Liib 5:16 - RUAC KUƆTH IN RƐL RƆ

¹⁶ kä bɛ duer in cɛ la̱t cutdɛ rëp kɛ dhieec dhieecni kä bɛ thöp bööth palä, kä bi bööth palä dɛl cu thöp Kuoth, ala luur kɛ kui̱ dui̱rädɛ, kä ba jɛ cu palikä.

Liib 5:16 Iomraidhean Croise

Diit 69:4

Kä ŋuan nɛy tin lökɛ ɣä kɛ mi thil thar ɛ lɛ̱̈nykɛ ni miem wecdä. Kä ŋuan nɛy tin görkɛ däkdä ɛlɔ̱ŋ, kɛn ji̱ tɛ̈rä tin gɔanykɛ ɣä kɛ kac. Ɛ bä mi /ka̱n kual ku nyɔk kɛ loc thi̱n?

Ɣöth 22:1

“Mi ci raan thäk kual kiɛ dɛl, kä bɛ jɛ luc kiɛ bɛ kɔak ni jɛ, bɛ thäk col kɛ thääk dhieec, kä mi ɛ dɛl, bɛ jɛ col kɛ det ŋuaan. Bɛ col, kä mi thilɛ jɛ duɔ̱ɔ̱r, ba raamɔ kɔak kɛ ɣöö cɛ kual.

Liib 22:14

Mi ci raan mi̱eth in rɛl gɔɔydɛ rɔ cam a cɛ lot ni jɛ, bɛ jɛ rëp nikɛ dhieec dhieecni kä bɛ jɛ ka̱m bööth palä.

Liib 27:13

Kä mi go̱rɛ kökdɛ, bɛ kökdɛ rëp kɛ dhiec dhieecni.

Liib 27:15

Kä ɛn ram ɔ ci duel lɛy Kuoth Nhial ɔ, mi go̱o̱rɛ ɣöö bɛ duelɛ nyɔk kɛ kök, bɛ kökdɛ rëp kɛ dhieec dhieecni yio̱o̱ni, kä bɛ cua̱ duundɛ.

Liib 27:27

Kä mi ɛ le̱y mi jiääk, a jɛ nyɔkɛ kɛ kök kɛ pëk ko̱kädu, kä bɛ rëp kɛ dhieec dhieecni, kä mi /ka̱nɛ nyɔk kɛ kök, biɛ kɔak kɛ pëk ɛ go̱o̱ri mɔ.

Liib 27:31

Mi go̱o̱r raanɛ i̱ bɛ wa̱l wa̱a̱likɛ nyɔk kɛ kök, bɛ kökdiɛn rëp kɛ dhieec dhieecni.

Liib 4:20

Kä bɛ ruath ɛmɔ la̱t ce̱tnikɛ jɛn la̱t ëë cɛ lät ni ruath luurä kɛ kui̱ dui̱rä, kä inɔ bɛ Kuoth lor kɛ kui̱ dui̱rä nath, kä ba kɛ cu pälikä.

Liib 4:26

Kä bɛ paarɛ kɛɛliw waŋ wi̱i̱ yi̱kä nikɛ waŋ ëë cɛ waŋ ni paar luurä nyuaakä, kä inɔ bi bööth palä luur ɛmɔ thöp Kuoth kä bajɛ cu pälikä.

Liib 5:10

Kä ɛn bööth palä bɛ dit in dɔ̱ŋ thöp ala muc mi waŋ ce̱tnikɛ dupkɛ diaal tin la thöpkɛ ni jɛ, inɔ bɛ dueer raam ɔ cu luɛl kɛ jɛ, kä ba cu palikä.

Liib 5:13

Kɛ kui̱ ɛmɔ bi bööth palä jɛ cu luɛl ni duerɛ min cɛ la̱t, kä bajɛ cu pälikä. Kä bi duɔth nuɔ̱p ɛmɔ cua̱ duŋ bööth palä ce̱tkɛ min te muc bɛɛl.”

Liib 5:6

Kä kɛ cut kä mi jiäk in cɛ la̱t, a jɛ nööŋ muc dui̱rä min cɛ la̱t nhiam Kuɔth Nhial. A jɛ nööŋɛ rɛy deetkɛ ŋuɔ̱ɔ̱t böwä kiɛ rɔaam ala muc dui̱rä, kä bi bööth palä jɛ cu luɛl ni dueerkɛ.

Liib 7:2

Ɛn luur cutdä bajɛ näk wi̱i̱ yi̱kä in la luuri a waŋkɛ thi̱n, kä bariɛmdɛ kiɛth kui̱ni yi̱kä da̱ŋ ŋuaan.

Kuen 5:7

a jɛ lat duerɛ ɛn ram ɛmɔ, kä a jɛ col duerɛ, a repɛ jɛ kɛ dhieec dhieecni, kä a jɛ kämɛ ram in cɛ due̱r duer.

Kuen 5:8

Kä mi thilɛ jɛ gua̱n maarä ɛn ram in ca due̱r due̱r mi ba culikä, bi cut ɛmɔ wä kä Kuoth Nhial kä bööth palä, kä ba dɔdɛ̈ɛ̈l luël mat thi̱n min ba luɛl ni gua̱n dui̱rä.

Luk 19:8

Cu Dhɛ̈-ki-yäth cuɔ̱ŋ ɛn wi̱ni, kä cuɛ Kuäär ni Yecu jiök i̱, “Nɛn ɛ, Kuäärä, bä kui̱c kɛl kä nyinkä diaal ka̱m nɛy ti can. Kä mi cä raan mac kɛ duɔ̱ɔ̱r, bä jɛ cuɔ̱lɛ ni kä ŋuaan.”

Lät Jaakni Yecu 26:20

Kä cua la̱t nɛy tëë te kä Da-math-kɛth kɛ nhiam kɛ Jɛ-ru-tha-lɛm, kɛnɛ ro̱l Ju-dia kɛɛliw cu amäni Jur bä, ɛn ɣöö bikɛ rɔ̱ ri̱t dueeri kä bikɛ rɔ̱ riet Kuoth, kä bikɛ lät ti ro̱ŋ kɛ rietdiɛn kɛ rɔ̱ la̱t.

1 Tham 6:3

Kä cukɛ wee i̱, “Mi jäk yɛn thanduk matdä ruac Kuɔth ji̱ I-thɛ-rɛl. /Cuarɛ jɛ jäk baaŋ, ja̱kɛ jɛ kɛ muc kɛ kui̱ dui̱rä. Inɔ bia cu ŋɔ̱a̱th, kä bia cu ŋa̱c ɛŋu duääcɛ yɛ mɔ.”