɛ luɛlni rɔ kɛnɛ ji̱ dhɔaarɛ

Liib 4:3

Mi ɛ jɛn bööth palä min dit ni jɛn ci naath yɔ̱a̱c duerɔ a jɛ nöŋ Kuoth Nhial ruath tha̱a̱k mi thil diw ala kök kɛ kui̱ dui̱rädɛ.

Liib 8:34

Kä ɛn la̱t ɛn wa̱lɛ mi ɛ jɛn min ca lar ɛ Kuoth Nhial i̱ ba lat kɛ lak dueerikun jɔ̱ɔ̱r.

Liib 9:2

Kä cuɛ Ä-ron jiök i̱, “Käni ruath tha̱a̱k ala luur dui̱rä kɛnɛ ruath rɔɔmä ala luur in waŋ, kä akɛ thil diw kä thöp nikɛ Kuoth Nhial.

Ji̱ Ɣi-bɛ-ru 5:1

Kä bööth palä diaal tin ca kuany rɛy nath kuanykɛ kɛ kɛ ɣöö bikɛ Kuoth lätikä kɛ kui̱ nath, kɛ ɣöö ba muc kɛnɛ loori thöp Kuoth kɛ kui̱ dueeri.

Ji̱ Ɣi-bɛ-ru 5:3

Kɛ kui̱c ɛmɔ, jɛn bɛ muc thöp kɛ kui̱ dueerikɛ, kɛnɛ kui̱ dueeri nɛɛni tɔ̱tɔ̱ bä.

Ji̱ Ɣi-bɛ-ru 9:7

Duundɛ ɣöö la wä ni bo̱o̱th palä in di̱i̱t kärɔaadɛ rɛy duëël in rɛwdɛ, kä wee thi̱n kä kɛɛl kɛ ruɔ̱n. Kä /cɛ dee wä dueel in te rɛci mi thilɛ muc mi tho̱pɛ kɛ kui̱dɛ kɛ kui̱ dueeri nath.

1 Tham 3:14

Kɛ kui̱c ɛmɔ ɣän cä dhɔr Eli yac kɛ ɣöö thilɛ luur kiɛ muc mi bi jiäk dhɔaar Eli woc amäni cäŋ.”