Liib 26:4 - RUAC KUƆTH IN RƐL RƆ

⁴ ɣän bä yɛ ka̱m nhiaal kɛ päth kɛ, kä bi mun kuaykɛ rëp kä bi jiɛɛn ka̱a̱ni dɛykiɛn kuir.

Liib 26:4 Iomraidhean Croise

1 Kua̱r 17:1

Täämɛ cu E-li-yaa raan Tic-be mi cieŋ kä Gil-yad Ɛ̈-ɣab jiök i̱, “Ce̱tnikɛ ciöt Kuɔth Nhial Kuoth I-thɛ-rɛl, mi ta̱a̱ cuŋä nhiamdɛ mi, /cɛ bi tekɛ thäc kiɛ nhiaal ɛn runi ti̱ti̱, ɛ ni mi cä lar.”

I-yob 5:10

Jakɛ nhiaal kä dɛm wi̱i̱ muɔ̱ɔ̱n, kä mocɛ ka̱a̱k kɛ pi̱.

Diit 104:13

La waci pääm dueelu ni nhial, ci piny ro̱ŋ kɛ tin diaal tin ci la̱t.

Diit 67:6

Ci mun dɛykɛ kuir, kä bi Kuoth, in la Kuothda kɔ poth.

Diit 67:7

Ci Kuoth nɛy poth ɛ pek ɣɔaa kɛɛliw luth jɛ!

Diit 68:9

Ci nhiaal mi di̱i̱t ŋun lö Kuoth, ci mundu min ci cuuc luɔ̱c jɔk,

Diit 85:12

Kä bi Kuoth Nhial kɔ ka̱m ni tin gɔw, kä bi munda dɛykɛ rɔ̱ rep.

Diit 85:13

Kä bi ciaŋ cuŋni te nhiam Kuɔth, kä bɛ duɔ̱ɔ̱p wä rialikä kɛ kui̱dɛ.

I-ca-yaa 30:23

Kä bɛ kuay tin ci piɛth piny moc kɛ nhiaal, bi cu tekɛ bɛl ti ŋuan. Ɛn cäŋ ɛmɔ bi ɣɔ̱ɔ̱ku tekɛ wal ti ŋuan.

I-ca-yaa 5:6

Ɣän bä jɛ jak kä dɔr, /ca jɛ bi pur kiɛ /ca bi pith, bi piith ni wa̱th kɛnɛ kuiy thi̱n. Kä bä pua̱r jiök ɛn ɣöö /cɛ kak ɛmɔ bi demikä.”

Bok Go̱kä ni Yir-mɛ-yaa 14:22

Kä tëë kɛ kuth jiɛn kä kuth dööri mi dee nhiaal nööŋ? Kiɛ dee pua̱a̱r nhiaal ŋun? Kä /ciɛ ni ji̱n, lö Kuoth Nhial min la Kuothda? Kɔn cakɔ ŋa̱thda ka̱m ni ji̱, kɛ ɣöö ɛ ji̱n lät ti diaal ɔ.

Yɛdh 36:30

Kä bä dɛy jiɛnkun kɛnɛ tin do̱ny ka̱a̱knikun jakä ŋuan, kɛ ɣöö /cia rɔ̱, bi̱lɛ nyɔk kɛ cuɔ̱c kɛ buɔth rɛy dööri.

Yo-el 2:22

Kä /cuarɛ dual lö ley dɔaar, kɛ ɣöö ci tɔ̱a̱ri a tɔ̱ɔ̱c kɛ wal, kä ci jiɛn dɛykiɛn kuir, a ci bɛl ŋuan.

Liib 25:19

Bi mun dɛykɛ kuir, kä bia ria̱ŋ kɛ mi̱ethkɛ, kä bia cieŋ thi̱n kɛ mal.

Liib 25:21

Ɣän Kuoth bä puɔ̱thdä ka̱m yɛ rɛy runi da̱ŋ bäkɛl, bi mun ciɛk kɛ bɛl kɛ run diɔ̱k.

Dhɛk 8:12

Kä bikɛ pi̱eth kɛ mal. Bi jiɛn dɛykiɛn kui̱r, kä bi mun dɛykɛ rep, kä bi pua̱a̱r nhiaal jak kä dɛm. Kä ɣän bä duɔth nɛɛni ti̱ti̱ ka̱m kɛn ti̱ti̱ diaal.

Mɛ̈t 5:45

kɛ ɣöö bi yɛn a gaat Guurun in te nhial kɛ ɣöö jakɛ cäŋdɛ kä lɛp kä nɛy ti jiäk kɛnɛ nɛy ti gɔw, kä jäkɛ nhiaal kä ji̱ cuŋni kɛnɛ nɛy ti thil cuŋ.

Lät Jaakni Yecu 14:17

Kä jɛn ni ciaŋ la nyoothɛ ta̱a̱dɛ thi̱n kɛ lätni kä mi gɔaa. Cɛ yɛ moc nhiaal ni puɔ̱ɔ̱rä kɛnɛ bɛl kɛ gua̱a̱thdiɛn. Cɛ yɛ moc kɛ ria̱ŋ, kä cɛ lo̱ckun thiäŋ kɛ tɛ̈th lɔaac.”

Ŋuɔ̱t 11:13

“Kä luɔ̱thɛ luek ɛ la̱tdä yɛ walɛ, ɛn ɣöö nhɔk Kuoth Nhial Kuothdu, kä palɛ kɛ lɔcdu kɛɛliw kɛnɛ ca̱ru kɛɛliw.

Ŋuɔ̱t 11:14

Bɛ yɛ moc kɛ nhiaal kɛ gua̱a̱thdɛ nhiaal rueel kɛnɛ nhiaal ma̱y, kɛ ɣöö derɛ bɛlkun jek kɛnɛ liɛɛth.

Ŋuɔ̱t 28:12

Kä bi Kuoth Nhial yɛ lëp gɔɔy cieŋdɛ Nhial, bɛ yɛ jäk kä nhiaal ce̱tkɛ gua̱a̱thdɛ kä bɛ yɛ puɔ̱th tin diaal tin cia la̱t. Bia dör ti ŋuan ŋuälikä, kä duundɛ ɣöö cia ŋua̱l bi ka̱n kä kɛ.

Je-mɛth 5:7

Kɛ kui̱ ɛmɔ, dämaari, li̱epɛ kɛ biɛt amäni cäŋ in bi ben kɛ Kuäär ni Yecu. Nɛ̈nɛ jɛ, liip pi̱i̱th kakä ciɛk bɛɛl tin cɛ pith muun, bɛ kɛ lip bitdä, amäni mi ci nhiaal in jio̱l kɛnɛ nhiaal in jɔak dɛ̈m.

Nyuuth 11:6

Tekɛ kɛ lua̱ŋ kɛ ɣöö ba pua̱a̱r gäk, kɛ ɣöö /ci nhiaal bi dɛ̈m kɛ ni̱n tin lat kɛn ɛ ruac Kuɔth, kä tekɛ kɛ lua̱ŋ kɛ ɣöö dëë pi̱ loc ni riɛm, kɛnɛ ɣöö dëë wi̱c muɔ̱ɔ̱n duäc kɛ rik diaal, ce̱tkɛ gua̱a̱th in go̱o̱r kɛn ɛ.