Liib 5:2 - RUAC KUƆTH IN RƐL RƆ

² Kä mi wä raan puɔ̱nydɛ ya̱r kɛ ɣöö cɛ mi jiäk thiap, a kui̱cɛ, ri̱ŋ lɛ̱̈ɛ̱̈ mi te dɔɔr kiɛ ley cieŋ kiɛ muɔl, cɛ rɔ ya̱r.

Liib 5:2 Iomraidhean Croise

Diit 19:12

Kä ɛŋa dëë duerɛ ŋa̱c ɔ? Päli ɣä dueerkä tin kuecä.

I-ca-yaa 52:11

Jiayɛ jiayɛ wuɔcɛ rɔ ɛn wi̱ni, /cuarɛ ti jiäk thiap, bia raar rɛydɛ kä lakɛ rɔ̱, yɛn nɛy tin kapkɛ kuak Kuɔth Nhial.

Liib 11:11

Kä kɛ ɣöö jiäkɛ kɛ yɛ, /cuarɛ ri̱ŋkiɛn cam, kä /cuarɛ kɛ thiap.

Liib 11:8

Kɛn le̱y ɛ tɔ̱ cuarɛ kɛ cam, kä cuarɛ ri̱ŋdiɛn thiap mi ci duɔ̱ɔ̱r li̱w kɛ ɣöö jiäkɛ.

Liib 4:13

“Kä mi ɛ jɛn duɔl ji̱ I-thɛ-rɛl ci ŋuɔ̱tdä kɛl ya̱r ɔ kɛ guäc, a cäŋ kui̱c duɔlɛ, cikɛ duer.

Liib 5:17

“Mi ci raan ŋut Kuɔth Nhial töl, cɛ tekɛ duer, kä bɛ pëk cuat dhil thöp.

Liib 5:3

Kiɛ mi wee thiap ni kɛl cukɛ a tin la ya̱rkɛ raan a kui̱cɛ, kä mi wee jɛ wä ŋa̱c kɛ kɔrɛ. Cɛ ku thuŋ duer.

Liib 5:4

Kä mi wä raan rɔ wä yac kɛ kac kiɛ thuɔ̱k, kä ɛn nɔ cɛ rɔ pär ya̱c kɛ jɛ mɔ, a kui̱cɛ, mi wee jɛ ŋa̱c, cɛ duer.

Liib 7:21

Kä mi wä raan puɔ̱nydɛ ya̱r kɛ thiëp kä mi jiäk, raan kiɛ le̱y kiɛ kɛl kä tin canykɛ, kä cɛ mi̱th kɛ ri̱ŋ luurä maarä Kuɔth Nhial, jɛn badääk raar rɛy nɛɛnikɛ.”

Bok Go̱kä ni Ɣa-gay 2:13

Ɛ jɛn cu Ɣa-gay kɛ lɛni thi̱ec i̱, “Kä carɛ jɛ i̱ dee ram mi ci puɔ̱nydɛ ya̱r kɛ thiëp pua̱a̱ny raam mi ci li̱w mi̱th tɔ̱tɔ̱ ya̱r bä?” Cua jɛ loc ɛ kɛn i̱, “Derɛ kɛ ya̱r bä.”

Kuen 19:22

Kä mɔ ca thiap ɔ ɛ ram mi jiääk bɛ jiääk bä. Kä ramɔ bi jɛ thiap ɔ bɛ jiääk amäni thiaŋ.”

Luk 11:44

Riɛk akɛ yɛ! Kɛ ɣöö ce̱t yɛn kɛ kɔ̱a̱k kunyä ti /ca nɛn, kä jäl naath wi̱i̱diɛn a kui̱c kɛn ɛ.”

2 Kor 6:17

Kɛ kui̱ ɛmɔ bia raar kä kɛ kä bia a gööl kä kɛ, ruac ni Kuäär. /Cuarɛ mi jiääk gueer, kä ɛnɔ bä yɛ nyuɔ̱ɔ̱r agɔaa.

Ŋuɔ̱t 14:8

Mäni kundhur tëë kɛ barkakni rɛw, kä cɛ wal nyɔk, jiäkɛ bäkɛ yɛ. /Cuarɛ jɛ cam kä cia riŋdɛ bi nyɔt mi cɛ li̱w.