Liib 7:12 - RUAC KUƆTH IN RƐL RƆ

¹² Mi nööŋɛ ni yaŋ mi la muc tɛthkä lɔaac, a jɛ nööŋɛ kɛ kɛ jurayni ti thil thuɔp kä ca lia̱a̱p kɛ liɛɛth kɛ pat patni ti ca lia̱a̱p kɛ liɛɛth kä thil thuɔp, kɛ pat patni ti rɛ̈p rɛ̈ɛ̈p ti ca lia̱a̱p kɛ liɛɛth kä thil thuɔp.

Liib 7:12 Iomraidhean Croise

2 Kuɛ̈n 29:31

Kä cu Ɣidh-ki-yaa wee, “Ɛn täämɛ cia rɔ lëy Kuoth Nhial. Biakɛ kä nööŋɛ luuri, kɛnɛ muc tɛthkä lɔaac rɛy luaak Kuɔth.” Kä cu duɔl luuri kɛnɛ muc tɛth kä lɔaac nööŋ. Kä ramɔ luäŋ duɔ̱ɔ̱r kɛ nööŋɔ kɛ ca̱r lɔaacdɛ a jɛ nööŋ muc in waŋkɛ.

2 Kuɛ̈n 33:16

Kä cuɛ yi̱k Kuɔth Nhial nyɔk kɛ ta̱th, kä cuɛ muc malä kɛ muc tɛthkä lɔaac thöp wi̱i̱dɛ. Kä cuɛ ji̱ Juda jiök i̱ palɛ ni Kuoth Nhial Kuoth I-thɛ-rɛl.

Nɛ-ɣɛm-yaa 12:43

Cukɛ muc ti ŋuan thöp ɛn cäŋ ɛmɔ, cu lo̱ckiɛn tɛɛth kɛ ɣöö ci Kuoth kɛ moc kɛ tɛ̈th lɔaac mi di̱i̱t. Cu män kɛnɛ gaat lo̱ckiɛn tɛɛth bä. Cua jɔw tɛthä lɔaac nath kä Jɛ-ru-tha-lɛm liŋ ni guäth mi na̱n.

Diit 107:8

Akɛ la̱r kɛ Kuoth Nhial tɛ̈th lɔaac kɛ kui̱ nho̱kädɛ min thil pek, kɛnɛ kui̱ lätnikɛ tin ga̱ykɛ naath kɛ kui̱ nath.

Diit 116:17

Ɣän bä ji̱ moc muc tɛthä lɔaac, kä bä cɔl ni ji̱n Kuoth Nhial.

Diit 50:23

Kä nɛy tin nööŋkɛ muc tɛthkä lɔaacdiɛn liakɛ ɣä, kä rialkɛ dupkiɛn ikä ɣän bäkɛ ka̱m ka̱m Kuɔth!”

Bok Go̱kä ni Yir-mɛ-yaa 33:11

Jɔw tɛthkä lɔaac, kɛ nɛy ti köök kɛ kuën kɛ jɔw nɛɛni ti ki̱t kɛ diit tɛthkä lɔaac ti nööŋ kɛ muc rɛy luaak Kuɔth Nhial wä kɛ i̱, ‘Ka̱mɛ Kuoth Nhial in la Ruey Ɣɔaa tɛ̈th lɔaac, kɛ ɣöö Kuoth Nhial gɔaaɛ, kä nhökdɛ min thil pek tëë thi̱n amäni cäŋ kɛl!’ Kä bä mun luɔ̱c gɔɔydɛ ce̱tnikɛ ta̱a̱dɛ mëë jio̱l.

Ɣocä 14:2

Kä ka̱nɛ riet kɛ yɛ kɛɛl, kä rietdɛ rɔ Kuoth Nhial jiökɛ jɛ i̱, “Woc jiäkɔ diaal, kä nhɔk ni gɔy kɔ, kä bakɔ ji̱ liak.

