Liib 5:6 - RUAC KUƆTH IN RƐL RƆ

⁶ Kä kɛ cut kä mi jiäk in cɛ la̱t, a jɛ nööŋ muc dui̱rä min cɛ la̱t nhiam Kuɔth Nhial. A jɛ nööŋɛ rɛy deetkɛ ŋuɔ̱ɔ̱t böwä kiɛ rɔaam ala muc dui̱rä, kä bi bööth palä jɛ cu luɛl ni dueerkɛ.

Liib 5:6 Iomraidhean Croise

Yɛdh 40:39

Kä bäŋ thuɔk kal, kui̱cnikɛ diaal te mɔ kɛ tharbëtni da̱ŋ rɛw, tin la muc tin waŋ kɛ, kɛnɛ muc dui̱rä kɛ muc cutdä a ŋuɔ̱tkɛ thi̱n.

Yɛdh 42:13

Kä cuɛ ruac kɛ ɣä wëë i̱, “Kɛn duël kuec caam kɛnɛ duël tin te kui̱c cuëëc tin luɔtkɛ rɔ̱ kɛ gua̱a̱th in te baaŋ kɛ duël ti rɛl gɔɔydiɛn rɔ, ti bi bööth palä tin lät nhiam Kuɔth Nhial muc tin rɛl gɔɔydiɛn rɔ a cam thi̱n. Kä bikɛ muc tin rɛl gɔɔydiɛn rɔ la̱th thi̱n muc bɛɛl, kɛnɛ muc dueeri kɛ muc cutdä, kɛ ɣöö ɛn gua̱a̱th rɛl gɔɔydɛ rɔ.

Yɛdh 44:27

Kä kɛ jɛn cäŋ in bi wee kɛ jɛ guäth in rɛl gɔɔydɛ rɔ, rɛy kal in te ni rɛci, a bɛ wä lät guäth in rɛl gɔɔydɛ rɔ, bɛ muc dui̱rädɛ cu thöp, ruac ni ɣän Kuäär ni Kuoth Nhial.

Liib 4:20

Kä bɛ ruath ɛmɔ la̱t ce̱tnikɛ jɛn la̱t ëë cɛ lät ni ruath luurä kɛ kui̱ dui̱rä, kä inɔ bɛ Kuoth lor kɛ kui̱ dui̱rä nath, kä ba kɛ cu pälikä.

Liib 4:28

Kä mi wee duerɛ wä mir a jɛ nööŋ nacdɛ̈ɛ̈l mi böw mi thil diw ala luur kɛ kui̱ dui̱rädɛ.

Liib 4:31

Kä bɛ kɔalikɛ koc, ce̱tkɛ min la kuɔckɛ kɔali luuri nyuaakä. Kä bi bööth palä jɛ waŋ wi̱i̱ yi̱kä ɛla ŋuäny mi gɔaa kä Kuoth Nhial. Kä inɔ bi bööth palä jɛ cu luɛl kɛ jɛn luur ɛmɔ, kä ba jɛ cu pälikä.

Liib 4:32

“Kä mi wee nööŋ ni rɔaam mi la luurɛ kɛ kui̱ dui̱rä, a jakɛ ni nac dɛ̈ɛ̈l rɔɔmä mi thil diɛw.

Liib 4:35

Kä bɛ kɔalikɛ diaal ka̱m raar ce̱tnikɛ mëë la kɔali luurä nyuaakä a ka̱mkɛ raar, kä bɛ jɛ waŋ wi̱i̱ yi̱kä kɛ kɛnɛ luuri mi̱eth tin la wa̱ŋkɛ Kuoth Nhial, kä i̱ nɔ bi bööth palä jɛ cu luɛl, kä bajɛ cu pälikä.”

Liib 6:6

Kä bɛ karaamdɛ nööŋ bööth palä ala luur dui̱rä mi thöpɛ Kuoth Nhial ruath dɛ̈ɛ̈l rɔɔmä mi thil diw rɛy detkɛ, kä bi kökdɛ a mi ro̱ŋ kɛ kök in wen

Kuen 6:12

Kä bɛ rɔ lëy Kuoth Nhial kɛ ni̱n leyädɛ, bɛ ruath dɛ̈ɛ̈l mi gur kɛl nööŋ ala muc dui̱rä, duundɛ ɣöö ba ni̱n tin nhiam päl, kɛ ɣöö ci lëydɛ nyuɔn.