Liib 3:3 - RUAC KUƆTH IN RƐL RƆ

³ Kä ɛn muc matdä ɛmɔ, ba muc mi waŋkɛ Kuoth Nhial kɛnɛ paarɛ kɛɛliw kɛ kɔali jiɛcdɛ diaal.

Liib 3:3 Iomraidhean Croise

Diit 119:70

Kɛ nɛy ti thil lo̱ckiɛn ca̱r, duundɛ ɣöö nhɔakä ni ŋuɔ̱tku.

Ɣöth 29:13

Kä bi paar in kum jia̱c piny kɛɛliw ka̱n, kɛnɛ ra̱p kɔlä cua̱ny, kɛ rok da̱ŋ rɛw kɛ kɔalikiɛn kɛɛl, bi kɛ waŋ wi̱i̱ yi̱kä.

Ɣöth 29:22

Bi kɔl ruaath dɛ̈ɛ̈l rɔmä lɛni ka̱n, kɛnɛ thiɔl jua̱a̱lɛ, kɛ paarɛ min ci jia̱c yi̱k piny, kɛ ra̱p cua̱ny, kɛ rok da̱ŋ rɛw kɛ kɔalikiɛn, kɛ ɣäm cueec, kɛ kui̱ kä ɣöö nɛmɛ ɛ dɛl in yi̱erkɛ ni kɛ.

Ruac Pɛli 23:26

Gatdä käm ni ɣä lɔcdu, kä tit dupkä.

I-ca-yaa 6:10

Kä nyon cär nɛɛni tɔ̱tɔ̱, kä jak nikɛ kä mi̱eŋ, kä jak nikɛ kä /ci gui̱c, kɛ ɣöö /cikɛ bi guic, kä /cikɛ bi liɛŋ, kä /cikɛ ŋɔak bi ŋa̱c, kɛ ɣöö /cikɛ rɔ̱ bi riet ɣä ɛ bäkɛ jak kä gɔw.”

Yɛdh 36:26

Ɣän bä yɛ moc kɛ lɔc mi gɔaa, kɛnɛ ca̱r mi gɔaa. Kä bä buɔ̱m lɔaac woc kä yɛ, bä yɛ ka̱m ni lɔc mi gɔaa.

Yɛdh 44:15

Ɛn wa̱nɔ, cu Kuäär ni Kuoth Nhial mɛmɛ lar wëë i̱, “Bi ji̱ Lii-bay tin la bööth palä, tin la kuay Dha-dok tëë lät rɛy luaak Kuɔth mëë ci ji̱ I-thɛ-rɛl diaal kac raar kä ɣä, ben thiäkädä kä bikɛn ɣä lätikä. Bikɛ ɣä thöp muc thiɔaal kɛnɛ muc riɛm, ruac ni ɣän Kuäär ni Kuoth Nhial.

Liib 1:12

Kä bi ram in thöp muc mucdɛ ŋuɔ̱k kɛ li̱w, wi̱cdɛ kɛnɛ kockɛ, bi bööth palä kɛ car maac jiɛɛn wi̱i̱ yi̱kä.

Liib 1:8

Kä bikɛ wi̱c, kɛ thiɔl kɛ ri̱ŋ la̱th maac wi̱i̱ yi̱kä.

Liib 16:25

Kä bɛ thiɔl luurä dui̱rä waŋ wi̱i̱ yi̱kä bä.

Liib 3:16

Kä bɛ kɛ waŋ wi̱i̱ yi̱kä ala luur mi̱th mi tɛth lɔc Kuɔth Nhial.

Liib 3:2

Kä a bukɛ kä a jɛ näkɛ thok kɛmɛkä ro̱mä kɛ Kuoth Nhial nath kɛ Kuoth, kä bi gaat Ä-ron tin la bööth palä riɛmdɛ kiɛth pëkni yi̱kä da̱ŋ ŋuaan.

Liib 3:4

Kɛ rokɛ diaal kɛn kɔalikiɛn amäni go̱o̱k cua̱ny.

Liib 4:10

Bi bööth palä kɔali tɔ̱tɔ̱ ka̱n kä bɛ kɛ waŋ wi̱i̱ yi̱kä in la thöpkɛ luuri ti waaŋ thi̱n ce̱tnikɛ min la̱tdɛ kɛ kɔali luurä nyuaakä.

Liib 7:30

Kä bɛ mucdɛ min mucdɛ nööŋ mi ba wa̱ŋ Kuoth Nhial, bɛ thiɔl kɛnɛ kaw nööŋ, kä ba kaw ŋuëŋ Kuoth Nhial, ala muc mi ŋuaŋ.

Liib 7:5

Bi bööth palä kɛ waŋ wi̱i̱ yi̱kä ala muc mi wa̱ŋkɛ Kuoth Nhial, kɛ ɣöö ɛ muc cutdä.

Liib 9:10

Niɛn yi̱kä cuɛ thiɔl kɛnɛ rok kɛ go̱o̱k cua̱ny luurä dui̱rä cu waŋ ce̱tnikɛ mëë ci Kuoth Nhial ɛ la̱t Muthɛ.

Mɛ̈t 13:16

Kä ca wäŋkun poth, kɛ ɣöö gui̱ckɛ, kä ca ji̱thkun poth, kɛ ɣöö li̱ŋkɛ.

Mɛ̈t 15:8

‘Nɛy ti̱ti̱ luɔ̱thkɛ ɣä kɛ lëëpkiɛn, kä lo̱ckiɛn nɔ̱a̱nkɛ kɛ ɣä.

Ji̱ Röm 5:5

Kä ŋa̱th kɛ mi bi ben /cɛ kɔn moc bath lɔaac, kɛ ɣöö nhök Kuɔth ca tiɛth rɛy lo̱cnikɔn Yiëë in Gɔaa in Rɛl Rɔ min ca ka̱m kɔn.

Ji̱ Röm 6:6

Ŋäc kɔn ɛ ɛn ɣöö ca puɔ̱nydan ëë wal pua̱t jɔk jiaath in ri̱ew kɛ jɛ kɛɛl, kɛ ɣöö ba puɔ̱ny mi ci thia̱a̱ŋ kɛ dueer däk, kä /canɛ bilɛ ŋot ala kuany dui̱rä.

Ŋuɔ̱t 30:6

Kä bi Kuoth Nhial Kuothdu lɔcdu jak kä gɔaa kɛnɛ lɔc ganku, kɛ ɣöö bia Kuoth Nhial Kuothdun cu nhɔk kɛ lɔcdun kɛɛliw kɛnɛ ca̱run, kä bia cu tëk.

1 Tham 2:15

Kä ciɛ jɛn thuɔ̱ɔ̱kdɛ, ni min ŋot thiɔl a /ka̱n jɛ ni waŋ, la läät bööthä palä ram in thöp mucdɛ a jiök i̱, “Moc bo̱o̱th palä kɛ ri̱ŋ mi bulɛ. Kɛ ɣöö /cɛ ri̱ŋ mi ci tuak go̱o̱r kä ji̱ ɛ ni ri̱ŋ mi tith.”