Liib 26:16 - RUAC KUƆTH IN RƐL RƆ

¹⁶ ɣän bä nɛmɛ lät kä yɛ. Ɣän bä yɛ moc kɛ da̱k, bä yɛ moc kɛ lëth pua̱ny mi yär wäŋ kä jak tëk kä bɛ̈c. Kä bia ka̱a̱kun pith kɛ kuay, kɛ ɣöö ba kɛ cam ɛ ji̱ tɛ̈run,

Liib 26:16 Iomraidhean Croise

1 Kua̱r 8:37

“Kä mi ci muun tekɛ buɔth, kiɛ kɔ̱m kiɛ kɔryɔm, kiɛ rak, kiɛ mi ca nɛɛku go̱l ɛ ji̱ tɛ̈riɛn, kiɛ liaw rɛydiɛn,

I-yob 18:11

Kä ci dual jɛ go̱l pekni diaal, guurɛ jɛ gua̱thni diaal.

I-yob 20:25

Ɛn bäär cɛ wuth ni puɔ̱nydɛ, ci mut wä wuth ni cuenydɛ, kä bi dual mi di̱i̱t ben lɔɔcdɛ.

I-yob 31:8

a nɛy ti kɔ̱ŋ camkɛ mi̱thkä, kä a bɛl tin cä pith duɔ̱pkɛ.

Diit 109:6

Cukɛ wee i̱, “Kuenyni jɛ ram mi jiääk mi bi ruac kɛ kui̱dɛ, ɛ ram mi gɔɔny jɛ cuŋ gekädɛ.

Diit 73:19

Kä cukɛ cu duɔ̱p nikɛ gua̱a̱th mi tɔt, kä cuɛ cua̱ jɛn riawdiɛn inɔ!

Diit 78:33

Kɛ kui̱c ɛmɔ cɛ ni̱nkiɛn jak kä thuk ɛ yut ce̱tnikɛ yiëë mi ca ŋɔk, kä cikɛ runkiɛn thuk rɛy däkä.

Ɣöth 15:26

Cuɛ wee i̱, “Mi wiaa ruac Kuɔthdun ni Kuoth Nhial wä liŋ agɔaa, kä bia la̱t ni min la cuɔ̱ɔ̱ŋ nhiamdɛ, kä bia ji̱thkun lɛp agɔaa kɛ lieŋ lueeknikɛ, kä bia ŋuɔ̱tkɛ diaal ka̱p lɔɔcdun a bum, thilɛ liaw kɛl mi bä nöŋ yɛ kä kɛn liaw diaal tëë cä tɔ̱ɔ̱ŋ ni ji̱ I-jëp, kɛ ɣöö ɛ ɣän Kuoth Nhial min la te̱e̱kdun.”

Ruac Pɛli 3:33

Kuëth Kuɔth a dhɔr ram mi gua̱n dueeri, kä puɔ̱thdɛ akɛ gua̱n cuŋni.

I-ca-yaa 10:4

Thilɛ mi ci duɔth ɛ ni ɣöö bi te rɛy nɛɛni tin ba pɛc, kiɛ bi te rɛy nɛɛni tin ba näk. Kɛ kɛn ti̱ti̱ ŋot gak Kuɔth /kenɛ ni thuɔ̱k, ŋotdɛ duääcɛ naath kɛ buɔ̱mdɛ.

I-ca-yaa 62:8

Ci Kuoth Nhial rɔ yac kɛ ciötdɛ kä cɛ rɔ yac kɛ buɔ̱mdɛ wëë i̱, “/Cä bɛlkun bi nyɔk kɛ tho̱p ji̱ tɛ̈run ala mi̱eth kä kɛ, kä /ci jur kɔaŋdun in cia la̱t bi nyɔk kɛ ma̱th,

I-ca-yaa 7:2

Kä mëë ca jɛ la̱r ji̱ dhɔaar Dee-bid i̱, “Ci ji̱ Thi-ri-ya rɔ̱ mat kɛ ji̱ Ɛ-pa-rim,” cuɛ lɔc kua̱r Juda kɛnɛ nɛɛkɛ lath ce̱tnikɛ min la jiɛn a yɔ̱a̱kɛ ɛ jiɔam.

Bok Go̱kä ni Yir-mɛ-yaa 12:13

Kä bi nɛɛkä bɛl pith kä ba ŋɛr ni wa̱th, kä bi kɛ cuuc kɛ la̱t mi di̱i̱t, kä thilɛ mi bi kɛn ɛ jek. Bikɛ pöc kɛ min bi kɛn ɛ ŋɛr kɛ kui̱ gaakdä ɣän Kuɔth Nhial.”

Bok Go̱kä ni Yir-mɛ-yaa 15:3

Kä cu Kuoth Nhial wee i̱, “Ɣän bä kɛ moc ŋuaan ti ba kɛ däk, ko̱r mi bi kɛ näk, kɛ jio̱o̱k ti ba kɛ ka̱c yɔ̱ɔ̱ŋ, kɛ diit nhial kɛnɛ ley dɔaar ti bakɛ cam kä ba kɛ däk.

Bok Go̱kä ni Yir-mɛ-yaa 15:8

Cä män jɔɔknikiɛn jak kä ŋuan ce̱tnikɛ liɛt thuɔk yiëër. Kä kɛ cäŋdäär ɣän bä manikiɛn kɛ ŋuɛ̈tnikiɛn nöŋ dääk mi bikɛ däk. Bä kɛ pärikä kɛ rik ti bɛ̈c bɛ̈ɛ̈c kɛnɛ jiath lɔaac.

