Liib 26:8 - RUAC KUƆTH IN RƐL RƆ

⁸ Bi nɛy da̱ŋ dhieec nɛy ti kuɔ̱r joc kä yɛ, kä bi nɛy ti kuɔ̱r nɛy ti bathdɔɔri da̱ŋ wäl joc, kɛn ji̱ tɛ̈run bikɛ li̱w kɛ mut nhiamdun.

Liib 26:8 Iomraidhean Croise

1 Kuɛ̈n 11:11

Ti̱ti̱ kɛ nɛɛ Dee-bid tin buɔ̱m buɔ̱ɔ̱m. Ya-cɔ-bam raan rɛ̈ɛ̈k Ɣak-mo-ni, a bo̱o̱th nɛɛni ti jiɛɛn diɔ̱k. Cuɛ nyiëëny kɛ nɛy ti kur diɔ̱k kɛ mutdɛ kä cuɛ kɛ näk ɛn guäth ɛmɔ.

1 Kuɛ̈n 11:20

Täämɛ cu Ä-bi-cay däman Yo-ab a bo̱o̱th nɛɛni da̱ŋ diɔ̱k. Cuɛ nyiëëny kɛ nɛy ti kur diɔ̱k kɛ mutdɛ, kä cuɛ kɛ näk, kä cu tekɛ kɛ̈k ce̱tkɛ nɛy da̱ŋ diɔ̱k.

Ɛth-ter 9:16

Ni̱nɔ, cu ji̱ Juudh tëë te wi̱i̱ni kua̱r tin kɔ̱kiɛn rɔ̱ dol bäkɛ ɣöö bikɛ rɔ̱ gaŋ kä ji̱ tɛ̈riɛn. Kä cu ji̱ tɛ̈riɛn rɔ̱ luär kɛ, kä cukɛ kɛ näk nɛy ti bathdɔɔri ti jiɛn bärɔw wi̱cdɛ dhieec (75,000). Duundɛ ɣöö /kenkɛ duɔ̱ɔ̱r kɛl kä kuakiɛn pɛc.

Liib 26:7

Kä bia ji̱ tɛ̈run joc, kä bikɛ li̱w kɛ mut nhiamdun.

Dhɛk 12:8

Kä ɛn cäŋ ɛ mɔ, bi Kuoth Nhial ji̱ Jɛ-ru-tha-lɛm gaŋ, kä bi kɔ̱a̱c kɔ̱a̱a̱ckiɛn ce̱tnikɛ Dee-bid, kä bi gaat Dee-bid kɛ bo̱th ce̱tnikɛ jääk Kuɔth Nhial, kiɛ ce̱tnikɛ Kuoth puɔ̱nydɛ.

Kuen 14:9

Ɛ ni ɣöö, /cuarɛ tɛr kɛ Kuoth Nhial. Kä /cuarɛ dual kɛ kɛn ji̱ muɔ̱ɔ̱n, kɛ ɣöö kɛ mi̱th kɔn. Thilɛ kɛ mi gaŋ kɛ, kä te Kuoth Nhial kɛɛl kɛ kɔn. /Cuarɛ dual kɛ kɛ.”

Kuen 31:4

A thok duëël ɔ jäk nɛy ti bathdɔɔr kä thuk duëli ji̱ I-thɛ-rɛl kɛ ɣöö bikɛ wä ko̱o̱r.”

Ŋuɔ̱t 28:7

“Kä bi Kuoth Nhial ji̱ tɛ̈ru tin ca rɔ jiëci jak kä juɔckɛ nhiamdu. Bikɛ ben kä yɛ kɛ duɔ̱ɔ̱p kɛl, kä bia kɛ joc kɛ dup bärɔw.

Ŋuɔ̱t 32:30

Ɛŋu dëë ram kɛl nɛy ti bathdɔɔr joc ɔ. Kä dëë nɛɛ rɛw nɛy ti bathdɔɔri da̱ŋ wäl joc ɔ, ciɛ ni mi ci Kuothdiɛn kɛ kɔak, kä cɛ kɛ thöp?

Jɔ-cua 23:10

Ram kɛl kä yɛ jocɛ nɛy ti bathdɔɔr nikɛ ɣöö Kuothdun ni Kuoth Nhial te̱rɛ yɛ tɛrun, nikɛ jɛn mëë cɛ dhil lar i̱ bɛ la̱t.

Ruëëc 15:15

Kä cuɛ cɔ̱a̱ gɛtdä muɔ̱l mi ɣɔa̱a̱c jek piny, kä cuɛ jɛ kuany, kɛ jɛ cuɛ nɛy ti̱i̱ bathdɔɔr näk kɛ jɛ.