Liib 2:4

“Kä mi wec nööŋ ni muc nuɔ̱p mi ca bul, bɛ la nup mi gɔaa mi /ka̱n läny kɛ thuɔp, kä ca lia̱a̱p kɛ liɛɛth, kiɛ pat patni ti ca wi̱cdiɛn caw kɛ liɛɛth.

Liib 2:5

Kä mi wä mucdu a pat pat mi ca thal kɛ thac, ala nup mi kök kök mi ca lia̱a̱p kɛ liɛɛth /kä thilɛ jɛ thuɔp.

Liib 22:29

Kä mi wee muc tɛthkä lɔaac wä thöp Kuoth Nhial, guuri ŋuɔ̱tkɛ kɛ ɣöö ba jɛ nhök yɛ.

Liib 6:16

Kä bi Ä-ron kɛnɛ gaatkɛ duɔth nuɔ̱p ɛmɔ cam ala juray mi thil rɛydɛ thuɔp. Bikɛ jɛ cam guäth mi rɛl gɔɔydɛ rɔ rɛy kal kɛmɛkä ro̱mä kɛ Kuoth Nhial.

Liib 7:15

Kä bari̱ŋ lɛ̱̈ɛ̱̈ ɛmɔ cam nikɛ li̱w ɛn cäŋ ɛ luɔɔrkɛ ni jɛ mɔ a thilɛ mi bi baak piny thi̱n.

A-mɔth 4:5

Kä muɔcɛ rɔ̱ kɛ luuri tɛthä lɔaac kɛ buɔl jurayä mi tekɛ thuɔp, ala muc Kuɔth, kä liakɛ rɔ kɛ luuri ti̱n thöpɛ kɛ lɔcdun, kä la̱tdɛ kɛ naath. Kɛ ɣöö ɛ jɛn min nhɔk yɛn ɛ lö gaat I-thɛ-rɛl, ruac ni Kuäär ni Kuoth Nhial.

Kuen 6:15

kɛ di̱eny jurayni ti thil thuɔp, kɛ pat pat nupä mi ko̱k ko̱k kä ca lia̱a̱p kɛ liɛth, kɛ mun bɛɛl kɛnɛ kɔaŋ.

Luk 17:16

Cuɛ rɔɔdɛ yuɔr piny ciökni Yecu, kä cuɛ jɛ la̱r tɛ̈th lɔaac. Kä ram ɛmɔ ɛ raan Tha-mɛ-ria.

Luk 17:18

Cuɛ thil ram kɛl mi cu luny jɔk mi dee Kuoth liak ɛ ni jur ɛmɛ kärɔa?”

Ji̱ Röm 1:21

Kɛn ŋäc kɛn Kuoth kä /ken kɛn ɛ luɔ̱th ce̱tkɛ Kuoth kiɛ ka̱m tɛ̈th lɔaac. Kä cu ca̱riɛn cua̱ mi thil luɔt, kä cu ca̱r baaŋädiɛn cua ni muth.

Ji̱ Ɛ-pɛ-thäth 5:20

Ni ciaŋ la̱rɛ Kuoth in la Gua̱a̱ra tɛ̈th lɔaac kɛ ti diaal kɛ ciöt Kua̱ran ni Yecu Kritho.

Ji̱ Ɣi-bɛ-ru 13:15

Kä kɛ Yecu, kuanɛ Kuoth thöp muc liakä ni ciaŋ, tin la rieet thuɔk nɛɛni tin cɔalkɛ jɛ i̱ Kuäär.

1 Pit 2:5

Kä yɛn pua̱nykun ce̱t yɛn kɛ päm in tëk a yɛ ta̱thkɛ ala duel yieekä, kɛ ɣöö bi yɛn a bööth palä ti gɔw ti rɛ̈lkɛ rɔ̱, kɛ ɣöö bia muc yieekä ti nhɔakɛ thöp Kuoth kɛ Yecu Kritho.