Bok Go̱kä ni Yir-mɛ-yaa 20:4

Kɛ ɣöö ci Kuoth Nhial wee i̱, ‘Ɣän bä ji̱ jak kä tekɛ riɛk puɔ̱nydu yɛnɛ mäthniku diaal. Kɛn ba kɛ näk ko̱o̱r ɛ ji̱ tɛ̈riɛn a guici kɛ. Kä bä Juda kɛɛliw la̱th tetdä kua̱r Bɛ̈-bi-lɔn. Kä bɛ kɛ naŋ kä Bɛ̈-bi-lɔn ala pɛ̈ɛ̈c, kä bɛ kɛ näk.

Bok Go̱kä ni Yir-mɛ-yaa 5:17

Kɛn bikɛ mi̱ethdun kɛnɛ bɛlkun cam, kä bikɛ dhɔɔlkun kɛnɛ nyieekun näk, kä bikɛ detkun kɛnɛ ɣɔ̱ɔ̱kun cam, kä bikɛ dɛy walkun kɛnɛ jiɛn ŋɔ̱a̱p cam, kä bikɛ wi̱i̱kun tin buɔ̱m buɔ̱ɔ̱m tin ŋa̱thɛ däk kɛ ko̱r.”

Yɛdh 24:23

Bi kuɔ̱mni wuɔ̱thnikun te ni thi̱n, kä bi wa̱a̱rikun te ciöknikun. /Cuarɛ pär kä /cuarɛ wiee, duundɛ ɣöö bia thuuk kɛ kui̱ dueerikun, kä bi ramɔ ramɔ par.

Yɛdh 33:10

“Täämɛ ji̱n gat ran, ruacni kɛ thok duëël I-thɛ-rɛl, bikɛ jiök i̱ ruac yɛn i̱, ‘Nyuɔɔnkɔ kɛnɛ dueerkɔ kɛ kɛn ci pɛn wi̱i̱da tɔ̱, kä ca nɛy cuc ɛ kɛn, kä dee nɛy kulɛ tëk i̱di?’

A-mɔth 5:11

Yɛn cia nɛy ti can yak, kä cia bɛ̈lkiɛn ma̱a̱c. Kä inɔ, cäŋɛ ni mi cia rɔ ta̱th duel päämni, duundɛ ɣöö /cia bi cieŋ thi̱n. Kä cia ka̱a̱kni wal kɛ kui̱ kɔaŋ ti gɔw pith, duundɛ ɣöö /cia kɔaŋdiɛn bi math.

Mikaa 6:15

Yɛn bia pi̱eth, duundɛ ɣöö /ciakɛ bi ŋɛr, bia dɛy Ɔ-lip nhiac, duundɛ ɣöö cia rɔ, bi yi̱r kɛ liɛɛthdɛ. Kä bia bɛl ɣɔ̱l, duundɛ ɣöö /cia kɔaŋdiɛn bi math.

Bok Go̱kä ni Ɣa-gay 1:6

Yɛn piɛthɛ be̱e̱l mi duŋ di̱i̱t kä ciɛ̈cɛ ni ti tɔt. Mi̱ethɛ kä /cia riäŋ, ma̱thɛ kä /cia kayŋua̱a̱k, ruɔnyɛ rɔ̱ kɛ bieyni kä /ci pua̱nykun rɔ̱ nyäk kɛ muɔr, kä kääp raan yio̱w la̱t ti pikɛ ki̱eth mi ci wuɔ̱th.”

Dhɛk 14:12

Kä nɛmɛ ɛ jɛn juey in bi Kuoth Nhial ɛ nöŋ nɛy tin bi ben nyiëëny kɛ ji̱ Jɛ-ru-tha-lɛm. Bi ri̱ŋdiɛn rɔ ŋääŋ kä piny kä tekɛ cuŋä, kä bi wäŋkiɛn ɣo̱w, kä bi lëëpkiɛn rɔ cun thuknikiɛn.

Mɛ̈l 2:3

Ɣän bä gaatkun däk, kä bä nhiamdun ki̱eth jiäk mucnikun. Kä bä yɛ woc nhiamdä.

Ŋuɔ̱t 28:51

Ba dɛy ɣɔ̱ɔ̱kun cam kɛnɛ bɛlkun, amäni mi cia duɔ̱p. Thilɛ beel kiɛ kɔaŋ kiɛ liɛɛth mi ba ba̱ny yɛ, cäŋɛ dɔw yaaŋ kiɛ dɛl, amäni mi cia tɛ̈ŋ.

Ŋuɔ̱t 32:25

Kɛ ko̱o̱ri bikɛ li̱w duɔ̱pni. Kä kɛ riɛk rɛy dho̱rikiɛn, bi ŋuɛ̈tni wutni kɛnɛ nyi̱er li̱w, kɛ gaat ti tiɛtni kɛnɛ dɔ̱ŋ.

Ji̱ Ɣi-bɛ-ru 10:31

Ɛ dual mi di̱i̱t ɛn ɣöö bi raan pɛn tetdä Kuɔth in tëk.

Ruëëc 6:11

Ɛ jɛn cu jääk Kuɔth Nhial ben nyuur thaar jiaath kä Ɔp-ra, min mɔ jiath Yo-ac raan Ä-bi-ɛ-dhɛr, guäth in kɔ̱ɔ̱m gatdɛ ni Gi-don bɛl guäth in la dhiɛmkɛ kɔaŋ thi̱n kɛ ɣöö /ci ji̱ Mid-yan kɛ bi lɛ nɛn.

1 Tham 2:33

Kä nɛy tin /ka̱n pën ben wi̱i̱ yi̱kädä kä ji̱, bi ka nyin cio̱o̱rädu kɛnɛ pa̱ru. Kä bi kuayku diaal li̱w kɛ rur bumädiɛn ko̱o̱r.